അമേരിക്കയില്‍ നിന്നും ഇസ്രായേലില്‍ നിന്നും ആണവ ആക്രമണ ഭീഷണി നിലനില്‍ക്കുന്നതിനിടെ ചരിത്രത്തില്‍ ആദ്യമായി പൊതുജനങ്ങള്‍ക്ക് സുരക്ഷാ മാര്‍ഗ്ഗനിര്‍ദ്ദേശങ്ങള്‍ വരെ ഇന്നലെ ഇറാൻ പുറപ്പെടുവിച്ചിരുന്നു . ആണവ സ്‌ഫോടനമുണ്ടായാല്‍ എങ്ങനെ ജീവന്‍ രക്ഷിക്കാം, റേഡിയേഷന്‍ അപായങ്ങളില്‍ നിന്ന് എങ്ങനെ രക്ഷപ്പെടാം തുടങ്ങിയ വിവരങ്ങളടങ്ങിയ നിര്‍ദ്ദേശങ്ങളാണ് ഇറാന്‍ സര്‍ക്കാര്‍ നല്‍കിയിരിക്കുന്നത്. ഇറാന്റെ ഔദ്യോഗിക വാര്‍ത്താ ഏജന്‍സിയായ ഐ.ആര്‍.എന്‍.എ. വഴിയാണ് ഈ അപൂര്‍വ്വ മുന്നറിയിപ്പുകള്‍ ജനങ്ങളിലേക്ക് എത്തിച്ചിരിക്കുന്നത്. എട്ടു മിനിറ്റ് ദൈര്‍ഘ്യമുള്ള പ്രത്യേക ബോധവല്‍ക്കരണ വീഡിയോയും ഇതോടൊപ്പം അധികൃതര്‍ പുറത്തുവിട്ടിട്ടുണ്ട്.

ഇറാന്റെ ആണവ കേന്ദ്രങ്ങള്‍ ആക്രമിക്കാന്‍ അമേരിക്ക പദ്ധതിയിടുന്നുവെന്ന റിപ്പോര്‍ട്ടുകള്‍ക്ക് പിന്നാലെയാണ് ഈ നടപടി.. ഈ മുന്നറിയിപ്പിന് പിന്നിൽ ഇറാൻ ഭയന്നിരുന്നു എന്ന് തന്നെ വേണം പറയാൻ. കാരണം ഭരണ കേന്ദ്രങ്ങളിലേക്കും തുറമുഖങ്ങളിലേക്കും സൈനിക കേന്ദ്രങ്ങളിലേക്കും ആക്രമണം നടത്തുന്നത് പോലെയാവില്ല ആണവ നിലയങ്ങളിലേക്ക് ആക്രമണം നടത്തിയാൽ സംഭവിക്കുന്നത് . ഇത്തരത്തിൽ ഒരു ആക്രമണം സംഭവിച്ചു എന്ന് തന്നെ കരുതുക ഇറാൻ മാത്രമാണോ ഭയപ്പെടേണ്ടത് . മറ്റേതെങ്കിയിലും രാജ്യങ്ങൾ ഭയക്കണോ..എങ്കിൽ ഭയപ്പെടണം എന്നുള്ളതാണ് പുതിയ പഠനങ്ങൾ നൽകുന്ന മുന്നറിയിപ്പ്..ഇന്ത്യയടക്കമുള്ള സമീപരാജ്യങ്ങളിലേക്ക് വികിരണം വ്യാപിക്കാൻ സാധ്യതയുണ്ട്.

കാറ്റ് കിഴക്കോട്ട് വീശുകയാണെങ്കിൽ റേഡിയോ ആക്ടീവ് കണങ്ങൾ പേർഷ്യൻ ഉൾക്കടൽ, അഫ്ഗാനിസ്താൻ, പാകിസ്താൻ എന്നിവ കടന്ന് ഇന്ത്യയുടെ വടക്കുപടിഞ്ഞാറൻ പ്രദേശങ്ങളായ പഞ്ചാബ്, രാജസ്ഥാൻ, ജമ്മു-കശ്മീർ, ഗുജറാത്ത് എന്നിവിടങ്ങളിലേക്ക് എത്തും. വിശദമായി പറയുവാണെങ്കിൽ..ഇറാനിലെ ഇസ്ഫഹാൻ പ്രവിശ്യയിൽ സ്ഥിതി ചെയ്യുന്ന പിക്ക്ആക്സ് പർവതത്തിലെ രഹസ്യ ഭൂഗർഭ ആണവനിലയത്തിന് നേരെ അമേരിക്ക ആക്രമണം നടത്തിയേക്കുമെന്ന അഭ്യൂഹങ്ങൾ ശക്തമാകുന്നു. ആക്രമണമുണ്ടായാൽ റേഡിയോ ആക്ടീവ് വികിരണങ്ങൾ പാകിസ്താനിലേക്കും വടക്കുപടിഞ്ഞാറൻ ഇന്ത്യയിലേക്കും വ്യാപിക്കാൻ സാധ്യതയുണ്ടെന്ന വാർത്തകളും പുറത്തുവന്നിട്ടുണ്ട്.

