ടെലികോം മേഖലയിലെ കേന്ദ്ര സർക്കാർ സ്ഥാപനമായ ബെംഗളൂരുവിലെ ഐ.ടി.ഐ. ലിമിറ്റഡിൽ ട്രെയിനികളെ തിരഞ്ഞെടുക്കുന്നു.

ആകെ 110 ഒഴിവുകളാണുള്ളത്.അതിൽ എക്സിക്യൂട്ടീവ് എൻജിനീയർ ട്രെയിനീ വിഭാഗത്തിൽ 60 ഉം ടെക്‌നിക്കൽ അസിസ്റ്റൻഡ് ട്രെയിനീ വിഭാഗത്തിൽ 50 ഒഴിവുകളുമാണുള്ളത്.

1.അസിസ്റ്റൻഡ് എക്സിക്യൂട്ടീവ് ട്രെയിനീ:
യോഗ്യത:സിവിൽ,ഇലക്ട്രോണിക്സ്,ഇലക്ട്രിക്കൽ ,ഇലക്ട്രോണിക്സ് ആൻഡ് കമ്മ്യുണിക്കേഷൻസ്, ഇലക്ട്രോണിക്സ് ആൻഡ് ഇലക്ട്രിക്കൽ , ടെലി കമ്മ്യുണിക്കേഷൻസ്, ഇൻഡസ്ട്രിയൽ ആൻഡ് പ്രൊഡക്ഷൻ, ഇൻഫർമേഷൻ ടെക്‌നോളജി,കെമിക്കൽ,കംപ്യുട്ടർ സയൻസ്,മെക്കാനിക്കൽ എൻജിനീയറിങ്ങിൽ കുറഞ്ഞത് 60 ശതമാനം മാർക്കോടെ ബിരുദം. എസ്.സി., എസ്.ടി. ഭിന്നശേഷി വിഭാഗക്കാർക്ക് കുറഞ്ഞത് 58 ശതമാനം മാർക്ക് മതിയാകും.

2.ട്രെയിനീ ടെക്നിക്കൽ അസിസ്റ്റൻഡ്:
യോഗ്യത:ഇലക്ട്രോണിക്സ് ,ഇലക്ട്രോണിക്സ് ആൻഡ് കമ്മ്യുണിക്കേഷൻസ്, ടെലി കമ്മ്യുണിക്കേഷൻസ്, ഇലക്ട്രിക്കൽ ആൻഡ് ഇലക്ട്രോണിക്സ്, കംപ്യുട്ടർ സയൻസ്, ഇൻഫർമേഷൻ ടെക്‌നോളജി, സിവിൽ,ഇലക്ട്രിക്കൽ, മെക്കാനിക്കൽ, കെമിക്കലിൽ കുറഞ്ഞത് 60 ശതമാനം മാർക്കോടെ എൻജിനീയറിങ് ഡിപ്ലോമ.എസ്.സി., എസ്.ടി. ഭിന്നശേഷി വിഭാഗക്കാർക്ക് കുറഞ്ഞത് 58 ശതമാനം മാർക്ക് മതിയാകും. എൻജിനീയറിങ് ബിരുദം ഈ തസ്തികയിലേക്ക് പരിഗണിക്കുന്നതായിരിക്കില്ല.

അസിസ്റ്റൻഡ് എക്സിക്യൂട്ടീവ് ട്രെയിനീ ക്ക് 28 വയസ്സും ട്രെയിനീ ടെക്നിക്കൽ അസിസ്റ്റൻഡിന് 30 വയസസുമാണ് ഉയർന്ന പ്രായപരിധി.എസ്.സി.,എസ്.ടി. ഭിന്നശേഷി വിഭാഗക്കാർക്ക് 5 വയസ്സും ഒ.ബി.സി. നോൺ ക്രീമിലെയർ വിഭാഗത്തിന് മൂന്നു വയസ്സും ഉയർന്ന പ്രായപരിധിയിൽ ഇളവ് ലഭിക്കും.അസിസ്റ്റൻഡ് എക്സിക്യൂട്ടീവ് ട്രെയിനീ ക്ക് ആദ്യ വർഷം 15000 രൂപയും രണ്ടാം വർഷം 16000 രൂപയുമാണ് സ്റ്റൈപ്പൻഡ് ലഭിക്കുക.ട്രെയിനീ ടെക്നിക്കൽ അസിസ്റ്റൻഡിന് ആദ്യ വർഷം 8000 രൂപയും രണ്ടാം വർഷം 8500 രൂപയും സ്റ്റൈപ്പൻഡായി ലഭിക്കുന്നതാണ്.

താത്പര്യമുള്ള ഉദ്യോഗാർത്ഥികൾ www.itiltd-india.com എന്ന വെബ്‌സൈറ്റിലെ വിജ്ഞാപനമാ വായിച്ചു മനസ്സിലാക്കി ഇതേ വെബ്‌സൈറ്റുവഴി ഓൺലൈനായി സെപ്റ്റംബർ 25 നു മുൻപ് അപേക്ഷിക്കേണ്ടതാണ്. ഓൺലൈൻ അപേക്ഷയുടെ ഹാർഡ് കോപ്പിയും സർട്ടിഫിക്കറ്റുകളുടെ പകർപ്പുകളും സഹിതം വിജ്ഞാപനത്തിൽ നൽകിയിട്ടുള്ള വിലാസത്തിൽ സെപ്റ്റംബർ 27 നു മുൻപ് അയയ്‌ക്കേണ്ടതാണ്.

കൂടുതൽ വിവരങ്ങൾക്ക്
www.itiltd-india.com