ഉദ്യോഗാർഥികളുടെ ശ്രദ്ധയ്ക്ക്, വ്യോമസേനയിൽ അവസരം. ഫ്ലൈയിങ് ബ്രാഞ്ചിലെ ഷോർട്ട് സർവീസ് കമ്മിഷൻ കോഴ്സിലേക്കും ഗ്രൗണ്ട് ഡ്യൂട്ടി ബ്രാഞ്ചിലെ (ടെക്നിക്കൽ ആൻ നോൺ ടെക്നിക്കൽ) പെർമനന്റ് കമ്മിഷൻ/ ഷോർട്ട് സർവീസ് കമ്മിഷൻ കോഴ്സിലേക്കും അപേക്ഷ സമർപ്പിക്കാവുന്നതാണ്. വിജ്ഞാപനം ഉടൻ പുറപ്പെടുവിക്കും

ആകെ 249 ഒഴിവുകളുണ്ട്. 25 വയസിൽ താഴെയുള്ള അപേക്ഷകർ അവിവാഹിതരായിരിക്കണം. സ്ത്രീകൾക്കും അപേക്ഷ സമർപ്പിക്കാവുന്നതാണ്. എഎഫ്സിഎടി (01/ 2020) മുഖേനയാണു തിരഞ്ഞെടുപ്പ്. 2021 ജനുവരിയിൽ കോഴ്സുകൾ ആരംഭിക്കും. 249 ഒഴിവുകളാണ് റിപ്പോർട്ട് ചെയ്തിട്ടുള്ളത്. അതോടൊപ്പം തന്നെ എൻസിസി സ്പെഷൽ എൻട്രിയിലേക്കും അപേക്ഷ ക്ഷണിച്ചിട്ടുണ്ട്. ഡിസംബർ 30 വരെ ഓൺ ലൈനായി അപേക്ഷിക്കാം.

20–24 വയസ് പ്രായമുള്ളവർക്ക് ഫ്ലൈയിങ് ബ്രാഞ്ച് തസ്തികയിലേക്ക് അപേക്ഷിക്കാം ..1997 ജനുവരി രണ്ടിനും 2001 ജനുവരി ഒന്നിനും മധ്യേ ജനിച്ചവരായിരിക്കണം. ശമ്പളം ഫ്ലൈയിങ് ഓഫിസർതസ്തികയിലേക്ക് തെരഞ്ഞെടുക്കപ്പെടുന്നവർക്ക് 56,100 – 1,10700 രൂപ എന്ന ശമ്പള സ്കെയിലിൽ ആയിരിക്കും നിയമനം . അലവൻസുകൾ പുറമേ. പരിശീലന സമയത്തു ഫ്ലൈറ്റ് കേഡറ്റുകൾക്ക് 56,100 രൂപ സ്റ്റൈപ്പൻഡ് ലഭിക്കും

ഗ്രൗണ്ട് ഡ്യൂട്ടി ടെക്നിക്കൽ/ നോൺ ടെക്നിക്കൽ ബ്രാഞ്ചിലേക്ക് 20–26 വയസ് ഉള്ളവർക്ക് അപേക്ഷിക്കാം .. .
.
2021 ജനുവരിയിൽ പരിശീലനം ആരംഭിക്കും. ഫ്‌ളൈയിങ്, ഗ്രൗണ്ട് ഡ്യൂട്ടി ടെക്‌നിക്കൽ ബ്രാഞ്ചിന് 74 ആഴ്‌ചയും ഗ്രൗണ്ട് ഡ്യൂട്ടി നോൺ ടെക്നിക്കൽ ബ്രാഞ്ചിന് 52 ആഴ്‌ചയുമാണു പരിശീലനം.

പരീക്ഷാഫീസ് 250 രൂപ ആയിരിക്കും . എൻസിസി സ്പെഷൽ എൻട്രിയിലേക്ക് ഫീസില്ല.

അപേക്ഷിക്കേണ്ട വിധം: www.careerindianairforce.cdac.in, www.afcat.cdac.in എന്നീ വെബ്‌സൈറ്റുകളിൽ വിജ്ഞാപനം പ്രസിദ്ധീകരിക്കും. ഔദ്യോഗിക വിജ്ഞാപനം പ്രസിദ്ധീകരിച്ചതിനു ശേഷം മാത്രം അപേക്ഷിക്കുക. യോഗ്യതയുൾപ്പെടെയുള്ള വിശദവിവരങ്ങൾക്ക് വിജ്ഞാപനത്തിൽ വിശദമാക്കിയിട്ടുണ്ട്