"ബ്ലാക്ക് മണി എങ്ങനെ വൈറ്റാക്കും"- ഇന്ത്യ ഗൂഗിളിനോട്
കഴിഞ്ഞ രണ്ടു ദിവസമായി ഇന്ത്യയിലെ ജനങ്ങൾ ഗൂഗിളിൽ ഏറ്റവും കൂടുതൽ തെരഞ്ഞത് എങ്ങിനെ ബ്ലാക്ക് മണി വൈറ്റാക്കാമെന്നാണ്. ഒരു രാത്രി കൊണ്ട് ആയിരങ്ങള്‍ വെറും കടലാസ് കഷ്ണങ്ങള്‍ മാത്രമാകുന്ന അപൂര്‍വകാഴ്ചയാണ് ചൊവ്വാഴ്ച രാത്രിയില്‍ കണ്ടത്. അതോടെ
ഇന്ത്യയില്‍ കുറച്ചധികം പേര്‍ക്ക് ഉറക്കം നഷ്ടപ്പെട്ടിട്ടുണ്ടോ? ഉണ്ടെന്ന് വേണം കരുതാന്‍. കഴിഞ്ഞ രണ്ട് ദിവസമായി ഗൂഗിളില്‍ ഏറ്റവും കൂടുതല്‍ ആളുകള്‍ തെരയുന്നത് എങ്ങനെ കള്ളപ്പണം വെള്ളപ്പണമാക്കാം എന്നതാണ്. ഏറ്റവും കൂടുതല്‍ സെര്‍ച്ചുകള്‍ വന്നത് മോദിയുടെ സ്വന്തം സംസ്ഥാനമായ ഗുജറാത്തില്‍ നിന്നും. വ്യാപാരികളും, ബിസിനസ്സുകളും ഏറ്റവും അധികം പ്രവര്‍ത്തിക്കുന്ന സംസ്ഥാനങ്ങളില്‍ ഒന്നാണ് ഗുജറാത്ത്. ഹരിയാന, പഞ്ചാബ്, ഡല്‍ഹി എന്നിവിടങ്ങളില്‍ നിന്നാണ് കൂടുതൽ സെര്‍ച്ചുകളും.
കള്ളനോട്ടുകളുടെ എണ്ണം ക്രമാതീതമായി കൂടിയെന്ന കാര്യം കൂടി പരിഗണിച്ചാണ് ആയിരം രൂപ, അഞ്ഞൂറ് രൂപ നോട്ടുകള്‍ പിന്‍വലിക്കുവാന്‍ സര്‍ക്കാര്‍ തീരുമാനിച്ചത്.