പോലീസ് വകുപ്പിൽ 200 ഒഴിവുകൾ :മത്സ്യ തൊഴിലാളികൾക്ക് അപേക്ഷിക്കാം
08 NOVEMBER 2018 10:17 AM IST
മലയാളി വാര്ത്ത
കേരളത്തിലെ തീരദേശത്ത് വസിക്കുന്ന മത്സ്യത്തൊഴിലാളി യുവാക്കളിൽ നിന്ന് 200 പേരെ 14 തീരദേശ പോലീസ് സ്റ്റേഷനുകളിൽ കോസ്റ്റൽ വാർഡന്മാരായി നിയമിക്കുന്നു.
കരാർ അടിസ്ഥാനത്തിലായിരിക്കും നിയമനം ഉണ്ടായിരിക്കുക.
ഉദ്യോഗാർത്ഥികൾക്ക് മാതൃജില്ലയിൽ മാത്രമേ അപേക്ഷിക്കാൻ സാധിക്കുകയുള്ളു.
യോഗ്യത: പത്താം ക്ലാസ് അല്ലെങ്കിൽ തത്തുല്യ പരീക്ഷ പാസായിരിക്കണം. ഉയർന്ന വിദ്യാഭ്യാസ യോഗ്യതയ്ക്ക് വെയിറ്റേജ് മാർക്ക് ഉണ്ടായിരിക്കും.
പ്രായം 18 നും 58 നും മധ്യേ ആയിരിക്കണം. 2018 ജനുവരി 1 അടിസ്ഥാനമാക്കിയായിരിക്കും പ്രായം കണക്കാക്കുക.പ്രായം കുറഞ്ഞവർക്ക് മുൻഗണന ഉണ്ടായിരിക്കുന്നതാണ്.
ശാരീരികയോഗ്യത: പുരുഷന്മാർക്ക് കുറഞ്ഞത് 160 സെൻറീമീറ്ററും സ്ത്രാകൾക്ക് കുറഞ്ഞത് 150 സെൻറീമീറ്ററും ഉയരം ഉണ്ടായിരിക്കണം.
കാഴ്ച്ചശക്തി: വലത് കണ്ണ് 6/6 സ്നെല്ലൻ ഇടത് കണ്ണ് 6/ 6 സ്നെല്ലൻ .സമീപാകാഴ്ച്ച വലതു കണ്ണും ഇടതുകണ്ണും 0.5 സ്നെല്ലൻ ആയിരിക്കണം.ഓരോ കണ്ണിനും പൂർണമായും കാഴ്ച്ച ശക്തി ഉണ്ടായിരിക്കണം.വര്ണാന്ധത,കോങ്കണ്ണ് അല്ലെങ്കിൽ കണ്ണിന്റെയോ കണ്പോളകളുടെയോ മറ്റ് അനാരോഗ്യകരമായിട്ടുള്ള അവസ്ഥ അയോഗ്യതയായി കണക്കാക്കുന്നതായിയ്ക്കും.
മട്ട് തട്ട്, പരന്ന പാദം,ഞരമ്പ് വീക്കം,വളഞ്ഞ കാലുകൾ, വൈകല്യമുള്ള കാലുകൾ, കോമ്പല്ല്, മുൻപല്ല്,ഉന്തിയ പല്ലുകൾ, കേൾവിയിലും സംസാരത്തിലും ഉള്ള കുറവുകൾ മറ്റ് ശാരീരിക ന്യൂനതകൾ ഉള്ളവർ നിയമനത്തിന് യോഗ്യരല്ല.കടലിൽ നീന്താനുള്ള കഴിവ് നിര്ബന്ധ യോഗ്യതയാണ്.
ഇതോടൊപ്പം പ്രാഥമിക പരീക്ഷ നിർബന്ധമായും പാസ്സായിരിക്കണം.പ്രാഥമിക പരീക്ഷ പാസാകുന്നവർ നാഷണൽ ഫിസിക്കൽ എഫിഷ്യൻസി ടെസ്റ്റിൽ വൺസ്റ്റാർ നിലവാരത്തിലുള്ള ഏഴെണ്ണത്തിൽ ഏതെങ്കിലും ആഞ്ഞെന്നതിൽ യോഗ്യത നേടിയിരിക്കണം.
അപേക്ഷാഫോം മാതൃക www.keralapolice.gov.in എന്ന വെബ്സൈറ്റിൽ ലഭിക്കുന്നതായിരിക്കും. പൂരിപ്പിച്ച അപേക്ഷയോടൊപ്പം പ്രായം, വിദ്യാഭ്യാസ യോഗ്യത(എസ്.എസ്.എൽ.സി, പ്ലസ് ടു, ബിരുദം,പി.ജി. മറ്റുള്ളവ),ഫിഷർ മെൻ സർട്ടിഫിക്കറ്റ്, നേറ്റിവിറ്റി സർട്ടിഫിക്കറ്റ്, റേഷൻകാർഡ്,സ്വഭാവ സർട്ടിഫിക്കറ്റ്, ഇലക്ഷൻ ഐ.ഡി./ആധാർ/പാസ്സ്പോർട്ട് എന്നീ രേഖകളുടെ സ്വയം സാക്ഷ്യപ്പെടുത്തിയ പകർപ്പുകളും അതാതു ജില്ലാ പോലീസ് മേധാവികൾക്ക് നവംബർ 15 വൈകുന്നേരം 5 മണിക്ക് മുൻപായി നേരിട്ടോ തപാൽ മുഖേനയോ സമർപ്പിക്കേണ്ടതാണ്.
അപേക്ഷകൾ അതാതു ജില്ലാ കേന്ദ്രങ്ങളിൽ മേൽപ്പറഞ്ഞ ദിവസത്തിൽ രാവിലെ ഏഴിന് പ്രസ്തുത രെക്ഷകളുടെ അസ്സലുകൾ സഹിതം നേരിട്ട് ഹാജരാക്കേണ്ടതാണ്.ഒഴിവു വിവരം,പരീക്ഷാ വിവരം എന്നിവ വെബ്സൈറ്റിലെ വിശദമായ വിജ്ഞാപനത്തിൽ നിന്നും ലഭ്യമാണ്.
കൂടുതൽ വിവരങ്ങൾക്ക്
www.keralapolice.gov.in
