മെട്രോയില് സ്ത്രീകള്ക്ക് സൗജന്യയാത്ര അനുവദിക്കാനുള്ള നീക്കത്തിനെതിരെ 'മെട്രോമാന്'
ഡല്ഹി സര്ക്കാരിന്റെയും കേന്ദ്ര സര്ക്കാരിന്റെയും സംയുക്ത സംരംഭമായ ഡല്ഹി മെട്രോയില് സ്ത്രീകള്ക്ക് സൗജന്യ യാത്ര അനുവദിക്കാനുള്ള ഡല്ഹി സര്ക്കാരിന്റെ നീക്കത്തിനെതിരെ മുന് ഡി എം ആര് സി മേധാവി കൂടിയായ ഇ ശ്രീധരന് രംഗത്ത്. ഡല്ഹി സര്ക്കാരിന്റെ ഈ നീക്കത്തിന് അനുമതി നല്കരുതെന്ന് ആവശ്യപ്പെട്ട് അദ്ദേഹം പ്രധാനമന്ത്രിയ്ക്ക് കത്തയച്ചു.
ഇത്തരത്തിലുള്ള ഒരു നീക്കം ആപല്ക്കരമായ കീഴ്വഴക്കങ്ങള് സൃഷ്ടിക്കും. സ്ത്രീ യാത്രക്കാരുടെ ക്ഷേമത്തിന് വേണ്ടി ഡല്ഹി സര്ക്കാരിന് പദ്ധതി നടപ്പാക്കാന് ആഗ്രഹമുണ്ടെങ്കില് അവരുടെ യാത്രാച്ചെലവ് സംസ്ഥാന സര്ക്കാര് നേരിട്ട് അവര്ക്ക് കൈമാറിയാല് മതിയാകുമെന്നും അദ്ദേഹം പറഞ്ഞു. ഡി എം ആര് സിക്കുണ്ടാകുന്ന വരുമാന നഷ്ടം ഡല്ഹി സര്ക്കാര് നികത്തിക്കൊള്ളുമെന്ന വാഗ്ദാനവും ദുര്ബലമാണെന്നും ശ്രീധരന് പറഞ്ഞു.
ഒരു കൂട്ടര്ക്ക് ഏകപക്ഷീയമായ തീരുമാനം എടുക്കാന് സാധിക്കില്ല. ഇത്തരം ഇളവുകള് അനുവദിച്ചാല് മെട്രോയുടെ പ്രവര്ത്തനത്തെ ഇത് ബാധിക്കുകയും അധികം വൈകാതെ അടച്ചുപൂട്ടേണ്ടി വരുമെന്നും അദ്ദേഹം മുന്നറിയിപ്പ് നല്കി.
2002ല് ഡല്ഹി മെട്രോ ആരംഭിച്ചപ്പോള് ആര്ക്കും യാത്ര ഇളവുകള് നല്കില്ലെന്ന ഉറച്ച തീരുമാനം എടുത്തിരുന്നു. അന്നത്തെ പ്രധാനമന്ത്രിയായിരുന്ന അടല് ബിഹാരി വാജ്പേയി വരെ ടിക്കറ്റ് എടുത്താണ് അന്ന് ഉദ്ഘാടനത്തിന് എത്തിയത്. ഡി എം ആര് സി ജീവനക്കാരും മാനേജിങ് ഡയറക്ടര് വരെയും ടിക്കറ്റ് എടുത്താണ് യാത്ര ചെയ്യുന്നതെന്നും അദ്ദേഹം കത്തില് ചൂണ്ടിക്കാട്ടി.
https://www.facebook.com/Malayalivartha
