ആ കാഴ്ച കണ്ട്....  വലിയവേളി സെയ്ന്റ് തോമസ് പള്ളിക്കു സമീപമുള്ള കടലിൽ കൈകൾ കൂട്ടിക്കെട്ടിയ നിലയിൽ സ്ത്രീയുടെ മൃതദേഹം കണ്ടെത്തി. ശനിയാഴ്ച രാവിലെ ഏഴുമണിയോടെ കടലിൽ മൃതദേഹം ഒഴുകിനടക്കുന്നതു കണ്ട മത്സ്യത്തൊഴിലാളികളാണ് തുമ്പ പോലീസിനെ വിവരമറിയിച്ചത്. ഏകദേശം 50 വയസ്സു തോന്നിക്കുന്ന സ്ത്രീയുടെ മൃതദേഹമാണ് കണ്ടെത്തിയത്.

മൃതദേഹത്തിന്റെ കൈകൾ തുണിയുപയോഗിച്ചുതന്നെ പിന്നിലേക്കു കൂട്ടിക്കെട്ടിയ നിലയിലായതിനാൽ സംഭവത്തിൽ ദുരൂഹതയുണ്ടെന്നും കൊലപാതകമാണോയെന്നു സംശയിക്കുന്നതായും തുമ്പ പോലീസ് . മൃതദേഹത്തിന് ഒന്നോ രണ്ടോ ദിവസത്തെ പഴക്കമുണ്ടെന്നാണ് പ്രാഥമികനിഗമനത്തിലുള്ളത്.
തുമ്പ പോലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി മൃതദേഹം പോസ്റ്റ്‌മോർട്ടത്തിനായി തിരുവനന്തപുരം മെഡിക്കൽ കോളേജ് ആശുപത്രി മോർച്ചറിയിലേക്കു മാറ്റിയിരിക്കുകയാണ്.