ആരോഗ്യ കേരളത്തിൽ കൊല്ലം, പത്തനംതിട്ട, തൃശൂര്‍, പാലക്കാട് ജില്ലകളിൽ അയി ധാരാളം ഒഴിവുകളുണ്ട് നിലവിലെ ഒഴിവിലേക്ക് തത്സമയ അഭിമുഖത്തിലൂടെയാണ് ഉദ്യോഗാര്‍ഥികളെ തിരഞ്ഞെടുക്കുന്നത്. എഴുത്തു പരീക്ഷ ഇല്ല ..പത്തനംതിട്ടയിൽ മാത്രം 6 ഒഴിവുകളുണ്ട്.മറ്റ് ജില്ലകളിലെ ഒഴിവുകളും അനുബന്ധ വിവരങ്ങളും ഇങ്ങനെ

1. കൊല്ലം - മെഡിക്കൽ ഓഫീസര്‍, പാലിയേറ്റീവ് കെയര്‍, ക്ലിനിക്കൽ സൈക്കോളജിസ്റ്റ് എന്നീ വിഭാഗങ്ങളിലാണ് ഒഴിവുകളുള്ളത്.

2. പത്തനംതിട്ട - ജില്ലയിൽ ഡാറ്റ മാനേജര്‍, ക്ലിനിക്കൽ സൈക്കോളജിസ്റ്റ്, ഫിസിയോതെറാപ്പിസ്റ്റ്, ലാബ് ടെക്നീഷ്യൻ, ഓഡിയോളജിസ്റ്റ്, സ്റ്റാഫ് നേഴ്സ് എന്നീ ഒഴിവുകളിലേക്കാണ് അപേക്ഷകൾ ക്ഷണിച്ചിരിക്കുന്നത്.

3. തൃശൂര്‍ - പി.ആര്‍.ഒ, ക്ലിനിക്കൽ സൈക്കോളജിസ്റ്റ്, ഡവലപ്മെൻ്റൽ തെറാപ്പിസ്റ്റ്, ഓഡിയോളജിസ്റ്റ്, ലാബ് ടെക്നീഷ്യൻ, ഫിസിയോ തെറാപ്പിസ്റ്റ് ഒഴിവുകളുണ്ട്.

4. പാലക്കാട് - ജില്ലയിൽ പീഡിയാട്രിഷൻ ഒഴിവാണ് ഉള്ളത്.
ജനുവരി 16 മുതൽ 20 വരെ ബന്ധപ്പെട്ട ജില്ലകളിൽ വെച്ച് ഇന്റർവ്യൂ ഉണ്ടായിരിക്കും .

1. കൊല്ലം - ജനുവരി 16
2. തൃശൂര്‍ - ജനുവരി 17, 18
3. പത്തനംതിട്ട - ജനുവരി 18
4. പാലക്കാട് - ജനുവരി 20 എന്നിങ്ങനെയാണ് അഭിമുഖം സംഘടിപ്പിക്കുന്നത്

ഗ്രാമതല ആരോഗ്യ പ്രവർത്തനങ്ങൾ മെച്ചപ്പെടുത്തുന്നതിനും വ്യാപിപ്പിക്കുന്നതിനുമായി 2005 ഏപ്രിൽ 5ന് ഇന്ത്യയിൽ നിലവിൽ വന്ന പദ്ധതിയാണ് ദേശീയ ഗ്രാമീണ ആരോഗ്യ മിഷൻ. ഗ്രാമീണ ആരോഗ്യ രംഗത്ത് നിലവിലുണ്ടായിരുന്ന കേന്ദ്ര സർക്കാർ പദ്ധതികൾ ഏകോപിപ്പിച്ചാണ് ഈ പദ്ധതിക്ക് രൂപം നൽകിയത്.

പദ്ധതിയുടെ ലക്ഷ്യങ്ങൾ

മാതൃ-ശിശു മരണനിരക്ക് കുറയ്ക്കുക
സ്ത്രീകളുടേയും ശിശുക്കളുടേയും ആരോഗ്യസംരക്ഷണം
പകരുന്നതും അല്ലാത്തതുമായ രോഗങ്ങൾ ഉൾപ്പെടെയുള്ളവ തടയുക
സമഗ്രവും സംയോജിതവുമായ പ്രാഥമിക ആരോഗ്യ സംരക്ഷണം സാധ്യമാക്കുക
ജനസംഖ്യ നിയന്ത്രിക്കുക, സ്ത്രീ-പുരുഷ അനുപാതം സംതുലിതമാക്കുക
തദ്ദേശീയമായി പാരമ്പര്യ ആരോഗ്യ സംരക്ഷണ പ്രവർത്തനങ്ങൾ നവീകരിക്കുക
പഞ്ചായത്തിരാജ് സ്ഥാപനങ്ങൾക്ക് പൊതുജനാരോഗ്യ സേവനങ്ങൾ നടത്തുന്നതിനും നിയന്ത്രിക്കുന്നതിനും ആവശ്യമായ പരിശീലനം നൽകുക

വനിതാ ആരോഗ്യ പ്രവർത്തക (ASHA- Accredited Social Health Activist) യുടെ സഹായത്താൽ കുടുംബതലം മുതൽ ആരോഗ്യ സംരക്ഷണം പ്രോത്സാഹിപ്പിക്കുക

Kerala PSC Calendar; അറിയാം പി.എസ്.സിയുടെ പ്രധാനപ്പെട്ട പരീക്ഷകളും തീയതിയും
പ്രത്യേക ശ്രദ്ധയുള്ള സംസ്ഥാനങ്ങൾ

1. അരുണാചൽ പ്രദേശ്
2. ആസാം
3. ബീഹാര്‍
4. ഛത്തീസ്ഗഢ്
5. ഹിമാചൽ പ്രദേശ്
6. ജാര്‍ഘണ്ഡ്
7. ജമ്മുകാശ്മീര്‍
8. മണിപ്പൂര്‍
9. മിസോറാം
10. മേഘാലയ
11. മധ്യപ്രദേശ്
12. നാഗാലാൻഡ്
13. ഒറീസ്
14. രാജസ്ഥാൻ
15. സിക്കീം
16. ത്രുപര
17. ഉത്തരാഞ്ചൽ
18. ഉത്തര്‍ പ്രദേശ്

അതേസമയം, തദ്ദേശ സ്വയംവരണ വകുപ്പിന് കീഴിൽ പ്രവര്‍ത്തിക്കുന്ന ഇൻഫര്‍മേഷൻ കേരള മിഷനിൽ 8 ഒഴിവുകളുണ്ട്. സീനിയര്‍ ഡവലപ്പര്‍, ജൂനിയര്‍ ഡവലപ്പര്‍, കസ്റ്റമര്‍ സപ്പോര്‍ട്ട് ഏജൻ്റ് എന്നീ തസ്തികകളിലേക്കാണ് കരാര്‍ നിയമനം. തപാലിലാണ് അപേക്ഷകൾ സമര്‍പ്പിക്കണ്ടത്. വിശദമായ വിജ്ഞാപനവും അപേക്ഷയുടെ മാതൃകയും ഔദ്യോഗിക വെബ്സൈറ്റിൽ ലഭ്യമാണ്. അപേക്ഷ സ്വീകരിക്കുന്ന അവസാന തീയതി ജനുവരി 16.