കേരള ഹൈക്കോടതിയിലെ വിവിധ തസ്തികകളിലെ ഒഴിവിലേക്ക് അപേക്ഷ ക്ഷണിച്ചു. താത്പര്യമുള്ള ഉദ്യോഗാര്‍ഥികൾ മാര്‍ച്ച് 9 ന് മുൻപ് അപേക്ഷിക്കണം

1. അസിസ്റ്റൻ്റ്

എസ്.ഐ.യു.സി നാടാര്‍ വിഭാഗത്തിൽ ഒരു ഒഴിവാണ് ഉള്ളത്. അംഗീകൃത യൂണിവേഴ്സിറ്റിയിൽ നിന്നുള്ള ബിരുദമാണ് അടിസ്ഥാന യോഗ്യത. കമ്പ്യൂട്ടര്‍ പരിജ്ഞാനം അഭിലഷണീയം. 27,800 മുതൽ 59400 രൂപ വരെയാണ് ശമ്പളം

2. ബൈൻഡര്‍

ജനറൽ വിഭാഗത്തിൽ ഒരു ഒഴിവാണ് ഉള്ളത്. എട്ടാം ക്ലാസ് ജയമാണ് അടിസ്ഥാന യോഗ്യത. ബുക്ക് ബൈൻഡിങിൽ പ്രവൃത്തി പരിചയം ഉണ്ടായിരിക്കണം. 19000 മുതൽ 43600 രൂപ വരെയാണ് ശമ്പളം

3. വാച്ച്മാൻ

ജനറൽ വിഭാഗത്തിൽ 7 ഒഴിവുകളാണ് ഉള്ളത്. പത്താം ക്ലാസ് ജയമാണ് അടിസ്ഥാന യോഗ്യത. ഭിന്നശേഷിക്കാര്‍ക്കും സ്ത്രീകൾക്കും അപേക്ഷിക്കാൻ കഴിയില്ല. 17500 മുതൽ 39500 രൂപ വരെയാണ് ശമ്പളം.

കേരള ഹൈക്കോടതിയുടെ ഔദ്യോഗിക വെബ്സൈറ്റ് വഴിയാണ് അപേക്ഷകൾ സമര്‍പ്പിക്കേണ്ടത്. അപേക്ഷ സ്വീകരിക്കുന്ന അവസാന തീയതി മാര്‍ച്ച് 9.