സ്റ്റാഫ് സെലക്ഷന് കമ്മീഷന് നടത്തുന്ന കംബൈന്ഡ് ഹയര് സെക്കന്ഡറി ലെവല് പരീക്ഷയ്ക്ക് അപേക്ഷ ക്ഷണിച്ചു; പ്ലസ്ടുക്കാര്ക്ക് കേന്ദ്രസര്വീസില് അവസരം
സ്റ്റാഫ് സെലക്ഷന് കമ്മീഷന് നടത്തുന്ന കംബൈന്ഡ് ഹയര് സെക്കന്ഡറി ലെവല് പരീക്ഷയ്ക്ക് അപേക്ഷ ക്ഷണിച്ചു. ജൂനിയര് സെക്രട്ടേറിയറ്റ് അസിസ്റ്റന്റ്, പോസ്റ്റല് അസിസ്റ്റന്റ്, ലോവര് ഡിവിഷന് ക്ലാര്ക്ക്, , ഡാറ്റാ എന്ട്രി ഓപ്പറേറ്റര് ഉള്പ്പെടെയുള്ള തസ്തികകളിലാണ് ഒഴിവുകള്. ലോവര് ഡിവിഷന് ക്ലാര്ക്ക്/ ജൂനിയര് സെക്രട്ടേറിയറ്റ് അസിസ്റ്റന്റ് - 19,900-63,200 രൂപ
പോസ്റ്റല് അസിസ്റ്റന്റ്/ സോര്ട്ടിങ് അസിസ്റ്റന്റ് - 25,500-81,100 രൂപ
ഡാറ്റാ എന്ട്രി ഓപ്പറേറ്റര് (ഡി.ഇ.ഒ) - 25,500-81,100 രൂപ
ഡാറ്റാ എന്ട്രി ഓപ്പറേറ്റര്, ഗ്രേഡ് 'എ' - 25,500-81,100 രൂപ
യോഗ്യത: പ്ലസ്ടു വിജയം. സി.എ.ജി ഓഫീസിലേക്കുള്ള ഡാറ്റാ എന്ട്രി ഓപ്പറേറ്റര് തസ്തികയിലേക്ക് അപേക്ഷിക്കാന് സയന്സ് സ്ട്രീമില് പ്ലസ്ടു പാസാകണം. പ്രായം: 2020 ജനുവരി ഒന്നിന് 18നും 27നും മധ്യേ. സംവരണ വിഭാഗങ്ങള്ക്ക് ഉയര്ന്ന പ്രായപരിധിയില് ചട്ടപ്രകാരമുള്ള ഇളവുകള് ലഭിക്കും.
അപേക്ഷ: സ്റ്റാഫ് സെലക്ഷന് കമ്മീഷന്റെ ഔദ്യോഗിക വെബ്സൈറ്റായ https://ssc.nic.in വഴി ജനുവരി 10 വരെ അപേക്ഷ സമര്പ്പിക്കാം.അപേക്ഷാ ഫീസ്: 100 രൂപ. .ആദ്യഘട്ട കമ്ബ്യുട്ടര് അധിഷ്ഠിത പരീക്ഷ 2020 മാര്ച്ച് 16 മുതല് 27 വരെ നടക്കും. ജൂണ് 28നാണ് വിവരണാത്മക പരീക്ഷ. കേരളത്തിലെ പരീക്ഷാ കേന്ദ്രങ്ങള്: എറണാകുളം, കണ്ണൂര്, കൊല്ലം, കോട്ടയം, കോഴിക്കോട്, തൃശ്ശൂര്, തിരുവനന്തപുരം.കൂടുതല് വിവരങ്ങള്ക്ക് വെബ്സൈറ്റ് സന്ദര്ശിക്കുക: https://ssc.nic.in
https://www.facebook.com/Malayalivartha