കേരള സര്‍വീസിൽ എക്സൈസ് ഇൻസ്പെക്ടര്‍ ആവാൻ താൽപ്പര്യമുള്ളവർക്ക് ഇപ്പോൾ അപേക്ഷിക്കാം . ഫെബ്രുവരി 5 വരെയാണ് അപേക്ഷിക്കാനുള്ള സമയം. കാറ്റഗറി നമ്പര്‍ - 497-2019 .എക്സൈസ് ഡിപ്പാര്‍ട്ട്മെൻ്റിൽ ആണ് നിയമനം

അംഗീകൃത യൂണിവേഴ്സിറ്റിയിൽ നിന്നുള്ള ബി.എ അല്ലെങ്കിൽ ബി.എസ്.സി അല്ലെങ്കിൽ ബി.കോം ആണ് യോഗ്യത. മികച്ച ശാരീരിക ക്ഷമത നിര്‍ബന്ധം.

1. പുരുഷൻമാർക്ക് ഉയരം - 165cm, ചെസ്റ്റ് - 81cm, ചെസ്റ്റ് എക്സ്പാൻഷൻ - 5cm, എന്നിങ്ങനെയും സ്ത്രീകൾക്ക്
ഉയരം - 152 cm ഉം ഉണ്ടായിരിക്കണം

അപേക്ഷകരുടെ പ്രായം 19നും 31നും ഇടയിലായിരിക്കണം. സംവരണ വിഭാഗങ്ങൾക്ക് നിയമാനുസൃത ഇളവ് ലഭിക്കും.

തെരഞ്ഞെടുക്കപ്പെടുന്നവർക്ക് ശമ്പളം 30700 മുതൽ 65400 വരെ ആയിരിക്കും ..താത്പര്യമുള്ള ഉദ്യോഗാര്‍ഥികൾക്ക് കേരള പി.എസ്.സി വഴിയാണ്‌ അപേക്ഷകൾ സമര്‍പ്പിക്കേണ്ടത് . അപേക്ഷകൾ സമര്‍പ്പിക്കേണ്ട അവസാന തീയതി ഫെബ്രുവരി 5.

എസ്.ഐ ട്രയിനി തസ്തികയിലേക്കും ഇപ്പോൾ അപേക്ഷിക്കാം. സിവിൽ പൊലീസ് തസ്തികയിൽ ഇപ്പോൾ ധാരാളം വനിതകൾ ഉൾപ്പെടെയുള്ളവർ അപേക്ഷകൾ സമര്‍പ്പിക്കുന്നുണ്ട് . അതേസമയം, ആംഡ് പൊലീസിലെ ഒഴിവിൽ വനിതകൾക്ക് അപേക്ഷിക്കാൻ കഴിയില്ല.പുതിയ ശമ്പള പരിഷ്കരണം നിലവിൽ വരുന്നതോടെ പൊലീസ് കോൺസ്റ്റബിൾ തസ്തികയിൽ തുടക്കക്കാര്‍ക്ക് 35,000 രൂപ ശമ്പളമായി ലഭിക്കും. ഇതിനുപുറമേ, മറ്റ് അലവൻസുകളും ലഭിക്കും. എസ്.ഐ പോലുള്ള ഉയര്‍ന്ന തസ്തികകളുടെ നിശ്ചിത ശതമാനം ഒഴിവുകൾ കോൺസ്റ്റബിൾ തസ്തികയിൽ നിന്നാണ് നികത്തുന്നത്. 12 വര്‍ഷം സര്‍വീസ് പൂര്‍ത്തിയാക്കിയ പോലീസുകാര്‍ക്ക് ഹെഡ്കോൺസ്റ്റബിൾ റാങ്ക് നൽകണമെന്ന ഉത്തരവ് അടുത്തിടെ വന്നിരുന്നു.

എസ്.ഐ ആകുന്ന ഒരാൾക്ക് 7 മുതൽ 9 വര്‍ഷത്തിനുള്ളിൽ സര്‍ക്കിൾ ഇൻസ്പെക്ടറും തുടര്‍ന്ന് ഡി.വൈ.എസ്.പി, എസ്.പി തുടങ്ങിയ പദവികളും ലഭിക്കാം. മാത്രമല്ല, ചെറിയ ഒരു ശതമാനത്തിന് സര്‍ക്കാര്‍ ഐ.പി.എസ് പദവിയും നൽകുന്നുണ്ട്.

എസ്.ഐ പോലുള്ള തസ്തികയിൽ കായികക്ഷമതാ പരീക്ഷക്ക് വലിയ പ്രാധാന്യമുണ്ട് .. പോലീസ് തസ്തികയിലെ താരതമ്യേന കടുപ്പം കൂടിയ ട്രയിനിങാണ് എസ്.ഐ തസ്തികയ്ക്ക് നൽകുന്നത്. അതേസമയം, 16500 മുതൽ 35700 രൂപ വരെയാണ് ലാസ്റ്റ് ഗ്രേഡ് സര്‍വൻ്റ്സ് തസ്തികയുടെ ശമ്പള സ്കെയിൽ. അടിസ്ഥാന ശമ്പളത്തിനൊപ്പം 20% ഡിഎ (3300), എച്ച്ആർഎ (1500), സിസിഎ (350) എന്നിവകൂടി കൂട്ടി 21,650 രൂപ തുടക്കത്തിൽ ശമ്പളമായി ലഭിക്കും. ഇപ്പോഴത്തെ വിജ്ഞാപന പ്രകാരമുള്ള റാങ്ക് ലിസ്റ്റിൽ നിന്ന് നിയമനം തുടങ്ങുമ്പോഴേക്കും പുതുക്കിയ സ്കെയിൽ പ്രകാരമുള്ള ശമ്പളം ലഭിക്കാനും സാധ്യതയുണ്ട്.

ഒഫീഷ്യൽ നോട്ടിഫിക്കേഷന് https://www.keralapsc.gov.in/sites/default/files/2020-01/497-2019.pdf സന്ദർശിക്കുക