സംസ്ഥാനത്ത് തുടര്‍ച്ചയായ മൂന്നാം ദിവസവും സ്വര്‍ണ വിലയില്‍ മാറ്റമില്ല. ഒരു പവന്‍ സ്വര്‍ണത്തിന് 36,480 രൂപയാണ് വില. ഒരു ഗ്രാമിന് 4560 രൂപയും. ഈ മാസത്തെ ഏറ്റവും ഉയര്‍ന്ന നിരക്കിലാണ് കഴിഞ്ഞ മൂന്ന് ദിവസമായി വില തുടരുന്നത്.


മെയ് 20നാണ് സ്വര്‍ണ്ണ വില പവന് 36,480 രൂപയില്‍ എത്തിയത്. അതേസമയം സംസ്ഥാനത്ത് വെള്ളി വിലയില്‍ കുറവുണ്ടായി. ഒരു ഗ്രാം വെള്ളിയ്ക്ക് 72.30 രൂപയാണ് വില. 8 ഗ്രാമിന് 578.40 രൂപയും.

ഒരു കിലോഗ്രാമിന് 72,300 രൂപയാണ് വില. ഒരു കിലോഗ്രാം വെള്ളിയ്ക്ക് ഇന്നലെ 73,000 രൂപയായിരുന്നു വില. അതേസമയം രാജ്യാന്തര വിപണിയില്‍ സ്വര്‍ണത്തിന്റെ ഔണ്‍സ് വില വര്‍ധിച്ചു. 7.86 ഡോളര്‍ വര്‍ധിച്ച് 1881.96 ഡോളറിനാണ് ഇന്ന് വ്യാപാരം നടക്കുന്നത്.