ലോക്സഭ സെക്രട്ടറിയേറ്റ് പാര്‍ലമെൻ്ററി റിപ്പോര്‍ട്ടര്‍ ഗ്രേഡ്-2 തസ്തികയിലേക്ക് അപേക്ഷ ക്ഷണിച്ചു. 21 ഒഴിവുകളിലേക്കാണ് അപേക്ഷകൾ ക്ഷണിച്ചിരിക്കുന്നത്

1. എസ്.സി വിഭാഗം - 02 ,
2. എസ്.ടി വിഭാഗം - 02,
3. ഒ.ബി.സി - 05,
4. യു.ആര്‍ - 09,
5. ഇ.ഡബ്ലു.എസ് - 03 എന്നിങ്ങനെയാണ് ഒഴിവുകൾ

യോഗ്യത
അംഗീകൃത യൂണിവേഴ്സിറ്റിയിൽ നിന്നും ഏതെങ്കിലും വിഷയത്തിലുള്ള ബിരുദമാണ് അടിസ്ഥാന യോഗ്യത. ഒരു മിനിറ്റിൽ ഇംഗ്ലീഷിലോ ഹിന്ദിയിലോ 160 വാക്കുകൾ ടൈപ്പ് ചെയ്യാനും ഉദ്യോഗാര്‍ഥികൾക്ക് അറിഞ്ഞിരിക്കണം. എ.ഐ.സി.ടി.ഇ പോലുള്ള സര്‍ട്ടിഫിക്കറ്റുകൾ അഭികാമ്യം.

തിരഞ്ഞെടുപിന് എഴുത്തു പരീക്ഷയും അഭിമുഖവും ഉണ്ടായിരിക്കും .. 100 മാര്‍ക്കിന്റെ ഷോര്‍ട്ട്ഹാൻഡ് ടെസ്റ്റ്, ജനറൽ നോളജ്, കറൻ്റ് അഫയേഴ്സ്, ജനറൽ ഇംഗ്ലീഷ് എന്നിവയുൾപ്പെടുന്ന എഴുത്ത് പരീക്ഷ എന്നിവയും 10 മാര്‍ക്കിന്റെ അഭിമുഖവും എന്നിവ ഉൾപെട്ടതാണ് പരീക്ഷ

അപേക്ഷകരുടെ പ്രായം 40 വയസ്സിൽ കവിയരുത്. അതേസമയം, സംവരണ വിഭാഗങ്ങൾക്ക് നിയമാനുസ‍ൃത ഇളവ് ലഭിക്കും.

അപേക്ഷ

ഉദ്യോഗാര്‍ഥികൾ ഓഫ് ലൈൻ ആയാണ് അപേക്ഷകൾ സമര്‍പ്പിക്കേണ്ടത്. അപേക്ഷാ ഫോം പൂരിപ്പിച്ച ശേഷം റിക്രൂട്ട്മെൻ്റ് ബ്രാഞ്ച്,
ലോക്സഭ സെക്രട്ടറിയേറ്റ്,
റൂം നം 521, പാര്‍ലമെൻ്റ് ഹൗസ്,
ഡൽഹി-110001 എന്ന വിലാസത്തിലേക്കാണ് അപേക്ഷകൾ അയക്കേണ്ടത്. അപേക്ഷകൾ സമര്‍പ്പിക്കേണ്ട അവസാന തീയതി ജനുവരി 28, 2020.

രാജ്യത്തെ ലോക്‌സഭാ നിയോജക മണ്ഡലങ്ങളിൽ നിന്നു നേരിട്ട് തിരഞ്ഞെടുക്കുന്ന പ്രതിനിധികളാണ് ഇതിലെ അംഗങ്ങൾ. ജനസംഖ്യാടിസ്ഥാനത്തിലാണ് ഓരോ സംസ്ഥാനങ്ങളിലേയും ലോകസഭാ സീറ്റുകൾ നിശ്ചയിക്കപ്പെട്ടിരിക്കുന്നത്. അഞ്ചു വർഷമാണ് കാലാവധി. എന്നാൽ അടിയന്തരാവസ്ഥ കാലത്ത് ലോകസഭയുടെ കാലാവധി ഒരു വർഷം കൂടി നീട്ടാം. 25 വയസ്സ് കഴിഞ്ഞ ഏതൊരു ഇന്ത്യൻ പൗരനും ലോകസഭയിലേക്ക് മത്സരിക്കാം. പ്രായപൂർത്തി വോട്ടവകാശത്തിൻ്റെ അടിസ്ഥാനത്തിലാണ് ലോകസഭയിലേക്ക് തിരഞ്ഞെടുപ്പ് നടക്കുന്നത്.18 വയസ്സ് തികഞ്ഞ ഏതൊരു ഇന്ത്യൻ പൗരനും വോട്ട് ചെയ്യാൻ അവകാശമുണ്ട്.

അധികാരങ്ങൾ

1. നിയമനിര്‍മ്മാണം
2. എക്സിക്യുട്ടീവിനെ നിയന്ത്രിക്കൽ
3. ധനകാര്യം
4. തിരഞ്ഞെടുപ്പ്
5. ചില നിര്‍ണായക തീരുമാനങ്ങളിൽ കോടതിയായി പ്രവര്‍ത്തിക്കുക

കേരളത്തിലെ ലോക്സഭാ മണ്ഡലങ്ങൾ

1. കാസര്‍ഗോഡ്
2. കണ്ണൂര്‍
3. വടകര
4. വയനാട്
5. കോഴിക്കോട്
6. മലപ്പുറം
7. പൊന്നാനി
8. പാലക്കാട്
9. ആലത്തൂര്‍
10. തൃശൂര്‍
11. ചാലക്കുടി
12. എറണാകുളം
13. ഇടുക്കി
14. കോട്ടയം
15. ആലപ്പുഴ
16. മാവേലിക്കര
17. പത്തനംതിട്ട
18. കൊല്ലം
19. ആറ്റിങ്ങൽ
20. തിരുവനന്തപുരം