ഒരു കൗമാരക്കാരന്റെ മുൻ കാമുകിയോടുള്ള പ്രതികാരം, അതിനായി നിലവിലെ കാമുകിയുടെ സോഷ്യൽ മീഡിയ അക്കൗണ്ട് വഴി ഒരുക്കിയ ഡിജിറ്റൽ കെണി! തിരുവനന്തപുരം പാങ്ങപ്പാറയിൽ പതിനേഴുകാരൻ അഭിറാം ക്രൂരമായി കൊല്ലപ്പെട്ട കേസിൽ പുറത്തുവരുന്നത് സിനിമയെപ്പോലും വെല്ലുന്ന ഞെട്ടിക്കുന്ന ആസൂത്രണ വിവരങ്ങളാണ്. യഥാർത്ഥത്തിൽ പ്രതികൾ ലക്ഷ്യമിട്ടത് ഇരട്ടക്കൊലപാതകമായിരുന്നു എന്നാണ് പോലീസ് കണ്ടെത്തൽ. തന്റെ സുഹൃത്തിനെ മരണക്കയത്തിലേക്ക് വിളിച്ച് വരുത്താൻ തയ്യാറാകാത്തതിന്റെ പേരിൽ മാത്രം ഒരു നിരപരാധിയുടെ ജീവൻ പ്രതികൾ ബെൽറ്റുകൊണ്ട് കഴുത്തുമുറുക്കി ഇല്ലാതാക്കുകയായിരുന്നു. കൊലപാതകത്തിന് ശേഷം മൃതദേഹം കായലിൽ തള്ളാൻ ശ്രമിച്ചെങ്കിലും അന്ന് രാത്രി പെയ്ത കനത്ത മഴയാണ് പ്രതികളുടെ നീക്കം പാളിച്ചതും കേസിൽ വഴിത്തിരിവായതും.