സംസ്ഥാനത്ത് സ്വര്ണവിലയില് മാറ്റമില്ല.... വരും ദിവസങ്ങളില് വില ഉയരാന് സാധ്യത, പവന് 40,000 രൂപ കടന്നേക്കും
സംസ്ഥാനത്ത് സ്വര്ണവിലയില് മാറ്റമില്ല.... സ്വര്ണവില ഈ മാസത്തെ ഏറ്റവും ഉയര്ന്ന നിലയില് തുടരുന്നു. വ്യാഴാഴ്ച പവന് 160 രൂപയും ഗ്രാമിന് 20 രൂപയും വര്ധിച്ചിരുന്നു. വെള്ളിയാഴ്ച വിലയില് മാറ്റമുണ്ടായില്ല. പവന് 39,640 രൂപയും ഗ്രാമിന് 4955 രൂപയുമാണ് ഇന്നത്തെ വില.
ഏപ്രില് 13 ന് ഗ്രാമിന് 35 രൂപയും പവന് 280 രൂപയും വര്ധിച്ചിരുന്നു. ഗ്രാമിന് 4935 രൂപയും പവന് 39,480 രൂപയുമായിരുന്നു ഏപ്രില് 13 ലെ സ്വര്ണവില. ഏപ്രില് 12 ന് സ്വര്ണവില പവന് 39200 രൂപയും ഗ്രാമിന് 4900 രൂപയുമായിരുന്നു.
വരും ദിവസങ്ങളില് സ്വര്ണവില ഇനിയും ഉയരുമെന്നാണ് പ്രതീക്ഷിക്കുന്നത്. പവന് വില 40,000 കടന്നേക്കും. മാര്ച്ച് മാസത്തില് സ്വര്ണവില പവന് 40,000 കടന്നിരുന്നു. മാര്ച്ച് 9 ന് രാവിലെ രേഖപ്പെടുത്തിയ ഗ്രാമിന് 5070 രൂപയും പവന് 40,560 രൂപയുമാണ് മാര്ച്ചിലെ ഏറ്റവും ഉയര്ന്ന നിരക്ക്. ഏപ്രില് 4,5,6 തീയതികളിലായിരുന്നു ഈ മാസത്തെ ഏറ്റവും കുറഞ്ഞ സ്വര്ണവില. ഗ്രാമിന് 4780 രൂപയും പവന് 38,240 രൂപയും.
വിഷു ആഘോഷങ്ങളോട് അടുത്ത ദിവസങ്ങളില് സ്വര്ണവിലയില് തുടര്ച്ചയായ വര്ധനവുണ്ടായിരുന്നു. സ്വര്ണ വില ഉയരത്തിലേക്ക് മാത്രം നീങ്ങിയ ആഴ്ചയാണ് കടന്നുപോയത്. ഈ ആഴ്ചയുടെ ആരംഭത്തില് തന്നെ 1.37% വില വര്ധിച്ചിരുന്നു. 2070 ഡോളര് വരെ ഉയര്ന്ന അന്താരാഷ്ട്ര വില 1890 ഡോളര് വരെ മാത്രമാണ് താഴ്ന്നത്.
അന്തര്ദേശീയ സംഘര്ഷങ്ങളും ആഗോളതലത്തില് ഉയര്ന്നു വരുന്ന പണപ്പെരുപ്പവും സ്വര്ണ നിക്ഷേപത്തിന് അനുകൂലമാണ്. നിലനില്ക്കുന്ന അന്തര്ദേശീയ സംഘര്ഷങ്ങള് കൂടിയാല് സ്വര്ണ വില വിണ്ടും ഉയരാം. സംഘര്ഷങ്ങളില് അയവ് വരികയൊ, പണപ്പെരുപ്പം നിയന്ത്രിക്കുന്നതിന് ശക്തമായ നടപടികളെടുക്കുകയോ ചെയ്താല് സ്വര്ണവില കുറഞ്ഞേക്കാം.
അതേസമയം വില കൂടിയാലും കുറഞ്ഞാലും സ്വര്ണത്തെ സുരക്ഷിത നിക്ഷേപമായാണ് ജനങ്ങള് എന്നും കാണുന്നത്. നിക്ഷേപ മൂല്യം എന്നതിലുപരി സ്വര്ണത്തെ ആഭരണങ്ങളായും നാണയങ്ങളായും കൈവശം വെയ്ക്കാന് ആളുകള് താത്പര്യപ്പെടുന്നു.
സ്വര്ണത്തിന്റെ രാജ്യാന്തര വില, ഡോളര് - രൂപ വിനിമയ നിരക്ക്, ഇറക്കുമതി തീരുവ എന്നിവ അടിസ്ഥാനമാക്കിയാണ് സംസ്ഥാനത്ത് സ്വര്ണ വില നിര്ണയിക്കപ്പെടുന്നത്.
"
https://www.facebook.com/Malayalivartha