ഗോവ ഷിപ്പ്യാഡിൽ സ്പെഷ്യൽ നിയമനം നടത്തുന്നു
29 OCTOBER 2018 12:35 PM IST
മലയാളി വാര്‍ത്ത
പ്രതിരോധ വകുപ്പിന് കീഴിൽ പ്രവൃത്തിക്കുന്ന ഗോവ ഷിപ്പ്യാഡ് ലിമിറ്റഡിൽ എക്സിക്യൂട്ടീവ് നോൺ എക്സിക്യൂട്ടീവ് തസ്തികകളിലേക്ക് അംഗപരിമിതർക്കും പട്ടിക വർഗ വിഭാഗക്കാർക്കുമായി അപേക്ഷ ക്ഷണിച്ചിരിക്കുന്നു.
മാനേജ്മെൻറ് ട്രെയിനീ ഇൻ എച്ച്.ആർ.,മാനേജ്മെൻറ് ട്രൈനീ ഇൻ കൊമേഴ്‌സ്യൽ എന്നീ തസ്തികകളാണ് ഉള്ളത്. രണ്ട് തസ്തികകളിലേക്ക് ഓരോ ഒഴിവുകളാണ് ഉണ്ടാകുക.
ജൂനിയർ ഇൻസ്ട്രക്റ്റർ അപ്രൻറിസ് ഇൻ മെക്കാനിക്കൽ,കൊമേഴ്‌സ്യൽ അസിസ്റ്റന്റ്, യാർഡ് അസിസ്റ്റൻറ്,അസിസ്റ്റൻറ് സൂപ്രണ്ട്
എന്നീ തസ്തികകളിലേക്ക് ഓരോ ഒഴിവുകൾ വീതമാണുള്ളത് .മൂന്നുവർഷത്തെ കരാർ അടിസ്ഥാനത്തിലായിരിക്കും നിയമനം ഉണ്ടായിരിക്കുക.
ഓഫീസ് അസിസ്റ്റൻറ് തസ്തികയിലേക്ക് രണ്ട് ഒഴിവുകളും, ജൂനിയർ സൂപ്പർ വൈസർ ഇൻ ഐ.ടി., നഴ്സിംഗ് അസിസ്റ്റൻറ്, ഓഫീസിൽ അസിസ്റ്റന്റ് ഇൻ ഹിന്ദി, കാർപെന്റെർ, യാർഡ് അസിസ്റ്റൻറ്,ഓഫീസ് അസിസ്റ്റൻറ് ഇൻ ഫിനാൻസ്എന്നീ തസ്തികകളിലേക്ക് ഓരോ ഒഴിവുകൾ വീതമാണ് ഉള്ളത്.
കൊമേഴ്‌സ്യൽ അസിസ്റ്റന്റ്:
ഈ തസ്തികയിലേക്ക് രണ്ടു ഒഴിവുകളും മൂന്നുവർഷത്തെ കരാർ അടിസ്ഥാനത്തിലുമായിരിക്കും നിയമനം ഉണ്ടായിരിക്കുക.
യാർഡ് അസിസ്റ്റന്റ്, സ്റ്റോർ അസിസ്റ്റൻറ്, വെഹിക്കിൾ ഡ്രൈവർ എന്നെ തസ്തികയ്ക്ക് ഓരോ ഒഴിവുകളും മൂന്നുവർഷത്തെ കരാർ അടിസ്ഥാനത്തിലുമായിരിക്കും നിയമനം.പെയിന്റർ തസ്തികയിലേക്ക് 4 ഒഴിവുകളും മൂന്നുവർഷത്തെ കരാർ അടിസ്ഥാനത്തിൽ നിയമനം നടത്തും.
അപേക്ഷിക്കുന്നതിനാവശ്യമായ യോഗ്യത, പ്രായം, പ്രവൃത്തിപരിചയം എന്നിവ സംബന്ധിച്ച വിശദ വിവരങ്ങൾ അടങ്ങിയ വിജ്ഞാപനവും അപേക്ഷാ ഫോമിന്റെ മാതൃകയും www.goashipyard.in എന്ന വെബ്‌സൈറ്റിൽ ലഭിക്കുന്നതാണ്. ഉദ്യോഗാർത്ഥികൾ നവംബർ 8 നു മുൻപായി ഓൺലൈൻ രജിസ്‌ട്രേഷൻ നടത്തിയിരിക്കണം. തുടർന്ന് അപേക്ഷയുടെ പ്രിന്റൗട്ട് നവംബർ 18 നു മുൻപായി ഗോവ ഷിപ്യാർഡിൽ ലഭിക്കും വിധം അയച്ച് നൽകേണ്ടതാണ്.
കൂടുതൽ വിവരങ്ങൾക്ക്
www.goashipyard.in
