മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ സംസ്ഥാന മിഷന്‍ ഓഫീസിലേക്ക് ടെക്‌നിക്കല്‍ എക്‌സ്‌പെര്‍ട്ട് - അഗ്രിക്കള്‍ച്ചര്‍, ഫിനാന്‍സ് മാനേജര്‍ കം അഡ്മിനിസ്‌ട്രേറ്റീവ് സൂപ്പര്‍വൈസര്‍ തസ്തികകളില്‍ നിയമനം. അന്യത്രസേവന വ്യവസ്ഥയിലാണ് നിയമനത്തിന് അപേക്ഷ ക്ഷണിച്ചിരിക്കുന്നത്. ടെക്‌നിക്കല്‍ എക്‌സ്‌പെര്‍ട്ട് - അഗ്രിക്കള്‍ച്ചര്‍ തസ്തികയില്‍ ഒരൊഴിവ് ഉണ്ട്. സംസ്ഥാന മണ്ണ് സംരക്ഷണ വകുപ്പ്, കാര്‍ഷിക വികസന കര്‍ഷകക്ഷേമ വകുപ്പ് എന്നിവയില്‍ 42500-87000 ശമ്ബള സ്‌കെയിലില്‍ അസിസ്റ്റന്റ് ഡയറക്ടറുടെ റാങ്കില്‍ പ്രവര്‍ത്തിക്കുന്ന ഉദ്യോഗസ്ഥര്‍ക്ക് അപേക്ഷിക്കാം.

നീര്‍ത്തടാധിഷ്ഠിത പ്ലാനിംഗില്‍ ചുരുങ്ങിയത് അഞ്ച് വര്‍ഷം പ്രവര്‍ത്തനപരിചയമുള്ളവര്‍ക്ക് മുന്‍ഗണന. ഫിനാന്‍സ് മാനേജര്‍ കം അഡ്മിനിസ്‌ട്രേറ്റീവ് സൂപ്പര്‍വൈസര്‍ തസ്തികയില്‍ ഒരൊഴിവ് ഉണ്ട്. സംസ്ഥാന സര്‍ക്കാര്‍ സര്‍വീസില്‍ 36000-79200 (പുതിയത്) ശമ്ബളസ്‌കെയിലില്‍ സാമ്ബത്തികവും ഭരണപരവുമായ സൂപ്പര്‍വൈസറി ചുമതലകള്‍ നിര്‍വഹിച്ചുവരുന്ന ഉദ്യോഗസ്ഥര്‍ക്ക് അപേക്ഷിക്കാകുന്നതാണ് . ഉദ്യോഗസ്ഥര്‍ കേരള സര്‍വീസ് റൂള്‍സ് പാര്‍ട്ട് 1 റൂള്‍ 144 പ്രകാരമുള്ള പത്രിക, വകുപ്പുതലവന്‍ നല്‍കുന്ന എന്‍.ഒ.സി, ബയോഡാറ്റ എന്നിവ സഹിതം മാതൃസ്ഥാപനം മുഖാന്തിരം അപേക്ഷിക്കണം. അപേക്ഷകള്‍ 25ന് വൈകിട്ട് അഞ്ചിനു മുമ്ബ് മിഷന്‍ ഡയറക്ടര്‍, മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി സംസ്ഥാന മിഷന്‍, അഞ്ചാം നില, സ്വരാജ് ഭവന്‍, നന്തന്‍കോട്, കവടിയാര്‍ പി.ഒ, തിരുവനന്തപുരം, പിന്‍ - 695003 എന്ന വിലാസത്തില്‍ അയക്കണം. കൂടുതൽ വിവരങ്ങൾക്ക് ഈ ഫോണ്‍ നമ്ബറിൽ ബന്ധപ്പെടുക. 0471-2313385, 2314385. വിശദവിവരങ്ങള്‍ക്ക്: www.nregs.kerala.gov.in എന്ന വെബ്സൈറ്റ് സന്ദർശിക്കുക.