വിവിധ ഒഴിവുകളിലേക്ക് അപേക്ഷ ക്ഷണിച്ച് കേരള ഇൻഫ്രാസ്ട്രക്ചര് ആൻഡ് ടെക്നോളജി ഫോര് എജ്യുക്കേഷൻ. ഹയര് സെക്കൻഡറി, വൊക്കേഷനൽ ഹയര് സെക്കൻഡറി, ഹൈസ്കൂൾ, പ്രൈമറി സ്കൂൾ അധ്യാപകര്ക്കാണ് അവസരം
വിവിധ ഒഴിവുകളിലേക്ക് അപേക്ഷ ക്ഷണിച്ച് കേരള ഇൻഫ്രാസ്ട്രക്ചര് ആൻഡ് ടെക്നോളജി ഫോര് എജ്യുക്കേഷൻ. ഹയര് സെക്കൻഡറി, വൊക്കേഷനൽ ഹയര് സെക്കൻഡറി, ഹൈസ്കൂൾ, പ്രൈമറി സ്കൂൾ അധ്യാപകര്ക്കാണ് അവസരം.
ഹൈസ്കൂൾതലം വരെയുള്ള അപേക്ഷകര്ക്ക് ഫിസിക്സ്, കെമിസ്ട്രി, ബയോളജി, ഗണിതം, സോഷ്യൽ സയൻസ്, ഭാഷാവിഷയങ്ങൾ എന്നിവയിൽ ഏതെങ്കിലും ഒന്നിൽ ബിരുദവും ബി.എഡും കമ്പ്യൂട്ടര് പ്രാവീണ്യവും ഉണ്ടായിരിക്കണം. പ്രവര്ത്തന പരിചയമുള്ള കമ്പ്യൂട്ടര് നിപുണരായ അധ്യാപകര്ക്കും സ്കൂൾ ഐടി അല്ലെങ്കിൽ ഹയര് സെക്കൻഡറി സ്കൂൾ ഐടി അല്ലെങ്കിൽ പിഎസ്ഐടി കോര്ഡിനേറ്റര് അല്ലെങ്കിൽ കൈറ്റ് മാസ്റ്റര് അല്ലെങ്കിൽ കൈറ്റ് മിസ്ട്രസ്മാര്ക്ക് മുൻഗണനയുണ്ട്. എയ്ഡഡ് മേഖലയിൽ നിന്നുള്ള അപേക്ഷകര് സ്കൂൾ മാനേജര്മാരിൽ നിന്നുള്ള നിരാക്ഷേപ സാക്ഷ്യപത്രം അഭിമുഖ സമയത്ത് സമര്പ്പിക്കണം.
ഒന്നുമുതൽ പന്ത്രണ്ടുവരെ ക്ലാസുകളിലേക്കുള്ള ഡിജിറ്റൽവിഭവ നിര്മാണം, അധ്യാപക പരിശീലനം, വിദ്യാഭ്യാസ വകുപ്പിലെ ഇ-ഗവേണൻസ് പ്രവര്ത്തനങ്ങൾ തുടങ്ങി കൈറ്റ് നിര്ദേശിക്കുന്ന മറ്റ് ജോലികളും ചെയ്യണം.
കൈറ്റിൻ്റെ ഔദ്യോഗിക വെബ്സൈറ്റ് വഴിയാണ് അപേക്ഷകൾ സമര്പ്പിക്കേണ്ടത്. അപേക്ഷ സ്വീകരിക്കുന്ന അവസാന തീയതി മാര്ച്ച് 25
കേരളത്തിലെ പൊതുവിദ്യാലയങ്ങളിൽ ഐ.ടി അധിഷ്ഠിത പ്രവർത്തനങ്ങൾക്ക് നേതൃത്വം നൽകുന്ന സർക്കാർ കമ്പനിയാണ് കൈറ്റ്..പൊതുവിദ്യാഭ്യാസ വകുപ്പിനു കിഴിലെ ആദ്യത്തെ സർക്കാർ കമ്പനിയാണിത്.
പൊതുവിദ്യാഭ്യാസവകുപ്പിന്റെ ഭാഗമായ ഐ.ടി@സ്കൂൾ പ്രോജക്ട് ആണ് കൈറ്റ് ആയി മാറിയത്. അടിസ്ഥാന വികസന പ്രവർത്തനങ്ങൾകൂടി ലക്ഷ്യമിടുന്ന കൈറ്റിന്റെ പ്രവർത്തനമേഖല കമ്പനി രൂപീകരണത്തോടെ ഉന്നതവിദ്യാഭ്യാസ മേഖലയിലേക്കും വ്യാപിപ്പിച്ചു. നവകേരള മിഷൻ തുടങ്ങിയശേഷം രൂപീകൃതമാകുന്ന ആദ്യത്തെ പ്രത്യേക ഉദ്ദേശ്യ കമ്പനിയും 'കൈറ്റ്' ആണ്
ഡിജിറ്റല് സാങ്കേതിക വിദ്യയുടെ പ്രയോജനം ക്ലാസ് റൂം പഠനപ്രവര്ത്തനങ്ങളില് എത്തിക്കുക എന്ന ലക്ഷ്യത്തോടെയാണ് ഈ പദ്ധതി ആരംഭിക്കുന്നത്. തുടക്കത്തില് ഹൈസ്കൂള് വിഭാഗത്തിലാണ് നടപ്പാക്കിയതെങ്കിലും ഇന്ന് ഒന്നാം ക്ലാസുമുതല് പന്ത്രണ്ടാം ക്ലാസുവരെ വ്യാപിച്ചുകഴിഞ്ഞു. കേരള സര്ക്കാര് നടപ്പിക്കാന്നു പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായുള്ള ഹൈടെക് വിദ്യാഭ്യാസ പദ്ധതിയുടെ നടത്തിപ്പ് ചുമതല കൈറ്റിനാണ്.
അധ്യാപക പരിശീലനം, ഐ സി റ്റി പാഠപുസ്തകം തയ്യാറാക്കല്, ഐ സി റ്റി പരീക്ഷ, വിദ്യാഭ്യാസ വകുപ്പിന്റെ പ്രധാന വെബ്സൈറ്റുകളുടേയും പോര്ട്ടലുകളുടേയും പരിപാലനം തുടങ്ങിയവ പ്രധാന പ്രവര്ത്തനങ്ങളില് പെടുന്നു. ഹൈടെക്ക് ക്ലാസ് മുറിയിലെ പഠന പ്രവര്ത്തനങ്ങള്ക്ക് ആവശ്യമായ സഹായം ഒരുക്കുന്നതിനായി സമഗ്ര എന്ന പേരില് ഒരു പോര്ട്ടൽ ആരംഭിച്ചിട്ടുണ്ട്
https://www.facebook.com/Malayalivartha