സംസ്ഥാനത്ത് സ്വര്ണവിലയില് വര്ദ്ധനവ്.... പവന് 560 രൂപ വര്ദ്ധിച്ചു
സംസ്ഥാനത്ത് സ്വര്ണ വില വീണ്ടും കൂടി. പവന് 560 രൂപയാണ് ഇന്ന് കൂടിയത്. ഇന്നലെ പവന് 320 രൂപ കൂടിയിരുന്നു. ഇന്നത്തെ സ്വര്ണവില 38720 രൂപയാണ്.
ഗ്രാം വില 70 രൂപ ഉയര്ന്ന് 4880 ആയി. രണ്ടു ദിവസത്തിനിടെ 880 രൂപയാണ് വര്ധിച്ചത്. യുക്രെയ്നിലെ റഷ്യന് അധിനിവേശത്തെ തുടര്ന്ന് ഓഹരി വിപണിയില് ഉണ്ടായ അനിശ്ചിതത്വമാണ് സ്വര്ണ വിലയില് പ്രതിഫലിക്കുന്നത്.
അന്താരാഷ്ട്ര വിപണിയില് സ്പോട് ഗോള്ഡ് വില 1.3ശതമാനം ഉയര്ന്ന് ട്രോയ് ഔണ്സിന് 1,960.84 ഡോളര് നിലവാരത്തിലാണ് വ്യാപാരം നടന്നത്. ഒരാഴ്ചക്കിടെയുണ്ടായ വിലവര്ധന 3.8ശതമാനമാണ്.
16 മാസത്തെ ഉയര്ന്ന നിലവാരത്തിലെത്തിലാണ് ഇപ്പോള് സ്വര്ണവില. ഇതിനുമുമ്പ് 2020 നവംബറിലാണ് പവന് 38,400 രൂപ വിലയെത്തിയത്.
"
https://www.facebook.com/Malayalivartha