കേരള സര്‍വകലാശാലക്ക് കീഴിൽ പ്രവര്‍ത്തിക്കുന്ന രാജാ രവിവര്‍മ്മ സെൻ്റര്‍ ഓഫ് എക്സലൻസ് ഫോര്‍ വിഷ്വൽ ആര്‍ട്സ് അപേക്ഷ ക്ഷണിച്ചു. ആര്‍ട്ട് ഹിസ്റ്ററിയിലെ ലക്ചറര്‍ തസ്തികയിലേക്കാണ് അപേക്ഷ ക്ഷണിച്ചിരിക്കുന്നത്. കരാര്‍ നിയമനമായിരിക്കും

യോഗ്യത: ബന്ധപ്പെട്ട വിഷയത്തിലുള്ള പി.ജിയാണ് അടിസ്ഥാന യോഗ്യത. അധ്യാപന യോഗ്യതയും നെറ്റും ഉള്ളവർക്ക് മുൻഗണന ഉണ്ട്

പ്രായ പരിധി : അപേക്ഷകർക്ക് പ്രായം 50 കവിയാൻ പാടില്ല

35,000 രൂപയാണ് പ്രതിമാസ ശമ്പളം

ജനറൽ വിഭാഗത്തിന് 250 രൂപയും മറ്റ് പിന്നാക്ക വിഭാഗങ്ങൾക്ക് 100 രൂപയുമാണ് അപേക്ഷാഫീസ്. കേരള യൂണിവേഴ്സിറ്റിയുടെ ഔദ്യോഗിക വെബ്സൈറ്റ് വഴിയാണ് അപേക്ഷകൾ സമര്‍പ്പിക്കേണ്ടത്. അപേക്ഷ സ്വീകരിക്കുന്ന അവസാന തീയതി ജനുവരി 20.

കമ്പ്യൂട്ടര്‍ സെൻ്ററിൽ പ്രോഗ്രാമറുടെ ഒഴിവുണ്ട്. തത്സമയ അഭിമുഖം വഴിയാണ് കരാര്‍ അടിസ്ഥാനത്തിൽ ഉദ്യോഗാര്‍ഥിയെ തിരഞ്ഞെടുക്കുന്നത്. 36 വയസ്സാണ് പ്രായപരിധി. അനുബന്ധ രേഖകളും അപേക്ഷയും ജനുവരി 17ന് പ്രോ-വൈസ് ചാൻസലറുടെ ഓഫീസിൽ എത്തണം. ഹെൽത്ത് സെൻ്ററിലെ മെഡിക്കൽ അറ്റൻഡര്‍ ഒഴിവിലേക്ക് ജനുവരി 18 വരെയാണ് അപേക്ഷകൾ സമര്‍പ്പിക്കാവുന്നത്. 35 വയസ്സാണ് പ്രായപരിധി. സംവരണ വിഭാഗങ്ങൾക്ക് നിയമാനുസൃത ഇളവ് ലഭിക്കും. വിശദ വിവരങ്ങൾ കേരള യൂണിവേഴ്സിറ്റിയുടെ ഔദ്യോഗിക വെബ്സൈറ്റിൽ ലഭ്യമാണ്.

തൃശൂര്‍ മണ്ണൂത്തിയിൽ പ്രവര്‍ത്തിക്കുന്ന വെറ്റിനറി ആൻഡ് ആനിമൽ സയൻസ് കോളേജിലെ സെൻട്രൽ ഇൻസ്ട്രുമെൻ്റ്സ് ലബോറട്ടറിയിലേക്ക് ഇൻസ്ട്രുമെൻ്റേൻ എൻജിനീയര്‍ തസ്തികയിലേക്ക് ഒരു വര്‍ഷത്തെ കരാര്‍ അടിസ്ഥാനത്തിൽ അപേക്ഷ ക്ഷണിച്ചിട്ടുണ്ട്. ജനുവരി 31ന് രാവിലെ 10.30ന് കോളേജിൽവെച്ച് നടക്കുന്ന അഭിമുഖത്തിലൂടെയാവും തിരഞ്ഞെടുപ്പ്. ഇൻസ്ട്രുമെൻ്റേഷനിൽ എംടെക്കും 2 വര്‍ഷത്തെ പ്രവൃത്തി പരിചയവുമാണ് അടിസ്ഥാന യോഗ്യത. അപേക്ഷ സ്വീകരിക്കുന്ന അവസാന തീയതി ജനുവരി 25.

കൊച്ചി ശാസ്ത്ര സാങ്കേതിക സര്‍വകലാശാലയുടെ കെ.എം സ്കൂൾ ഓഫ് മറൈൻ എൻജിനീയറിങിലെ കോഴ്സ് ഇൻ ചാര്‍ജ് തസ്തികയിലേക്ക് അപേക്ഷിക്കേണ്ട അവസാന തീയതി ജനുവരി 9 ആയിരുന്നു. ഓൺലൈൻ അപേക്ഷയുടെ പകര്‍പ്പും മറ്റ് സര്‍ട്ടിഫിക്കറ്റും നിർദ്ദിഷ്ഠ വിലാസത്തിൽ ലഭിക്കേണ്ട അവസാന തീയതി ജനുവരി 16 ആണ്