ഇന്ത്യൻ കോസ്റ്റ് ഗാഡ് നാവിക് (ജനറൽ ഡ്യൂട്ടി) തസ്തികയിലേക്ക് അപേക്ഷ ക്ഷണിച്ചു. താത്പര്യമുള്ള ഉദ്യോഗാര്‍ഥികൾക്ക് ഇന്ത്യൻ കോസ്റ്റ് ഗാര്‍ഡിൻ്റെ ഔദ്യോഗിക വെബ്സൈറ്റ് വഴി അപേക്ഷകൾ സമര്‍പ്പിക്കാം. അപേക്ഷ സമര്‍പ്പിക്കേണ്ട അവസാന തീയതി ഫെബ്രുവരി 2.

ഫിസിക്സ്, മാത്തമാറ്റിക്സ് വിഷയങ്ങളിൽ 50 ശതമാനം മാര്‍ക്കോടെ പ്ലസ്ടു പാസായ അവിവാഹിതരായ ആൺകുട്ടികൾക്കാണ് അവസരം. ദേശീയ തലത്തിൽ മികവ് തെളിയിച്ച കായിക താരങ്ങൾ , സര്‍വീസിനിടെ മരണമടഞ്ഞ കോസ്റ്റ് ഗാര്‍ഡ് യൂണിഫോം തസ്തിയലുണ്ടായിരുന്ന ജീവനക്കാരുടെ മക്കൾ എന്നിവര്‍ക്ക് 45 ശതമാനം മാര്‍ക്ക് മതി.

എഴുത്ത് പരീക്ഷ , ശാരീരിക ക്ഷമതാ പരീക്ഷ, അഭിമുഖം, വൈദ്യപരിശോധന എന്നിവയുടെ അടിസ്ഥാനത്തിലാണ് തെരഞ്ഞെടുപ്പ് . 20 സ്ക്വാട്ട് അപ്പ്, 10 പുഷ്അപ്പ്, 7 മിനിറ്റിനുള്ളിൽ 1.6 കിലോമീറ്റര്‍ ഓട്ടം എന്നിവ ഉൾപ്പെടുന്നതാണ് ശാരീരിക ക്ഷമത പരിശോധന.. 157 സെ.മീ ഉയരവും പ്രായത്തിനനുസരിച്ചുള്ള അള തൂക്കവും വേണം. മിനിമം 5 സെൻ്റീമീറ്റര്‍ നെഞ്ച് വികാസം, കണ്ണട ഉപയോഗിക്കാതെ നല്ല കാഴ്ച ശക്തിയും വേണം.

18 മുതൽ 22 വയസ്സ് വരെ പ്രായമുള്ളവർക്ക് അപേക്ഷിക്കാം.. എസ്.സി അല്ലെങ്കിൽ എസ്.ടി വിഭാഗത്തിന് അഞ്ച് വര്‍ഷവും ഒ.ബി.സി വിഭാഗത്തിന് മൂന്നും വര്‍ഷവും വയസ്സിളവ് ലഭിക്കും.

1. യു.ആര്‍ - 113
2. ഇ.ഡബ്ലു.എസ് - 26
3. ഒ.ബി.സി - 75
4. എസ്.ടി - 13
5. എസ്.സി - 33 എന്നിങ്ങനെയാണ് ഒഴിവുകൾ
തെരഞ്ഞെടുക്കപ്പെടുന്നവർക്ക് 21,700 രൂപയാണ് അടിസ്ഥാന ശമ്പളം. ഇത് കൂടാതെ, മറ്റ് അലവൻസുകളും ലഭിക്കും.

അപേക്ഷിക്കേണ്ടവിധം

കോസ്റ്റ് ഗാര്‍ഡിൻ്റെ ഔദ്യോഗിക വെബ്സൈറ്റ് വഴിയാണ് അപേക്ഷകൾ സമര്‍പ്പിക്കേണ്ടത്. ഓൺലൈൻ അപേക്ഷയിൽ ഉദ്യോഗാര്‍ഥിയുടെ പാസ്പോര്‍ട്ട് സൈസ് ഫോട്ടോയും കൈയ്യൊപ്പും അപ്ലോഡ് ചെയ്യണം. കേരളത്തിൽ കൊച്ചിയിൽ പരീക്ഷാ കേന്ദ്രമുണ്ട്. ഒന്നിൽ കൂടുതൽ അപേക്ഷകൾ അയക്കരുത്. ഫെബ്രുവരി-മാര്‍ച്ച് മാസങ്ങളിലാവും എഴുത്ത് പരീക്ഷ നടക്കുക. രണ്ട് ഘട്ടങ്ങളിലായുള്ള എഴുത്ത് പരീക്ഷ ഒബ്ജക്ടീവ് മാതൃകയിലായിരിക്കും.

അപേക്ഷ ജനുവരി 26 മുതൽ സ്വീകരിച്ചു തുടങ്ങി.. ഫെബ്രുവരി 2 അപേക്ഷ സ്വീകരിക്കുന്ന അവസാന തീയതി -
ഫെബ്രുവരി 15നും 22 നും ഇടക്ക് അഡ്മിറ്റ് കാര്‍ഡ് ലഭിക്കും ..ജൂൺ അല്ലെങ്കിൽ ജൂലൈയോടെ തെരഞ്ഞെടുത്തവരുടെ പട്ടിക പ്രസിദ്ധീകരിക്കും .. ഓഗസ്റ്റ് മാസത്തോടെ പരിശീലനം തുടങ്ങും

ഇന്ത്യൻ സൈന്യത്തിലെ നാലാമത്തെ വിഭാഗമാണ്‌ ഇന്ത്യൻ തീരസംരക്ഷണസേന. പേര് സൂചിപ്പിക്കുന്നതുപോലെ തീരസംരക്ഷണത്തിലാണ് ഇവരുടെ പ്രധാന ധർമ്മം. "തീരസംരക്ഷണസേന ആക്റ്റ്" എന്ന ആക്റ്റിൻ്റെ അടിസ്ഥാനത്തിൽ 1978 ആഗസ്റ്റ് 18-ആം തീയതിയാണ് ഇന്ത്യൻ തീര സംരക്ഷണസേന രൂപികരിച്ചത്. ഭാരതീയ പ്രതിരോധ മന്ത്രാലയത്തിനു കീഴെയാണ് ഇതിൻ്റെ പ്രവർത്തനം.
ഭാരതീയ നാവികസേന, ഭാരതീയ മത്സ്യബന്ധന മന്ത്രാലയം, ഭാരതീയ റവന്യൂ മന്ത്രാലയം എന്നീ വിഭാഗങ്ങളോടും അതതു സംസ്ഥാന പോലീസ് സേനകളോടും സഹകരിച്ചാണ് തീരസംരക്ഷണസേന പ്രവർത്തിക്കുന്നത്.

ഭാരതത്തിൻ്റെ തീരദേശം സംരക്ഷിക്കുക, രക്ഷാ പ്രവര്‍ത്തനം നടത്തുക, സമുദ്ര സമ്പത്തിനെ സംരക്ഷിക്കുക, ശാസ്ത്രീയ വിവര സംരക്ഷണവും സഹകരണവും എന്നിവയാണ് പ്രധാന ചുമതലകൾ