എയർപോർട്ട് അതോറിറ്റിയിൽ 64 ജൂനിയർ അസിസ്റ്റൻറ്
06 NOVEMBER 2018 11:19 AM IST
മലയാളി വാര്ത്ത
എയർപോർട്ട്സ് അതോറിറ്റി ഓഫ് ഇന്ത്യ ഈസ്റ്റേൺ റീജിയണിലെ എയർപോർട്ടുകളിൽ വിവിധ തസ്തികയിൽ ഒഴിവുകളിലേക്ക് അപേക്ഷ ക്ഷണിച്ചിരിക്കുന്നു.
ജൂനിയർ അസിസ്റ്റൻറ് ഇൻ ഫയർ സർവീസ് എൻ ഇ 4 ഒഴിവുകൾ
ആകെ 64 ഒഴിവുകളാണുള്ളത്.
യോഗ്യത: കുറഞ്ഞത് 60 ശതമാനം മാർക്കോടെ പത്താം ക്ലാസ് ജയവും ത്രിവത്സര റഗുലർ ഡിപ്ലോമ ഇൻ മെക്കാനിക്കൽ/ഓട്ടോമൊബൈൽ/ഫയർ അല്ലെങ്കിൽ 50 ശതമാനം മാർക്കോടെ പ്ലസ് ടു ജയം,അംഗീകൃത ഹെവി ഡ്രൈവിങ് ലൈസൻസ്, അല്ലെങ്കിൽ അംഗീകൃത മീഡിയം വെഹിക്കിൾ ലൈസൻസ്, അല്ലെങ്കിൽ അംഗീകൃത എൽ.എം.വി ലൈസൻസ് എന്നിവ ഉണ്ടായിരിക്കണം.
പന്ത്രണ്ടാം ക്ലാസ്സിൽ കംപ്യുട്ടർ സയൻസ് ഒരു വിഷയമായി പഠനം എൻ.സി.സി. ബി സർട്ടിഫിക്കറ്റ്,ഏവിയേഷൻ/റഗുലർ/ ഇൻഡസ്ട്രിയൽ ഫയർ സർവീസിൽ പ്രവൃത്തിപരിചയം.എ.എ.ഐ. ഫയർ ട്രെയിനിങ് സ്ഥാപനത്തിൽ നിന്നുള്ള ബേസിക് ഫയർ ഫൈറ്റിങ് ട്രെയിനിങ് കോഴ്സ്,നാഗ്പൂർ നാഷണൽ ഫയർ സർവീസ് കോളേജിൽ നിന്നുള്ള സബ് ഫയർ ഓഫീസർ കോഴ്സ് എന്നിവ അഭിലഷണീയ യോഗ്യതകളാണ്.
ശാരീരിക യോഗ്യത: പുരുഷൻ 167 സെ. മീ യിൽ കുറയാൻ പാടില്ല,സ്ത്രീകൾക്ക് 157 സെ മീ ഉണ്ടായിരിക്കണം. നെഞ്ചളവ് പുരുഷന്മാർക്ക് 81 സെ.മീ യും അഞ്ചു സെ.മീ വികാസവും ഉണ്ടായിരിക്കണം. തൂക്കം പുരുഷന്മാർക്ക് 55 കിലോയും സ്ത്രീകൾക്ക് 45 കിലോയും വേണം. കാഴ്ച്ച ശക്തി: ദൂരക്കാഴ്ച രണ്ടുകണ്ണുകൾക്കും കണ്ണടയില്ലാതെ 6/6 ,സമീപക്കാഴ്ച രണ്ടു കണ്ണുകൾക്കും കണ്ണടയില്ലാതെ N-5,വർണ കാഴ്ച സാധാരണം, കേൾവി ശക്തിയും സംസാരശേഷിയും ഉണ്ടായിരിക്കണം. കൂട്ടിമുട്ടുന്ന കാൽ മുട്ടുകൾ,പരന്ന പാഠം, കോങ്കണ്ണുകൾ, വർണാന്ധത,നിശാന്ധത, തുടങ്ങി ജോലിയെ ബാധിക്കുന്ന തരത്തിലുള്ള വൈകല്യങ്ങളും പകർച്ചവ്യാധികളും അയോഗ്യരാണ്.
പ്രായം 18 നും 30 നും ഇടയിൽ ആയിരിക്കണം.2018 സെപ്റ്റംബർ 30 അടിസ്ഥാനമാക്കി പ്രായം കണക്കാക്കുന്നതാണ്. പട്ടിക വിഭാഗക്കാർക്ക് അഞ്ചും ഒബ്സ വിഭാഗക്കാർക്ക് 3 ഉം വര്ഷം ഉയർന്ന പ്രായത്തിൽ ഇളവ് ലഭിക്കുന്നതായിരിക്കും.താത്പര്യമുള്ള ഉദ്യോഗാർത്ഥികൾ ഡിസംബർ 5 നു മുൻപ് അപേക്ഷ സമർപ്പിക്കുക.
കൂടുതൽ വിവരങ്ങൾക്ക്
www.aai.aero