സംസ്ഥാനത്ത് ഇനി പുതിയ എന്ജിനീയറിങ് കോളജുകളും കോഴ്സുകളും അനുവദിക്കേണ്ടതില്ലെന്ന് സര്ക്കാര്
സംസ്ഥാനത്ത് ഇനി പുതിയ എന്ജിനീയറിങ് കോളജുകളും കോഴ്സുകളും അനുവദിക്കേണ്ടതില്ലെന്ന് സര്ക്കാര്. ഇക്കാര്യം വ്യക്തമാക്കി ഉന്നത വിദ്യാഭ്യാസ വകുപ്പ് ഭാവി പദ്ധതി റിപ്പോര്ട്ട് അഖിലേന്ത്യ സാങ്കേതിക വിദ്യഭ്യാസ കൗണ്സിലിന് (എ.ഐ.സി.ടി.ഇ) കൈമാറി.
പുതിയ കോളജുകളും നിലവിലെ കോളജുകളില് പുതിയ കോഴ്സുകളും അനുവദിക്കരുതെന്നാണ് റിപ്പോര്ട്ടിലെ പ്രധാന ശിപാര്ശ. സംസ്ഥാനത്ത് കഴിഞ്ഞ മൂന്നു വര്ഷമായി എന്ജിനീയറിങ് കോളജുകളില് ഒഴിഞ്ഞു കിടക്കുന്ന സീറ്റുകളുടെ എണ്ണത്തിലുണ്ടാകുന്ന വര്ധന ചൂണ്ടിക്കാട്ടിയാണ് ശിപാര്ശ.
സംസ്ഥാനത്ത് കൂണുപോലെ എന്ജിനീയറിങ് സ്ഥാപനങ്ങള് മുളച്ചുപൊങ്ങുന്നത് ഗുണകരമല്ലെന്നും റിപ്പോര്ട്ടില് പറയുന്നു. ഇതാദ്യമായാണ് സംസ്ഥാനം എ.ഐ.സി.ടി.ഇക്ക് ഇത്തരമൊരു ശിപാര്ശ സമര്പ്പിക്കുന്നത്. ഒഴിഞ്ഞുകിടന്ന എന്ജിനിയറിങ് സീറ്റുകളില് 90 ശതമാനത്തിലധികം സ്വകാര്യ സ്വാശ്രയ എന്ജിനീയറിങ് കോളജുകളിലാണ്.
സാങ്കേതിക വിദ്യാഭ്യാസത്തിന്റെ ഗുണനിലവാരം ഉയര്ത്താന് വിദഗ്ധ സമിതിയുടെ ശിപാര്ശ പ്രകാരം അടിയന്തര നടപടി സ്വീകരിക്കണമെന്നും കേരളം ശിപാര്ശ ചെയ്തിട്ടുണ്ട്. എന്ജിനീയറിങ് കോളജ് അധ്യാപകരുടെ യോഗ്യത കര്ശനമായി പരിശോധിക്കണം. യോഗ്യരായ അധ്യാപകര് കോളജുകളില് ഉണ്ടെന്ന് ഉറപ്പുവരുത്തണം. ഇതുവഴി മാത്രമേ സ്വാശ്രയ കോളജുകളിലെ അധ്യയന, പഠന നിലവാരം ഉയര്ത്താന് കഴിയൂ.
അധ്യയനപഠന നിലവാരം വിലയിരുത്താന് കൃത്യമായ സംവിധാനവും തൊഴില് സാധ്യത വര്ധിപ്പിക്കാന് സമയബന്ധിത നടപടികളും വേണം. കോളജുകളിലെ അടിസ്ഥാന സൗകര്യം, കുട്ടികളുടെ പ്രതികരണം എന്നിവ വിലയിരുത്താന് സംവിധാനം വേണമെന്നും ശിപാര്ശയുണ്ട്.
https://www.facebook.com/Malayalivartha
