ഇന്ത്യൻ കോസ്റ്റ് ഗാര്‍ഡ് യാന്ത്രിക് തസ്തികയിലേക്ക് അപേക്ഷ ക്ഷണിച്ചു. താത്പര്യമുള്ള ഉദ്യോഗാര്‍ഥികൾക്ക് മാര്‍ച്ച് 16 മുതൽ 21 വരെ അപേക്ഷകൾ സമര്‍പ്പിക്കാം

അവിവാഹിതരായ പുരുഷന്മാര്‍ക്കാണ് അവസരം. ജോലിയിൽ കയറിയ ശേഷം സ്ഥാനക്കയറ്റം ലഭിക്കും. 02-2020 ബാച്ചിലേക്കാണ് അപേക്ഷകൾ ക്ഷണിച്ചിരിക്കുന്നത്. 2020 ഓഗസ്റ്റിൽ കോഴ്സ് ആരംഭിക്കും.

ജോലിയിൽ പ്രവേശിച്ചാൽ സ്ഥാനക്കയറ്റം ലഭിക്കുന്ന തസ്തികയാണിത്. 2020 ആഗസ്തിലാണ് കോഴ്സ് തുടങ്ങുക. എഴുത്ത്പരീക്ഷ, ശാരീരീകക്ഷമതാ പരിശോധന, അഭിമുഖം, വൈദ്യപരിശോധന എന്നിവയുടെ അടിസ്ഥാനത്തിലാണ് തെരഞ്ഞെടുപ്പ്

യോഗ്യത

പത്താം ക്ലാസും മെക്കാനിക്കൽ അല്ലെങ്കിൽ ഇലക്ട്രിക്കൽ അല്ലെങ്കിൽ ഇലക്ട്രോണിക്സ് ആൻഡ് ടെലികമ്മ്യൂണിക്കേഷൻ എൻജിനീയറിങിൽ 60 ശതമാനം മാര്‍ക്കിൽ കുറയാത്ത ത്രിവത്സര ഡിപ്ലോമയാണ് യോഗ്യത. എസ്സി അല്ലെങ്കിൽ എസ്.ടി അല്ലെങ്കിൽ ദേശീയ തലത്തിൽ മികവ് തെളിയിച്ച കായിക താരങ്ങൾ അല്ലെങ്കിൽ സര്‍വീസിൽ മരിച്ച കോസ്റ്റ് ഗാര്‍ഡ് യൂണിഫോം തസ്തികയിലുണ്ടായിരുന്ന ജീവനക്കാരുടെ മക്കൾ എന്നിവര്‍ക്ക് 55 ശതമാനം മാര്‍ക്ക് മതി.

പ്രായപരിധി

അപേക്ഷകരുടെ പ്രായം 18നും 22നും ഇടയിലായിരിക്കണം. 1998 ഓഗസ്റ്റ് ഒന്നിനും 2002 ജൂലൈ 31നും ഇടയിൽ ജനിച്ചിരിക്കണമെന്ന് സാരം. അതേസമയം, സംവരണ വിഭാഗങ്ങൾക്ക് നിയമാനുസൃത ഇളവ് ലഭിക്കും.

ശാരീരികക്ഷമത
ഉയരം 157 സെ.മീ, കുറഞ്ഞത് അഞ്ച് സെന്റീമീറ്റർ നെഞ്ചളവ് വികാസം, പ്രായത്തിനനുസരിച്ച് തൂക്കം, മികച്ച കാഴ്ചശക്തി വേണം. ഹൃദ്രോഗം, കൂട്ടിമുട്ടുന്ന കാൽമുട്ടുകൾ, പരന്ന പാദങ്ങൾ, വെരിക്കോസ് വെയിൻ എന്നിവയുള്ളവർക്ക് അപേക്ഷിക്കാനാകില്ല

1. ചെന്നൈ ,2. മുംബൈ ,3. കൊൽക്കത്ത ,4. നോയിഡ എന്നിവയാണ്‌ പരീക്ഷാ കേന്ദ്രം

അപേക്ഷ

ഇന്ത്യൻ കോസ്റ്റ് ഗാര്‍ഡിൻ്റെ ഔദ്യോഗിക വെബ്സൈറ്റ് വഴിയാണ് അപേക്ഷകൾ സമര്‍പ്പിക്കേണ്ടത്. അപേക്ഷ നടപടി പൂര്‍ത്തിയാകുമ്പോൾ രജിസ്ട്രേഷൻ നമ്പര്‍ ലഭിക്കും. ശേഷം പ്രിൻ്റ് എടുക്കണം. അപേക്ഷ സമർപ്പിച്ചാൽ മൂന്ന് പ്രിന്റ് എടുക്കണം. ഉദ്യോഗാർഥികൾക്ക് സ്വന്തം ഇ മെയിലും മൊബൈൽ നമ്പറും വേണം. .. എല്ലാ അറിയിപ്പും ഇ-മെയിൽ വഴിയാകും ലഭിക്കുന്നത്. .www. joinindian coastguard.gov.in വഴി ഓൺലൈനായി മാർച്ച് 16 മുതൽ അപേക്ഷിക്കാം.

പരീക്ഷക്കുള്ള ഇ അഡ്മിറ്റ് കാർഡിന്റെ പ്രിന്റ് ഏപ്രിൽ 9‐16 തിയതികൾക്കുള്ളിൽ കോസ്റ്റ് ഗാർഡിന്റെ website ൽനിന്നെടുക്കണം. അപേക്ഷിക്കാനുള്ള അവസാന തിയതി മാർച്ച് 21.