ആര്‍മി പബ്ലിക് സ്‌കൂളുകളില്‍ അവസരം. രാജ്യത്തിന്റെ വിവിധ ഭാഗങ്ങളിലെ കന്റോന്‍മെന്റുകളിലും മിലിട്ടറി സ്റ്റേഷനുകളിലുമായി പ്രവര്‍ത്തിക്കുന്ന 137 ആര്‍മി പബ്ലിക് സ്‌കൂളുകളിലെ അധ്യാപകനിയമനത്തിനുള്ള കംബൈൻഡ് സെലക്ഷന്‍ സ്‌ക്രീനിങ് പരീക്ഷയ്ക്ക് ഇപ്പോള്‍ അപേക്ഷിക്കാം.
വിവിധ വിഷയങ്ങളിലായി പി.ജി.ടി,ടി.ജി.ടി. തസ്തികയിലാണ് അവസരം ഉണ്ടായിരിക്കുക .

ഇംഗ്ലീഷ്,ഹിന്ദി,ഹിസ്റ്ററി,ജോഗ്രഫി,ഇക്കണോമിക്സ്,പൊളിറ്റിക്കൽ സയൻസ്, മാത്തമാറ്റിക്സ്, ഫിസിക്സ്, കെമിസ്ട്രി,ബയോളജി,ബയോടെക്‌നോളജി, സൈക്കോളജി,കൊമേഴ്‌സ്,കംപ്യുട്ടർ സയൻസ്/ഇൻഫർമാറ്റിക്‌സ്, ഹോം സയൻസ്,ഫിസിക്കൽ എജുക്കേഷൻ എന്നിവയാണ് പി.ജി.ടി. തസ്തികയിലെ ഒഴിവുള്ള വിഷയങ്ങൾ.
ഇംഗ്ലീഷ്, ഹിന്ദി,സംസ്‌കൃതം , ഹിസ്റ്ററി,ജ്യോഗ്രഫി,പൊളിറ്റിക്കൽ സയൻസ്, മാത്തമാറ്റിക്സ്, ഫിസിക്സ്,കെമിസ്ട്രി,ബയോളജി എന്നിവയാണ് ടി.ജി.ടി. തസ്തികയിലെ ഒഴിവുള്ള വിഷയങ്ങൾ.

ആകെ 8000 ഒഴിവുകള്‍ ആണ് റിപ്പോര്‍ട്ട് ചെയ്തിട്ടുള്ളത്.കേരളത്തില്‍ തിരുവനന്തപുരം, കണ്ണൂര്‍ എന്നിവിടങ്ങളിലാണ് ആര്‍മി പബ്ലിക് സ്‌കൂളുകള്‍ പ്രവര്‍ത്തിക്കുന്നത്. സി.ബി.എസ്.ഇ. സിലബസില്‍ പ്രവര്‍ത്തിക്കുന്ന സ്‌കൂളുകള്‍ ആണിത്.

ഓണ്‍ലൈനായാണ് അപേക്ഷിക്കേണ്ടത്. എഴുത്തുപരീക്ഷ, അഭിമുഖം, അധ്യാപനമികവ് പരിശോധന എന്നിവയുടെ അടിസ്ഥാനത്തിലായിരിക്കും തിരഞ്ഞെടുപ്പ്. നവംബര്‍ 17, 18 തീയതികളില്‍ ഓണ്‍ലൈന്‍ രീതിയിലായിരിക്കും എഴുത്തുപരീക്ഷ. തിരുവനന്തപുരം, കണ്ണൂര്‍ എന്നിവയാണ് കേരളത്തിലെ പരീക്ഷാകേന്ദ്രങ്ങള്‍. ഡിസംബര്‍ 3-ന് ഫല പ്രസിദ്ധീകരണം നടക്കുന്നതായിരിക്കും.

പ്രായം 01.04.2019 ന് 40 വയസ്സിൽ കൂടാൻ പാടുള്ളതല്ല.അഞ്ചുവർഷത്തെ അധ്യാപന പരിചയമുള്ളവർക്ക് 57 വയസ്സുവരെ അപേക്ഷിക്കാവുന്നതാണ്.വിജ്ഞാപനം വിശദമായി വായിച്ചു മനസിലാക്കിയ ശേഷം http://aps-csb.in എന്ന വെബ്‌സൈറ്റ് വഴി ഓൺലൈനായി അപേക്ഷിക്കാവുന്നതാണ്. അപേക്ഷാഫീസ് 500 രൂപ.

താത്പര്യമുള്ള ഉദ്യോഗാർത്ഥികൾ ഒക്ടോബര്‍ 24 ന് മുൻപ് അപേക്ഷ സമർപ്പിക്കുക.

കൂടുതൽ വിവരങ്ങൾക്ക്
www.awesindia.com