കൊച്ചിന്‍ ഷിപ്പ് യാര്‍ഡില്‍ വര്‍ക്ക് മെൻ കാറ്റഗറിയിൽ അവസരം...കൊച്ചിന്‍ ഷിപ്പ് യാര്‍ഡില്‍ ഓൺലൈൻ ആയാണ് അപേക്ഷ സ്വീകരിക്കുന്നത്..200 രൂപയാണ് അപേക്ഷാഫീസ്

വര്‍ക്ക് മെൻ കാറ്റഗറിയിൽ 19 ഒഴിവുകളിലേക്കാണ് അപേക്ഷകൾ ക്ഷണിച്ചിരിക്കുന്നത്. രണ്ട് ഘട്ടത്തിലുള്ള പരീക്ഷ വഴിയാണ് ഉദ്യോഗാര്‍ഥികളെ തിരഞ്ഞെടുക്കുന്നത്.

1. ജൂനിയര്‍ ടെക്നിക്കൽ അസിസ്റ്റൻ്റ്

മെക്കാനിക്കൽ വിഭാഗത്തിൽ മൂന്ന് ഒഴിവുകളാണ് ഉള്ളത്. മെക്കാനിക്കൽ എൻജിനീയറിങ് ഡിപ്ലോമയും നാലു വര്‍ഷത്തെ പ്രവൃത്തി പരിചയവും നിര്‍ബന്ധം.

2. ഇലക്ട്രിക്കൽ

ഈ വിഭാഗത്തിൽ രണ്ട് ഒഴിവുകളാണ് ഉള്ളത്. ഇലക്ട്രിക്കൽ എൻജിനീയറിങ്ങിൽ ഡിപ്ലോമയും നാലു വര്‍ഷത്തെ പ്രവൃത്തി പരിചയവും നിര്‍ബന്ധം.

3. ഇലക്ട്രോണിക്സ്

ഈ വിഭാഗത്തിൽ 2 ഒഴിവുകളാണ് ഉള്ളത്. ഇലക്ട്രോണിക്സ് എൻജിനീയറിങിൽ ഡിപ്ലോമയും നാലു വര്‍ഷത്തെ പ്രവൃത്തി പരിചയവും നിര്‍ബന്ധം.

4. ഇൻഫര്‍മേഷൻ ടെക്നോളജി

ഈ വിഭാഗത്തിൽ ആകെ ഒരു ഒഴിവാണ് ഉള്ളത്. കമ്പ്യൂട്ടര്‍ എൻജിനീയറിങ് അല്ലെങ്കിൽ ഇൻഫര്‍മേഷൻ ടെക്നോളജയിൽ ഡിപ്ലോമയും നാലു വര്‍ഷത്തെ പ്രവ‍ത്തി പരിചയവുമാണ് യോഗ്യത.

5. ജൂനിയര്‍ കൊമേഴ്സ്യൽ അസിസ്റ്റൻ്റ്

2 ഒഴിവുകളാണ് ഉള്ളത്. കൊമേഴ്സ്യൽ പ്രാക്ടീസ് അല്ലെങ്കിൽ കമ്പ്യൂട്ടര്‍ എൻജിനീയറിങ് അല്ലെങ്കിൽ ഇൻഫര്‍മേഷൻ ടെക്നോളജിയിൽ ഡിപ്ലോമ. നാലുവര്‍ഷത്തെ പ്രവ‍ത്തി പരിചയം നിര്‍ബന്ധം.

6. വെൽഡര്‍ കം ഫിറ്റര്‍

2 ഒഴിവുകളാണ് ഈ വിഭാഗത്തിൽ ഉള്ളത്. പത്താം ക്ലാസും ബന്ധപ്പെട്ട ട്രേഡിൽ സര്‍ട്ടിഫിക്കറ്റും 5 വര്‍ഷത്തെ പ്രവൃത്തി പരിചയവും നിര്‍ബന്ധം.

7. ഫിറ്റര്‍

3 ഒഴിവുകളാണ് ഉള്ളത്. പത്താം ക്ലാസും ബന്ധപ്പെട്ട ട്രേഡ് സര്‍ട്ടിഫിക്കറ്റും 5 വര്‍ഷത്തെ പ്രവ‍ത്തി പരിചയവും നിര്‍ബന്ധം.

8. ഷിപ്പ്റൈറ്റ് വുഡ്

ഈ വിഭാഗത്തിൽ ഒരു ഒഴിവാണ് ഉള്ളത്. പത്താം ക്ലാസും ബന്ധപ്പെട്ട ട്രേഡിൽ സര്‍ട്ടിഫിക്കറ്റും 5 വര്‍ഷത്തെ പ്രവൃത്തി പരിചയവും നിര്‍ബന്ധം.

അപേക്ഷ

കൊച്ചിൻ ഷിപ്പ്യാര്‍ഡിൻ്റെ ഔദ്യോഗിക വെബ്സൈറ്റ് വഴി ഓൺലൈനായാണ് അപേക്ഷകൾ സമര്‍പ്പിക്കേണ്ടത്. 200 രൂപയാണ് അപേക്ഷാഫീസ്. അതേസമയം, എസ്.സി, എസ്.ടി, ഭിന്നശേഷി വിഭാഗത്തിന് അപേക്ഷാഫീസില്ല. അപേക്ഷകൾ സമര്‍പ്പിക്കേണ്ട അവസാന തീയതി ഫെബ്രുവരി 25.