സെൻട്രൽ ബ്യൂറോ ഓഫ് ഇൻവെസ്റ്റിഗേഷനിൽ ബിരുദ, ബിരുദാനന്തര വിദ്യാര്‍ഥികൾക്ക് ഇൻ്റേൺഷിപ്പിന് അവസരം. ഡൽഹി, മുംബൈ, ചെന്നൈ, ഹൈദരാബാദ്, ബംഗളൂരു, കൊൽക്കത്ത, ലക്നൗ, ചണ്ഡീഗഢ് എന്നിവടങ്ങളിലെ സിബിഐ ഓഫീസുകളിലായി ആകെ 30 പേര്‍ക്കാണ് അവസരം. സിബിഐ ആദ്യമായാണ് ഇത്തരത്തിലൊരു പദ്ധതി നടപ്പാക്കുന്നത്

അപേക്ഷകര്‍ ഇന്ത്യയിലെ അംഗീകൃത സര്‍വകലാശാലയിലോ സ്ഥാപനത്തിലോ ബിരുദ, ബിരുദാനന്തര ഗവേഷണ വിദ്യാര്‍ഥിയായിരിക്കണം...നിയമം, സൈബര്‍, ഡാറ്റാ അനാലിസിസ്, ഫോറന്‍സിക് സയന്‍സ്, ക്രിമിനോളജി, മാനേജ്‌മെന്റ്, ഇക്കണോണിക്‌സ്, കൊമേഴ്‌സ് എന്നീ മേഖലകളില്‍ സ്‌പെഷ്യലൈസേഷന്‍ നടത്തുന്നവർക്ക് മുൻഗണനയുണ്ട്

ആറു മുതൽ എട്ട് ആഴ്ച വരെ നീണ്ടു നിൽക്കുന്നതാണ് ഇൻ്റേൺഷിപ്പ് കാലാവധി. മേയിലെ വേനല്‍ അവധിക്കാലത്തായിരിക്കും പരിശീലനപരിപാടി. ശമ്പളം അല്ലെങ്കിൽ സ്റ്റൈപ്പൻഡ് ഉണ്ടായിരിക്കില്ല. താമസം, ഭക്ഷണം എന്നിവയുടെ ചിലവും വിദ്യാര്‍ഥികൾ കണ്ടെത്തണം. അതേസമയം, പ്രകടനത്തിൻ്റെ അടിസ്ഥാനത്തിൽ ഇൻ്റേൺസിന് സിബിഐയുടെ സര്‍ട്ടിഫിക്കറ്റ് ലഭിക്കും

സിബിഐയുടെ ഔദ്യോഗിക വെബ്സൈറ്റ് വഴിയാണ് അപേക്ഷകൾ സമര്‍പ്പിക്കേണ്ടത്. വിശദമായ ബയോഡേറ്റയും എന്തുകൊണ്ട് സിബിഐ ഇൻ്റേൺഷിപ്പ് പരിപാടിയിൽ പങ്കെടുക്കാൻ ആഗ്രഹിക്കുന്നുവെന്ന് 300 വാക്കിൽ എഴുതി തയ്യാറാക്കിയ കുറിപ്പും സഹിതമാണ് അപേക്ഷകൾ സമര്‍പ്പിക്കേണ്ടത്.

വിശദവിവരങ്ങള്‍ www.cbiacademy.gov.in എന്ന വെബ്‌സൈറ്റിലും ലഭ്യമാണ്... അപേക്ഷകൾ സമര്‍പ്പിക്കേണ്ട അവസാന തീയതി ഫെബ്രുവരി 21