പ്രതിരോധവകുപ്പിന് കീഴിലുള്ള ഡിഫന്‍സ് റിസര്‍ച്ച്‌ ആന്‍ഡ് ഡെവലപ്‌മെന്റ് ഓര്‍ഗനൈസേഷനില്‍ (ഡി.ആര്‍.ഡി.ഒ.) മള്‍ട്ടി ടാസ്‌കിങ് സ്റ്റാഫ് തസ്തികയില്‍ 1817 ഒഴിവുകൾ. ഉടൻ തന്നെ അപേക്ഷിക്കുക . കൊച്ചി, മൈസൂരു, ബെംഗളൂരു, ചെന്നൈ ഉള്‍പ്പടെ വിവിധ കേന്ദ്രങ്ങളിലായിട്ടാണ് അവസരമുള്ളത്. അപേക്ഷകരുടെ യോഗ്യത: പത്താം ക്ലാസ് വിജയം/തത്തുല്യം/ഐ.ടി.ഐ.ശമ്പളം: 18,000-56,900 രൂപ.

അപേക്ഷകരുടെ പ്രായം : 18-25 വയസ്സ്. അര്‍ഹരായ വിഭാഗങ്ങള്‍ക്ക് നിയമാനുസൃത ഇളവ് ലഭിക്കും. ഫീസ്: 100 രൂപ (വനിതകള്‍, എസ്.സി., എസ്.ടി. വിഭാഗക്കാര്‍, ഭിന്നശേഷിക്കാര്‍, വിമുക്തഭടര്‍ എന്നിവര്‍ക്ക് ബാധകമല്ല). ഓണ്‍ലൈനായാണ് ഫീസ് അടയ്ക്കേണ്ടത്. ക്രെഡിറ്റ്/ഡെബിറ്റ് കാര്‍ഡ്/നെറ്റ് ബാങ്കിങ് സംവിധാനങ്ങള്‍ വഴി ഫീസ് അടയ്ക്കാം. ഓണ്‍ലൈനായാണ് അപേക്ഷിക്കേണ്ടത്. വിശദവിവരങ്ങള്‍ക്കും അപേക്ഷിക്കുന്നതിനും www.drdo.gov.in എന്ന വെബ്‌സൈറ്റ് സന്ദര്‍ശിക്കുക. അപേക്ഷ സ്വീകരിക്കുന്ന അവസാന തീയതി: ജനുവരി 23.