മിലിട്ടറി പൊലീസിൽ ആദ്യമായി പഴ്സനൽ ബിലോ ഓഫിസർ റാങ്കിൽ 6 മലയാളി വനിതകൾ
ഇന്ത്യയിലെ ആദ്യ വനിതാ പഴ്സനല് ബിലോ ഓഫിസറന്മാരാകാന് മലയാളി പെണ്കുട്ടികളും; കേരളം ഉള്പ്പെടുന്ന ബെംഗളൂരു റീജനിലെ 20 പേരില് ആറ് മലയാളി പെണ്കുട്ടികള് ഇടം പിടിച്ചു .. ക്രോസ് ബോര്ഡര് യുദ്ധസമയത്ത് പട്ടാളക്കാര്ക്ക് സഹായമാകാനും സൈന്യത്തിലെ കുറ്റകൃത്യങ്ങള് കണ്ടെത്തുന്നതിനും ഇനി ഈ പെണ്കുട്ടികള് മുൻനിരയിൽ തന്നെ ഉണ്ടാകും .. ഒപ്പം വിദേശ രാജ്യങ്ങളില് സേവനം അനുഷ്ഠിക്കാനും ഇവർക്ക് അവസരം ഉണ്ട്
മിലിട്ടറി പൊലീസ് ബാച്ചിലേക്കു വനിതകള്ക്കും അവസരം ലഭിച്ചതോടെയാണ് മലയാളി പെണ്കുട്ടികള്ക്ക് ഈ അവസരം ഒരുങ്ങിയത്. പഴ്സനല് ബിലോ ഓഫിസര് റാങ്കിലേക്ക് തിരുവനന്തപുരത്തെ രണ്ടു പേര് ഉള്പ്പടെ വിവിധ ജില്ലകളില് നിന്നായി ആറു മലയാളി പെണ്കുട്ടികള് ഇടം നേടി
തിരുവനന്തപുരം സ്വദേശികളായ എസ്.ആര്.ഗൗരി,പി.എസ്.അര്ച്ചന,കൊല്ലം സ്വദേശികളായ എ.മാളു,ജനിക എസ്.ജയന്,പാലക്കാട് സ്വദേശി മായ സജീഫ്, മലപ്പുറം സ്വദേശി ടി.വിസ്മയ എന്നിവരാണ് ഇടംനേടിയത്.
ബെംഗളൂരു റീജനിലെ 20 പേരിലാണ് ആറു മലയാളികള്ക്കും അവസരം കിട്ടിയത് . 142 സെന്റിമീറ്റര് ഉയരമുള്ളവരെയാണ് മിലിട്ടറി പൊലീസ് വനിത റിക്രൂട്മെന്റിന് തെരഞ്ഞെടുക്കുന്നത് . കഴിഞ്ഞ ഏപ്രില് 25 മുതല് ജൂലൈ 8 വരെയായിരുന്നു അപേക്ഷ ക്ഷണിച്ചത്. കേരളം ഉള്പ്പെടുന്ന ബെംഗളൂരു റീജനിലെ 20 പേരില് നിന്ന് തെരഞ്ഞെടുക്കപ്പെട്ടതിൽ ആറ് മലയാളി പെണ്കുട്ടികള്കും ഇടം ലഭിച്ചു
അമ്ബാല, ജബല്പൂര്,ബെംഗളൂരു, ലക്നൗ, ഷില്ലോങ് എന്നിവിടങ്ങളിലായിരുന്നു തിരഞ്ഞെടുപ്പ്. സൈന്യത്തില് പഴ്സനല് ബിലോ ഓഫിസര് റാങ്കില് സ്ത്രീകളെ ഉള്പ്പെടുത്താമെന്ന സര്ക്കാര് ഉത്തരവ് ഇറങ്ങി മൂന്നു മാസത്തിനുള്ളിലാണ് അപേക്ഷ ക്ഷണിച്ചത്. കേരളത്തില് നിന്നടക്കം നിരവധി പെണ്കുട്ടികളാണ് ഈ പോസ്റ്റിലേക്ക് അപേക്ഷ അയച്ചത്. എന്നാല് പരീക്ഷയില് നല്ല മാര്ക്ക് കരസ്ഥമാക്കിയ ഈ ആറ് മലയാളി പെണ്കുട്ടികള്ക്കും ഇന്ത്യയിലെ ആദ്യ വനിതാ പഴ്സനല് ബിലോ ഓഫിസറന്മാരാകാന് അവസരം ഒരുങ്ങുകയായിരുന്നു.
പഴ്സനല് ബിലോ ഓഫിസരുടെ ഒദ്യോഗിക ചുമതലകൾ ഇവയാണ് ..സൈന്യത്തിലെ കുറ്റകൃത്യങ്ങള് അന്വേഷിക്കുക, പൊലീസ് സഹായം ആവശ്യമുള്ള സൈനിക പ്രവര്ത്തനങ്ങള്, ക്രോസ് ബോര്ഡര് യുദ്ധസമയത്ത് ഗ്രാമങ്ങള് ഒഴിപ്പിക്കുന്നതിനുള്ള സഹായങ്ങള് എന്നിവ കൃത്യതയോടെ ചെയ്തു തീർക്കുക എന്നത് പഴ്സനല് ബിലോ ഓഫിസരുടെ ചുമതലയാണ് ... സ്ത്രീകളും കുട്ടികളും അടങ്ങുന്ന അഭയാര്ഥികളുടെ നിയന്ത്രണം, ഏറ്റുമുട്ടല് സാഹചര്യങ്ങളില് തടവുകാരുടെ യുദ്ധ ക്യാംപുകളുടെ നടത്തിപ്പ് എന്നിവയും ഇവരുടെ ചുമതലയില് ഉള്പ്പെടും. യുഎന് പ്രത്യേക മിഷന്റെ ഭാഗമായി പ്രവര്ത്തിക്കുന്ന മിലിട്ടറി പൊലീസിന് കോംഗോ, സൊമാലിയ, റുവാണ്ട, സിയറ തുടങ്ങിയ രാജ്യങ്ങളില് സേവനം അനുഷ്ഠിക്കാനും അവസരമുണ്ട്
https://www.facebook.com/Malayalivartha