രാജ്യത്ത് 19 ദേശസാത്കൃത ബാങ്കുകളിലെ ക്ലാർക്ക് തസ്തികയിലേക്കുള്ള അപേക്ഷ ക്ഷണിച്ചിരിക്കുന്നു.വിവിധ സംസ്ഥാനങ്ങളിലായി ആകെ 7275 ഒഴിവുകളാണുള്ളത് അതിൽ കേരളത്തി 291 ഒഴിവുകൾ.ഇൻസ്റ്റിറ്റ്യുട്ട് ഓഫ് ബാങ്കിങ് പേഴ്സണൽ സെലക്ഷൻ ആണ് പരീക്ഷ നടത്തുന്നത്.രണ്ടുഘട്ടങ്ങളിലായി എഴുത്തുപരീക്ഷയിൽ നേടുന്ന മാർക്കിന്റെ അടിസ്ഥാനത്തിൽ ലഭിക്കുന്ന സ്‌കോർ അനുസരിച്ചായിരിക്കും 2019 മാർച്ച് 31 വരെ ബാങ്കുകളിലേക്ക് നിയമനം നടത്തുക.ഡിസംബർ 8,9,15,16 തീയതികളിൽ ആയിരിക്കും പ്രിലിമിനറി ,ഓൺലൈൻ എഴുത്തുപരീക്ഷ നടക്കുക. തിരുവനന്തപുരം, കൊല്ലം, ആലപ്പുഴ, കോട്ടയം, കൊച്ചി, തൃശൂർ, പാലക്കാട്,മലപ്പുറം,കോഴിക്കോട്,കണ്ണൂർ എന്നിവയാണ് കേരളത്തിലെ പരീക്ഷാ കേന്ദ്രങ്ങൾ.അപേക്ഷ www.ibps.in എന്ന വെബ്‌സൈറ്റിൽ ഓൺലൈനായി സമർപ്പിക്കേണ്ടതാണ്.യോഗ്യത:അംഗീകൃത ബിരുദം.കംപ്യുട്ടർ ഓപ്പറേഷൻസ്/ ലാംഗ്വേജ് ൽ സർട്ടിഫിക്കറ്റ് /ഡിപ്ലോമ/ ബിരുദം ഉണ്ടായിരിക്കണം.അല്ലെങ്കിൽ സ്‌കൂൾ കോളേജ് തലത്തിൽ കംപ്യുട്ടർ ഒരു വിഷയമായി പഠിച്ചിരിക്കണം.അപേക്ഷിക്കുന്ന സംസഥാനത്തെ ഔദ്യോഗിക ഭാഷ എഴുതാനും സംസാരിക്കാനും വായിക്കാനും കഴിയണം.2018 ഒക്ടോബർ 10 അടിസ്ഥാനമാക്കിയാണ് യോഗ്യത കണക്കാക്കുന്നത്.01.09.2018 ന് 20 നും 28 നും മധ്യേ പ്രായം ഉണ്ടായിരിക്കണം.02.09.1990 നും 01.09.1998 നും ഇടയിൽ ജനിച്ചവർ ആയിരിക്കണം അപേക്ഷകർ.എസ്.സി. എസ്.ടി വിഭാഗക്കാർക്ക് 5 ഉം ഒ.ബി.സി.ക്കാർക്ക് 3 ഉം അംഗപരിമിതർക്ക് പത്തും വിമുക്തഭടർക്ക് അഞ്ചുംവര്ഷം ഉയർന്ന പ്രായപരിധിയിൽ ഇളവ് ലഭിക്കുന്നതായിരിക്കും.വിധവകൾക്കും നിയമപരമായി വിവാഹബന്ധം വേർപെടുത്തി പുനർ വിവാഹം ചെയ്തിട്ടില്ലാത്തവർക്കും 9 വര്ഷം ഉയർന്ന പ്രായപരിധിയിൽ ഇളവ് ലഭിക്കുന്നതായിരിക്കുംഅപേക്ഷാ ഫീസ് 600 രൂപയാണ്. എസ്.സി. എസ്.ടി വിഭാഗക്കാർക്കും അംഗപരിമിതർക്കും വിമുക്തഭടർക്കും 100 രൂപയാണ് ഫീസ്.മാസ്റ്റർ / വിസ ഡെബിറ്റ് / ക്രെഡിറ്റ് കാർഡ് ഉപയോഗിച്ച ഓൺലൈനായി ഫീസ് അടയ്‌ക്കേണ്ടതാണ്.സെപ്റ്റംബർ 18 മുതൽ ഒക്ടോബർ 10 വരെ www.ibps.in എന്ന വെബ്‌സൈറ്റ് വഴി ഓൺലൈനായി അപേക്ഷിക്കേണ്ടതാണ്.അപേക്ഷകർ ഓൺലൈൻ അപേക്ഷ പൂരിപ്പിക്കുന്നതിനു മുൻപ് ഒപ്പും ഫോട്ടോയും സ്കാൻ ചെയ്ത് സേവ് ചെയ്ത് വയ്ക്കണം.ഇവ അപേക്ഷയിൽ അപ്‌ലോഡ് ചെയ്യേണ്ടതുണ്ട്.പിശകുകൾ അപേക്ഷ നിരസിക്കുന്നതിനു കാരണമാകും.ഓൺലൈൻ അപേക്ഷ സമർപ്പിച്ചു കഴിഞ്ഞാൽ അപ്പോൾ തന്നെ ഫീസ് അടയ്‌ക്കേണ്ടതാണ്.ഫീസ് അടച്ചാൽ ഇ-റസീറ്റ് പ്രിന്റെടുത് സൂക്ഷിച്ച വയ്ക്കണം.കൂടാതെ ഓൺലൈൻ അപേക്ഷയുടെ രജിസ്‌ട്രേഷൻ നമ്പറും പാസ്വേർഡും സൂക്ഷിച്ചു വയ്ക്കണം.ഒന്നിലേറെ അപേക്ഷകൾ സമർപ്പിക്കരുത് അപേക്ഷകർക്ക് സ്വന്തമായി ഇ-മെയിൽ ഐ.ഡി. ഉണ്ടായിരിക്കണം.കൂടുതൽ വിവരങ്ങൾ വിജ്ഞാപനത്തിലുണ്ടായിരിക്കും. ഈ വിജ്ഞാപനം വിശദമായി വായിച്ചു മനസ്സിലാക്കിയ ശേഷം മാത്രം അപേക്ഷിക്കുക.താത്പര്യമുള്ള ഉദ്യോഗാർത്ഥികൾ ഒക്ടോബർ 10 നു മുൻപ് അപേക്ഷിക്കുക.കൂടുതൽ വിവരങ്ങൾക്ക് www.ibps.in
