ഇന്ത്യന്‍ സ്‌പേസ് റിസര്‍ച് ഓര്‍ഗനൈസേഷനില്‍ ജൂനിയര്‍ പേഴ്‌സണല്‍ അസിസ്റ്റന്റ്, സ്‌റ്റെനോഗ്രഫര്‍ ആന്‍ഡ് അസിസ്റ്റന്റ് തസ്തികകളിലെ ഒഴിവുകളിലേക്ക് അപേക്ഷ ക്ഷണിച്ചു. 185 ഒഴിവുകളാണുള്ളത്. കേരളത്തില്‍ തിരുവനന്തപുരത്ത് 35 ഒഴിവുകളുണ്ട്. ഓണ്‍ലൈനായി അപേക്ഷിക്കണം.

അപേക്ഷ സ്വീകരിക്കുന്ന അവസാന തീയതി: ഫെബ്രുവരി 11.
ജൂനിയര്‍ പേഴ്‌സണല്‍ അസിസ്റ്റന്റ്, സ്‌റ്റെനോഗ്രഫര്‍: ആര്‍ട്‌സ്/കൊമേഴ്‌സ്/മാനേജ്‌മെന്റ്/സയന്‍സ്/കംപ്യൂട്ടര്‍ ആപ്ലിക്കേഷന്‍സില്‍ ഒന്നാം ക്ലാസോടെ ബിരുദം അല്ലെങ്കില്‍ കൊമേഴ്‌സ്യല്‍ /സെക്രട്ടേറിയല്‍ പ്രാക്ടീസില്‍ ഒന്നാം ക്ലാസോടെ ഡിപ്ലോമ, സ്‌റ്റെനോടൈപ്പിസ്റ്റ്/സ്‌റ്റെനോഗ്രഫര്‍ ആയി ഒരു വര്‍ഷം പ്രവൃത്തിപരിചയം. ഇംഗ്ലീഷ് സ്‌റ്റെനോഗ്രഫിയില്‍ മിനിറ്റില്‍ 80 വാക്കു വേഗം, കംപ്യൂട്ടര്‍ പരിജ്ഞാനം.
അസിസ്റ്റന്റ്: ആര്‍ട്‌സ്/കൊമേഴ്‌സ്/മാനേജ്‌മെന്റ്/സയന്‍സ്/കംപ്യൂട്ടര്‍ ആപ്ലിക്കേഷന്‍സില്‍ ഒന്നാം ക്ലാസോടെ ബിരുദം, കംപ്യൂട്ടര്‍ പരിജ്ഞാനം.
ഉദ്യോഗാര്‍ഥികള്‍ 2016 ഫെബ്രുവരി 11നു മുന്‍പു യോഗ്യത നേടിയവരായിരിക്കണം.
പ്രായം: 18- 26 വയസ്. 2016 ഫെബ്രുവരി 11 അടിസ്ഥാനമാക്കി പ്രായം കണക്കാക്കും.
എസ്‌സി/എസ്ടിക്കാര്‍ക്ക് അഞ്ചും ഒബിസിക്കു മൂന്നും വര്‍ഷം ഉയര്‍ന്ന പ്രായപരിധിയില്‍ ഇളവു ലഭിക്കും. മറ്റിളവുകള്‍ ചട്ടപ്രകാരം.
ശമ്പളം: 5200- 20200, ഗ്രേഡ് പേ- 2400 രൂപ.
അപേക്ഷാഫീസ്: 100 രൂപ.
എസ്‌സി/എസ്ടി/വിമുക്തഭടന്‍/വികലാംഗര്‍ എന്നിവര്‍ക്കു ഫീസില്ല. ഫീസടയ്‌ക്കേണ്ടതു സംബന്ധിച്ച വിശദവിവരങ്ങള്‍ക്കു വെബ്‌സൈറ്റ് കാണുക.
അപേക്ഷ അയയ്ക്കുന്നതിനും മറ്റു വിശദവിവരങ്ങള്‍ക്കും

www.isro.gov.in എന്ന വെബ്‌സൈറ്റ് കാണുക. വെബ്‌സൈറ്റിലെ വിവരങ്ങള്‍ മനസിലാക്കിയതിനു ശേഷം മാത്രം അപേക്ഷിക്കുക.