കേരള സംസ്ഥാന കോ-ഓപ്പറേറ്റീവ് ബാങ്ക് ലിമിറ്റഡിൽ ഉള്ള വിവിധ ഒഴിവുകളിലേക്ക് ഇപ്പോൾ അപേക്ഷിക്കാം ..തപാൽ വഴിയാണ് അപേക്ഷകൾ സമര്‍പ്പിക്കേണ്ടത്. അപേക്ഷകൾ സമര്‍പ്പിക്കേണ്ട അവസാന തീയതി മാര്‍ച്ച് 2. വിവിധ വകുപ്പുകളിലേക്കാണ് നിയമനം .

ചീഫ് ഐഎസ് സെക്യൂരിറ്റി ആൻഡ് ഐടി ഓഫീസര്‍

കമ്പ്യൂട്ടര്‍ സയൻസ് ഐടി ബിരുദവും സെക്യൂരിറ്റി, സിസ്റ്റം അഡ്മിനിസ്ട്രേഷൻ, നെറ്റ് വര്‍ക്ക് അഡ്മിനിസ്ട്രേഷൻ എന്നിവയിൽ ഏഴുവര്‍ഷത്തെ പ്രവൃത്തി പരിചയവും ഉള്ളവർക്ക് അപേക്ഷിക്കാം . സൂപ്പര്‍ വൈസറി കപ്പാസിറ്റിയിൽ രണ്ടുവര്‍ഷത്തെ പ്രവൃത്തി പരിചയവും വേണം.
അല്ലെങ്കിൽ ബിടെക് ബിരുദവും ബന്ധപ്പെട്ട വിഷയത്തിൽ പ്രവൃത്തി പരിചയവും കൂടാതെ സൂപ്പര്‍ വൈസറി കപ്പാസിറ്റിയിൽ രണ്ടുവര്‍ഷത്തെ പ്രവൃത്തി പരിചയവും വേണം. അപേക്ഷകരുടെ പ്രായപരിധി 62 വയസ്സാണ്.

ഹെഡ് ട്രഷറി

എം.ബി.എ അല്ലെങ്കിൽ അനുബന്ധ ബിരുദാനന്തബിരുദവും സ്വകാര്യ ബാങ്കിൽ 15 വര്‍ഷത്തെ പ്രവൃത്തി പരിചയവും ഉള്ളവർക്ക് മാത്രമേ അപേക്ഷിക്കാനാകൂ . ട്രഷറി മാനേജ്മെൻ്റ് അല്ലെങ്കിൽ അസിസ്റ്റൻ്റ് മാനേജര്‍ തസ്തികയിൽ 4 വര്‍ഷത്തെ പ്രവൃത്തി പരിചയവും വേണം. 62 വയസ്സാണ് പ്രായപരിധി.

ചീഫ് റിസ്ക് ഓഫീസര്‍

ഗ്ലോബൽ അസോസിയേഷൻ ഓഫ് റിസ്ക് പ്രൊഫഷണലിൽ നിന്ന് ഫിനാൻഷ്യൽ റിസ്ക് മാനേജ്മെൻ്റ് സര്‍ട്ടിഫിക്കേഷൻ നിര്‍ബന്ധം. അല്ലെങ്കിൽ പിആര്‍എംഐഎയിൽ നിന്ന് ഫിനാൻഷ്യൽ റിസ്ക് മാനേജ്മെൻ്റ് സര്‍ട്ടിഫിക്കേഷൻ ഉണ്ടായിരിക്കണം. അഞ്ചു വര്‍ഷത്തെ പ്രവൃത്തി പരിചയവും അത്യാവശ്യമാണ് . അപേക്ഷകരുടെ പ്രായപരിധി 62 വയസ്സ്.

ചീഫ് ഫിനാൻസ് ഓഫീസര്‍

ബിരുദവും ഇന്ത്യൻ ചാര്‍ട്ടേഡ് അക്കൗണ്ടൻ്റ്സ് ഇൻസ്റ്റിറ്റ്യൂട്ടിൽ നിന്ന് സിഎയും 10 വര്‍ഷത്തെ ഓഡിറ്റര്‍ പ്രവൃത്തി പരിചയവും നിര്‍ബന്ധം. ഉദ്യോഗാര്‍ഥികളുടെ പ്രായം 45നും 55നും ഇടയിലായിരിക്കണം.

ചീഫ് ലീഗൽ ഓഫീസര്‍

ലോ ബിരുദവും ബാര്‍ കൗൺസിൽ ഓഫ് ഇന്ത്യ എൻറോൾമെൻ്റും 10 വര്‍ഷത്തെ പ്രവൃത്തി പരിചയവും നിര്‍ബന്ധം. അപേക്ഷകുടെ പ്രായം 45നും 55 വയസ്സിനും ഇടയിലായിരിക്കണം.

ഉദ്യോഗാര്‍ഥികൾ
ഡെപ്യൂട്ടി മാനേജര്‍,
കേരള സ്റ്റേറ്റ് കോ-ഓപ്പറേറ്റീവ് ബാങ്ക് ലിമിറ്റഡ്,
പാളയം, തിരുവനന്തപുരം-33

എന്ന വിലാസത്തിലാണ് അപേക്ഷകൾ സമര്‍പ്പിക്കേണ്ടത്. അപേക്ഷകൾ സമര്‍പ്പിക്കേണ്ട അവസാന തീയതി മാര്‍ച്ച് 2.