കാനറാബാങ്ക് സ്‌പോൺസേർഡ് സ്ഥാപനമായ കാൻഫിൻ ഹോംസിൽ ജൂനിയർ തസ്തികയിലെ ഒഴിവുകളിലേക്ക് അപേക്ഷ ക്ഷണിച്ചിരിക്കുന്നു.

ജൂനിയർ ഓഫീസറുടെ 50 ഒഴിവുകളും സീനിയർ മാനേജരുടെ ഒരു ഒഴിവുമാണുള്ളത്.അതിൽ കോഴിക്കോട്, തൃശൂർ , തിരുവനന്തപുരം എന്നിവിടങ്ങളിലായി ജൂനിയർ ഓഫീസറുടെ 3 ഒഴിവുകളുണ്ട്.കരാർ അടിസ്ഥാനത്തിൽ ഒരു വർഷത്തേക്കാണ് നിയമനം.ഇത് രണ്ടുവർഷം കൂടി നീട്ടിയേക്കാം.

1.ജൂനിയർ ഓഫീസർ:
ഈ തസ്തികയിലേക്ക് 50 ഒഴിവുകളാണുള്ളത്.കേരളത്തിൽ മൂന്നു ഒഴിവും മറ്റ് സംസ്ഥാനങ്ങളിലെ ഒഴിവ് വെബ്‌സൈറ്റിൽ നിന്നും ലഭ്യമാണ്.ശമ്പളം ആദ്യ വർഷം പ്രതിമാസം 16000 രൂപയും രണ്ടാം വര്ഷം പ്രതിമാസം 18000 രൂപയും മൂന്നാം വർഷം പ്രതിമാസം 21000 രൂപയും ലഭിക്കുന്നതായിരിക്കും.പി.എഫ്., 1000 രൂപ സ്പെഷ്യൽ അലവൻസ് തുടങ്ങിയ ആനുകൂല്യങ്ങളും ലഭിക്കുന്നതാണ്.
യോഗ്യത:ഏതെങ്കിലും വിഷയത്തിൽ നേടിയ ബിരുദം,ഡേറ്റ എൻട്രി ,കംപ്യുട്ടർ ആപ്ലിക്കേഷന് മുൻഗണ ലഭിക്കും.അപേക്ഷിക്കുന്ന സംസ്ഥാനത്തെ പ്രാദേശിക ഭാഷ എഴുതാനും വായിക്കാനുമുള്ള കഴിവ് ഉണ്ടായിരിക്കണം.ഒഴിവുള്ള ബ്രാഞ്ചുകളുടെ പരിധിയിലുള്ളവരായിരിക്കണം അപേക്ഷകർ.
പ്രായം 21 നും 30 നും മധ്യേ ആയിരിക്കണം.

2.സീനിയർ മാനേജർ ഇൻ ഐ.ടി.:
ഈ തസ്തികയിലേക്ക് ഒരു ഒഴിവാണുള്ളത്.പ്രതിമാസം 35000 രൂപ വരെ ശമ്പളമായി ലഭിക്കുന്നതായിരിക്കും കൂടാതെ ഇതിൽ പ്രതിവർഷം 5000 രൂപ വീതം വർധിക്കുന്നതാണ്.
യോഗ്യത:ബാങ്കുകളിലോ ധനകാര്യ സ്ഥാപനങ്ങളിലോ സീനിയർ മാനേജർ (സ്കെയിൽ III )തസ്തികയ്ക്ക് താഴെയല്ലാത്തതും ചീഫ് മാനേജർ (സ്കെയിൽ IV) തസ്തികയ്ക്ക് മുകളിലല്ലാത്തതുമായ തസ്തികയിൽനിന്ന് വിരമിച്ചവരായിരിക്കണം.സർവീസ് കാലത് ഐ.ടി. അനുബന്ധ മേഖലയിൽ നിന്ന് പ്രവർത്തിച്ചവർക്ക് മുൻഗണന നൽകുന്നതാണ്.
പ്രായം 62 വയസ്സ് കവിയാൻ പാടുള്ളതല്ല.

അപേക്ഷാ ഫീസ് 100 രൂപയാണ്.ഇത് കാനറാ ബാങ്കിന്റെ ഏതെങ്കിലും ഒരു ബ്രാഞ്ചിൽ CAN FIN HOIMES LTD-OD NO.2636261000147 Canara Bank, Prime Corporate Branch, Bangalore(IFSC Code No. CNRB0002636) എന്ന അക്കൗണ്ടിൽ NEFT / ഇന്റർനെറ്റ് ബാങ്കിങ് സൗകര്യമുപയോഗിച്ച അടയ്‌ക്കേണ്ടതാണ്.

താത്പര്യമുള്ള ഉദ്യോഗാർത്ഥികൾ അപേക്ഷ www.canfinhomes.com എന്ന വെബ്‌സൈറ്റിൽ ഓൺലൈനായി അപേക്ഷിക്കേണ്ടതാണ്.ഓൺലൈൻ അപേക്ഷ സെപ്റ്റംബർ 29 നു മുൻപ് സമർപ്പിക്കേണ്ടതാണ്.

കൂടുതൽ വിവരങ്ങൾക്ക്
www.canfinhomes.coma