യുആര്‍ റാവു സാറ്റ്‌ലൈറ്റ് സെന്ററില്‍ വിവിധ തസ്തികകളിലായി നിരവധി ഒഴിവുകള്‍. ബെംഗളൂരുവില്‍ പ്രവര്‍ത്തിക്കുന്ന ഇവിടേക്ക് 182 ഒഴിവുകളുണ്ട്. ടെക്നീഷ്യന്‍ ബി, ഡ്രാഫ്റ്റ്സ്മാന്‍ ബി, ടെക്നിക്കല്‍ അസിസ്റ്റന്റ്, സയന്റിഫിക് അസിസ്റ്റന്റ്, ലൈബ്രറി അസിസ്റ്റന്റ്, ഹിന്ദി ടൈപ്പിസ്റ്റ്, കാറ്ററിങ് അറ്റന്‍ഡന്റ്, കുക്ക്, ഫയര്‍മാന്‍ എ, ലൈറ്റ് വെഹിക്കിള്‍ ഡ്രൈവര്‍ എ എന്നീ തസ്തികകളിലാണ് ഒഴിവുകള്‍ ഉള്ളത്.

എഴുത്തു പരീക്ഷയുടെയും ടെസ്റ്റിന്റെയും അടിസ്ഥാനത്തിലാണ് തിരഞ്ഞെടുപ്പ് നടക്കുക. ടെക്നിക്കല്‍ അസിസ്റ്റന്റ്/സയന്റിഫിക് അസിസ്റ്റന്റ്/ലൈബ്രറി അസിസ്റ്റന്റ്/കാറ്ററിങ് അറ്റന്‍ഡന്റ്/ഹിന്ദി ടൈപ്പിസ്റ്റ് എന്നീ തസ്തികയില്‍ അപേക്ഷിക്കുന്നവരുടെ പ്രായം 18-26 വയസും. ടെക്നീഷ്യന്‍ ബി/ഡ്രാഫ്റ്റ്സ്മാന്‍ ബി/ഹെവി/ലൈറ്റ് വെഹിക്കിള്‍ ഡ്രൈവര്‍ തസ്തികയില്‍ 18-35 വയസും ഫയര്‍മാന്‍ തസ്തികയില്‍ 25 വയസുമാണ് പ്രായപരിധി ഉള്ളത്. 250 രൂപയാണ് അപേക്ഷ ഫീസ്. എസ്‌സി/എസ്ടി/ഭിന്നശേഷിക്കാര്‍/വനിതകള്‍/വിമുക്തഭടന്‍ എന്നിവര്‍ക്ക് ഫീസില്ല. അപേക്ഷ സ്വീകരിക്കുന്ന അവസാന തീയതി മാര്‍ച്ച്‌ 6 ആണ് . വിശദവിവരങ്ങള്‍ക്കും അപേക്ഷിക്കാനുമായി www.isro.gov.in വെബ്സൈറ്റ് സന്ദർശിക്കുക.