എച്ച്.ഐ.എല്ലിൽ 33 ഒഴിവുകളിലേക്ക് അപേക്ഷിക്കാം
ഉദ്യോഗമണ്ഡലിലെ എച്ച്.ഐ.എല്ലിൽ വിവിധ തസ്തികയിൽ ഒഴിവുകളിലേക്ക് അപേക്ഷ ക്ഷണിച്ചിരിക്കുന്നു.
ആകെ 33 ഒഴിവുകളാണുള്ളത്.കരാർ അടിസ്ഥാനത്തിൽ തുടക്കത്തിൽ രണ്ടു വർഷത്തേക്കാണ് നിയമനം ഉണ്ടായിരിക്കുക.
ഫിറ്റർ 7,ഇലക്ട്രീഷ്യൻ 7, വെൽഡർ 3 , ഇൻസ്ട്രുമെന്റ് മെക്കാനിക്ക് 3 , മെഷിനിസ്റ്റ് 2, കംപ്രസ്സർ ഓപ്പറേറ്റർ 3,ബോയിലർ അറ്റന്ഡന്റ് 2,ഡ്രോട്സ്മാൻ 1 , പ്യുൺ 1 , പാർട്ട് ടൈം സ്വീപ്പർ 4 എന്നിങ്ങനെയാണ് ഒഴിവുകൾ ഉള്ളത്.
ഫിറ്റർ,ഇലക്ട്രീഷ്യൻ, വെൽഡർ,ഇൻട്രുമെന്റ മെക്കാനിക്ക്, മെഷിനിസ്റ്റ് എന്നെ തസ്തികകളിലേക്ക് ബന്ധപ്പെട്ട ട്രേഡിൽ ഐ.ടി.ഐ. അല്ലെങ്കിൽ ഐ.ടി.സി ആണ് യോഗ്യത.ഇലക്ട്രീഷ്യൻ ട്രേഡിൽ ഈ യോഗ്യതയ്ക്കൊപ്പം കെ.എസ്.ഇ.എൽ.ബി.യുടെ സാധുവായ വയർമാൻ ലൈസൻസും വേണം.കംപ്രസ്സർ ഓപ്പറേറ്റർ തസ്തികയിൽ ഡിപ്ലോമയും ബോയിലർ അറ്റൻഡൻറ് തസ്തികയിൽ ബന്ധപ്പെട്ട ട്രേഡിൽ ഐ.ടി.ഐ അല്ലെങ്കിൽ ഐ.ടി.സി യും കോംപീറ്റൻസിയിലെ ഫസ്റ്റ് ക്ലാസ് സർട്ടിഫിക്കറ്റുമാണ് യോഗ്യത.ഡ്രോട്സ്മാൻഷിപ് തസ്തികയിൽ അപേക്ഷിക്കാൻ ഐ.ടി.ഐ. ഇൻ ഡ്രോട്സ്മാൻഷിപ് ആണ് യോഗ്യത.മേൽപ്പറഞ്ഞ തസ്തികയിൽ അപേക്ഷകർക്കും ബന്ധപ്പെട്ട ട്രേഡിൽ ഒരു വർഷത്തെ പരിചയവും ഉണ്ടായിരിക്കണം.പ്രതിമാസ ശമ്പള സ്കെയിൽ 6540 രൂപ മുതൽ 19140 രൂപവരെയാണ്.
പ്യുൺ തസ്തികയിൽ ഏഴാം ക്ലാസ് / അപ്പർ പ്രൈമറിയാണ് യോഗ്യതയായി കണക്കാക്കപെടുന്നത്. പ്രതിമാസ ശമ്പള സ്കെയിൽ 6090 രൂപ മുതൽ 14780 രൂപവരെയാണ്.പാർട്ട് ടൈം സ്വീപ്പർ തസ്തികയിൽ എഴുത്തും വായനയും അറിയാവുന്ന ശാരീരിക ശേഷിയുള്ളവരായിരിക്കണം അപേക്ഷകർ.275 രൂപ ദിവസവേതന അടിസ്ഥാനത്തിലായിരിക്കും ഈ തസ്തികയിലേക്കുള്ള നിയമനം.
എല്ലാ തസ്തികകളിലും 40 വയസ്സായിരിക്കും ഉയർന്ന പ്രായപരിധി. എസ്.സി, എസ്.ടി. വിഭാഗക്കാർക്കും ഭിന്നശേഷിക്കാർക്കും വിമുക്തഭടർക്കും കേന്ദ്ര ഗവണ്മെന്റ് മാർഗനിർദ്ദേശ പ്രകാരമുള്ള വയസ്സിളവ് ലഭിക്കുന്നതാണ്.
അപേക്ഷാഫീസ് 300 രൂപയാണ്.എസ്.സി, എസ്.ടി. വിഭാഗക്കാർക്കും ഭിന്നശേഷിക്കാർക്കും വിമുക്തഭടർക്കും അപേക്ഷാഫീസ് ബാധകമല്ല. HIL(INDIA) LIMITED എന്നപേരിൽ ഏതെങ്കിലും ഷെഡ്യുൾഡ് ബാങ്കിൽ നിന്നെടുത്ത എറണാകുളത്ത് മാറാവുന്ന ഡിമാൻഡ് ഡ്രാഫ്റ്റായാണ് ഫീസ് അടയ്ക്കേണ്ടത്.
വിശദ വിവരങ്ങൾക്കും അപേക്ഷാഫോമിനും www.hil.gov.in എന്ന വെബ്സൈറ്റ് സന്ദർശിക്കുക.
താത്പര്യമുള്ള ഉദ്യോഗാർത്ഥികൾ ഒക്ടോബർ 31 നു മുൻപ് അപേക്ഷ സമർപ്പക്കേണ്ടതാണ്.
വിലാസം:Deputi General Manager( HR & Admin.), HIL (India) Limited, UdyogamandalP.O., Eloor, Ernakulam District, Kerala State, 683501
അപേക്ഷകർ കവറിനു പുറത്തു അപേക്ഷിക്കുന്ന തസ്തിക രേഖപ്പെടുത്തിയിരിക്കണം.
കൂടുതൽ വിവരങ്ങൾക്ക്
www.hil.gov.in
https://www.facebook.com/Malayalivartha