അമേരിക്ക പിക്ക്ആക്സ് പർവതം ആക്രമിച്ചേക്കുമെന്ന് കഴിഞ്ഞ ദിവസം പ്രസിഡന്റ് ഡൊണാൾഡ് ട്രംപ് സൂചന നൽകിയിരുന്നു. ഇറാന്റെ ഭൂരിഭാഗം ആണവശേഷിയും തകർത്തുകഴിഞ്ഞെന്ന് ട്രംപ് അവകാശപ്പെടുന്നുണ്ട്. യുദ്ധം അവസാനിപ്പിച്ചില്ലെങ്കിൽ ബാക്കിയുള്ള ഒന്ന് രണ്ട് കേന്ദ്രങ്ങൾ കൂടി ലക്ഷ്യമിടേണ്ടി വരുമെന്നും ആഗ്രഹിക്കുന്ന ഏതു സമയത്തും പിക്ക്ആക്സ് പർവ്വതത്തിന് നേരെ ആക്രമണം നടത്താൻ തങ്ങൾക്ക് സാധിക്കുമെന്നും ട്രംപ് മാധ്യമങ്ങളോട് പറഞ്ഞിരുന്നു.ഇറാനിലെ ഫോർഡോ, നതാൻസ് എന്നീ ആണവ സമുച്ചയങ്ങൾ കഴിഞ്ഞ വർഷം ആക്രമിക്കപ്പെട്ടിരുന്നു.

എന്നാൽ, അവയേക്കാൾ താഴ്ചയിൽ പർവതത്തിന് 328 അടി താഴെ കടുപ്പമേറിയ ഗ്രാനൈറ്റ് പാറകൾക്കുള്ളിലാണ് പിക്ക്ആക്സ് നിലയം സ്ഥിതി ചെയ്യുന്നത്. അതിനാൽ, ആണവ കേന്ദ്രം തകർക്കാൻ അമേരിക്കയുടെ പരമ്പരാഗത ബങ്കർ ബസ്റ്റർ ബോംബുകൾക്ക് സാധിക്കില്ലെന്നും ആണവാക്രമണം മാത്രമാണ് വഴിയെന്നും ട്രംപിൻ്റെ അടുത്ത വിശ്വസ്തനും മുൻ ഫോക്സ് ന്യൂസ് അവതാരകനുമായ ടക്കർ കാൾസൺ അവകാശപ്പെട്ടിരുന്നു. ഇത് ഇന്ത്യയടക്കമുള്ള സമീപരാജ്യങ്ങളിലേക്ക് വികിരണം വ്യാപിക്കാൻ ഇടയാക്കുമെന്നും കാൾസൺ പറഞ്ഞു. ഇന്ത്യയിൽനിന്ന് ഏകദേശം 2,500 കിലോമീറ്റർ അകലെയാണ് ഈ ആണവകേന്ദ്രം സ്ഥിതി ചെയ്യുന്നത്.

സ്ഫോടനത്തിന്റെ തീവ്രത, കാലാവസ്ഥ, കാറ്റിന്റെ ഗതി എന്നിവയെ ആശ്രയിച്ചായിരിക്കും വികിരണ പ്രത്യാഘാതങ്ങൾ ഉണ്ടാകുന്നത്. കാറ്റ് കിഴക്കോട്ട് വീശുകയാണെങ്കിൽ റേഡിയോ ആക്ടീവ് കണങ്ങൾ പേർഷ്യൻ ഉൾക്കടൽ, അഫ്ഗാനിസ്താൻ, പാകിസ്താൻ എന്നിവ കടന്ന് ഇന്ത്യയുടെ വടക്കുപടിഞ്ഞാറൻ പ്രദേശങ്ങളായ പഞ്ചാബ്, രാജസ്ഥാൻ, ജമ്മു-കശ്മീർ, ഗുജറാത്ത് എന്നിവിടങ്ങളിലേക്ക് എത്തിയേക്കാമെന്ന് പ്രതിരോധ വിദഗ്ധനായ സന്ദീപ് ഉണ്ണിത്താൻ പറഞ്ഞു.എന്നിരുന്നാലും, ട്രംപിന്റെ വിശ്വസ്തന്റെ ആശങ്കാജനകമായ അവകാശവാദങ്ങൾ സോഷ്യൽ മീഡിയയിൽ വ്യാപകമായി പരിഹസിക്കപ്പെട്ടു.

അതേസമയം, ആണവായുധങ്ങൾ ഉപയോഗിക്കേണ്ടി വരില്ലെന്ന് ട്രംപ് മുൻപ് വ്യക്തമാക്കിയിട്ടുണ്ട്. അതിനാൽ ഇത് സാധ്യതാ പഠനമാണെന്നും കാൾസണിന്റെ അവകാശവാദങ്ങളിൽ കൃത്യമായ തെളിവുകളില്ലെന്നതും റിപ്പോർട്ടിൽ ചൂണ്ടിക്കാണിക്കുന്നുണ്ട്.അതിനുമുമ്പ്, ട്രംപ് ചൂതാട്ടത്തിന് ഇറങ്ങുമോ എന്നതാണ് പ്രധാന ചോദ്യം. യുദ്ധം അവസാനിപ്പിക്കുന്നതിനുള്ള ഒരു കരാറിൽ ഇറാൻ സമ്മതിച്ചില്ലെങ്കിൽ , പിക്കാക്സ് പർവതത്തിൽ ബോംബ് വയ്ക്കുമെന്ന് യുഎസ് പ്രസിഡന്റ് സമീപ മാസങ്ങളിൽ ആവർത്തിച്ച് ഭീഷണിപ്പെടുത്തിയിട്ടുണ്ട് . എന്നിരുന്നാലും, ഇതുവരെ ആക്രമണങ്ങളിൽ നിന്ന് അദ്ദേഹം പിന്മാറി.