പ്രായപൂർത്തിയാകാത്ത മക്കൾക്ക് വാഹനം നൽകി നിരത്തിലേക്കിറക്കുന്ന മാതാപിതാക്കൾ ശ്രദ്ധിക്കുക..നല്ല എട്ടിന്റെ പണിയാണ് കിട്ടാൻ പോകുന്നത്..
പ്രായപൂർത്തിയാകാത്തവർ വാഹനമോടിച്ചാൽ കർശന നടപടി സ്വീകരിക്കുമെന്ന് മുന്നറിയിപ്പ് നൽകി പോലീസ്. ലൈസൻസില്ലാതെ വാഹനമോടിച്ച 76 കുട്ടി ഡ്രൈവർമാർ മലപ്പുറത്ത് പൊലീസ് പിടിയിൽ. രണ്ട് ദിവസമായി നടത്തിയ പ്രത്യേക പരിശോധനയിലാണ് പ്രായപൂർത്തിയാകാത്ത കുട്ടികൾ പിടിയിലായത്. സ്കൂളുകളിലേക്ക് ഇരുചക്ര വാഹനങ്ങളിൽ എത്തിയവരാണ് പിടിയിലായവരിൽ കൂടുതലും.പൊലീസ് മഫ്തിയിലെത്തിയാണ് പരിശോധന നടത്തിയത്. പിടിയിലായ കുട്ടികളുടെ രക്ഷിതാക്കൾക്കെതിരെയും കേസെടുക്കും. പ്രായപൂർത്തിയാകാത്ത കുട്ടികൾക്ക് വാഹനങ്ങൾ ഓടിക്കാൻ നൽകിയ രക്ഷിതാക്കളെയാണ് നിയമനടപടികൾക്ക് വിധേയരാക്കുക.
ചേരാനല്ലൂരിലുണ്ടായ വാഹനാപകടത്തിന്റെ പശ്ചാത്തലത്തിലാണ് മലപ്പുറം ജില്ലയിൽ പ്രത്യേക പരിശോധന ആരംഭിച്ചത്. കുട്ടികൾക്ക് വാഹനങ്ങൾ നൽകുന്നതിനെതിരെ കർശന നടപടിയുണ്ടാകുമെന്ന് പൊലീസ് മുന്നറിയിപ്പ് നൽകി. വരും ദിവസങ്ങളിലും പരിശോധന തുടരും.കഴിഞ്ഞ ദിവസം മിന്നല്‍ പരിശോധനയുമായി മൂവാറ്റുപുഴ പോലീസ് നിരത്തില്‍ ഇറങ്ങിയതിന്‌ പിന്നാലെ അഞ്ച്‌ കുട്ടി ഡ്രൈവര്‍മാര്‍ പിടിയില്‍. ഇതിന്‌ പുറമെ മൂവാറ്റുപുഴ സ്‌റ്റേഷന്‍ പരിധിയില്‍ ലൈസന്‍സ്‌ ഇല്ലാത്തവര്‍ ഓടിച്ച പത്തു വാഹനങ്ങളും പിടിച്ചെടുത്തു. വ്യാഴാഴ്‌ച വൈകിട്ട്‌ നടത്തിയ സ്പെഷ്യല് ഡ്രൈവിലാണ്‌ കുട്ടി ഡ്രൈവര്‍മാര്‍ അടക്കം വലയിലായത്‌.
പ്രായപൂര്‍ത്തിയാകാത്ത വര്‍ക്ക്‌ വാഹനം ഓടിക്കാന്‍ നല്‍കിയ അഞ്ച്‌ രക്ഷിതാക്കള്‍ക്കെതിരേ കേസ് രജിസ്‌റ്റര്‍ ചെയ്‌തു.പിടിച്ചെടുത്ത വാഹനങ്ങള്‍ കോടതിയില്‍ സമര്‍പ്പിക്കുമെന്നും കുട്ടി ഡ്രൈവര്‍മാര്‍ക്കെതിരെ സോഷ്യല്‍ ബാക്ക്‌ ഗ്രൗണ്ട്‌ റിപ്പോര്ട്ട് തയാറാക്കി ജുവനൈല്‍ ജസ്റ്റിസ് ബോര്‍ഡ്‌ മുമ്പാകെ ഹാജരാക്കുമെന്നും മൂവാറ്റുപുഴ എസ്‌.എച്‌.ഒ. സുബിന്‍ ബിജു അറിയിച്ചു.റോഡപകടങ്ങള്‍ വര്‍ധിച്ചു വരുന്ന സാഹചര്യത്തില്‍ കര്‍ശന പരിശോധനകള്‍ തുടരുമെന്നും സ്പെഷ്യല് ഡ്രൈവിന്റെ ഭാഗമായി കുട്ടി ഡ്രൈവര്‍മാരെയും അവരുടെ രക്ഷിതാക്കളെയും ഉള്‍പ്പെടുത്തി ബോധവത്‌കരണ ക്ലാസ്‌
സംഘടിപ്പിച്ചിട്ടുളളതായും മൂവാറ്റുപുഴ പോലീസ് സര്‍ക്കിള്‍ ഇന്‍സ്‌പെക്‌ടര്‍ എ.എസ്‌. ഫൈസല്‍ അറിയിച്ചു. കുട്ടി ഡ്രൈവര്‍മാരെ ലക്ഷ്യം വെച്ച്‌ വരും ദിവസങ്ങളില്‍ വിദ്യാലയ പരിസരങ്ങള്‍ കേന്ദ്രീകരിച്ച്‌ പരിശോധന നടത്തുമെന്നും രക്ഷിതാക്കള്‍ ഇക്കാര്യത്തില്‍ ജാഗ്രത പുലര്‍ത്തണമെന്നും മൂവാറ്റുപുഴയില്‍ സ്പെഷ്യല് ഡ്രൈവിന്‌ നേതൃത്വം വഹിച്ച ഡിവൈ.എസ്‌.പി. കെ.ആര്‍. മനോജ്‌ അറിയിച്ചു.കണ്ണൂർ റെയ്ഞ്ച് ഡി.ഐ.ജി.യുടെ കീഴിലുള്ള ആറുജില്ലയിൽ ഒരുദിവസത്തെ പ്രത്യേക പരിശോധനയിൽ കുടുങ്ങിയത് 51 പേരാണ്.പ്രായപൂർത്തിയാകാത്തവർ വാഹനമോടിക്കുന്നത് തടയുന്നതിനായി ചൊവ്വാഴ്ച നടത്തിയ പ്രത്യേക പരിശോധനയിലാണ് ഇവരുടെ പേരിൽ ജുവനൈൽ ജസ്റ്റിസ് ആക്ട് പ്രകാരം കേസെടുത്തത്.
https://www.facebook.com/Malayalivartha
