മൊബൈല്‍ ഫോണില്‍ നിയമനശിപാര്‍ശ സംബന്ധിച്ച വിവരം എസ്.എം.എസ് വഴി അറിയിക്കുന്നത് പി.എസ്.സിയുടെ പരിഗണനയില്‍. തപാല്‍വഴി നിയമന ശിപാര്‍ശ അയക്കുന്നതിനു പുറമെയാണ് എസ്.എം.എസും അയക്കുക. ഉദ്യോഗാര്‍ഥികള്‍ക്ക് പ്രൊഫൈല്‍ മെസേജ് വഴിയും വിവരമറിയിക്കും. ഇതുസംബന്ധിച്ച് പഠിക്കാന്‍ പി.എസ്.സി വകുപ്പുതല സമിതിയെ നിയോഗിച്ചു. നിയമന ശിപാര്‍ശ ലഭിച്ച് അതു വേണ്ടെന്നുവെക്കുന്നവര്‍ക്ക് അപേക്ഷ, സമ്മതപത്രം എന്നിവ ഒ.ടി.ആര്‍ പ്രൊഫൈല്‍ വഴി സ്വീകരിക്കുന്നതിെന്റ സാധ്യത പരിശോധിക്കാനും സമിതിയെ നിയോഗിച്ചു. 
കേരള ലോകായുക്തയിലെ കോണ്‍ഫിഡന്‍ഷ്യല്‍ അസി. േഗ്രഡ്2, ടൈപ്പിസ്റ്റ്‌ േഗ്രഡ്2 എന്നീ തസ്തികകളിലെ ഒഴിവുകള്‍ നിലവിലെ വിവിധ വകുപ്പുകളിലെ സി.എ േഗ്രഡ്2 റാങ്ക് ലിസ്റ്റുകള്‍, സെക്രട്ടേറിയറ്റ്, പി.എസ്.സി എന്നിവയിലെ കമ്പ്യൂട്ടര്‍ അസി. തസ്തികയുടെ റാങ്ക് ലിസ്റ്റില്‍നിന്ന് നികത്തും. തിരുവനന്തപുരം, ആലപ്പുഴ, കോട്ടയം, തൃശൂര്‍, കോഴിക്കോട് എന്നീ മെഡിക്കല്‍ കോളജുകളില്‍ റേഡിയോ തെറപ്പി വിങ് സജ്ജീകരിക്കുന്നതിന്റെ ഭാഗമായും ഓങ്കോളജി വിങ് തുടങ്ങുന്നതിനും അനുവദിക്കപ്പെട്ട അസി. പ്രഫസര്‍, അസോ. പ്രഫസര്‍, നഴ്‌സ്‌ േഗ്രഡ്2 തുടങ്ങിയ തസ്തികകളുടെ നിയമനത്തിനായുള്ള എക്‌സിക്യൂട്ടിവ് ഉത്തരവ് പുറപ്പെടുവിക്കുന്നതിനായി സര്‍ക്കാര്‍ സമര്‍പ്പിച്ച കരട് നിര്‍ദേശത്തിന്മേലുള്ള ഉപസമിതി തീരുമാനം അംഗീകരിച്ചു.

സിവില്‍ എക്‌സൈസ് ഓഫിസര്‍, വിമണ്‍ സിവില്‍ എക്‌സൈസ് ഓഫിസര്‍ എന്നീ തസ്തികകളുടെ തെരഞ്ഞെടുപ്പിനായി 2.5 കിലോമീറ്റര്‍ ദൂരം പുരുഷന്മാര്‍ 13 മിനിറ്റിലും വനിതകള്‍ 15 മിനിറ്റിലും ഓടിപ്പൂര്‍ത്തിയാക്കണമെന്ന പരിഷ്‌കരണ നിര്‍ദേശം അംഗീകരിച്ചു.
കേരള ആര്‍ട്ടിസാന്‍സ് ഡെവലപ്മന്റെ് കോര്‍പറേഷനില്‍ ഓര്‍ഗനൈസര്‍ കം ഇന്‍സ്‌പെക്ടര്‍ തസ്തിക ശമ്പളപരിഷ്‌കരണ ഉത്തരവില്‍ നിര്‍ത്തലാക്കിയ സാഹചര്യത്തില്‍ കാറ്റഗറി നമ്പര്‍ 292/2012 പ്രകാരം തസ്തികയിലേക്ക് പുറപ്പെടുവിച്ച വിജ്ഞാപനം റദ്ദുചെയ്യും. കെ.ജി.ടി.ഇ ടൈപ്പ്‌റൈറ്റിങ് ഹയര്‍, കമ്പ്യൂട്ടര്‍ വേര്‍ഡ്‌ േപ്രാസസിങ് എന്നിവക്ക് തുല്യമായി വി.എച്ച്.എസ്.സിയുടെയും മറ്റനേകം സ്ഥാപനങ്ങളുടെയും വിവിധ കോഴ്‌സുകള്‍ നടത്തിവരുന്നതിനാല്‍ ഓരോന്നിനും പ്രത്യേകമായി തുല്യത സര്‍ട്ടിഫിക്കറ്റ് നല്‍കുന്നതിനുപകരം ഏതെങ്കിലും സര്‍ക്കാര്‍ അംഗീകൃത സ്ഥാപനം ഒരു ഏകീകൃത കോഴ്‌സ് നടത്തി ഒറ്റ സര്‍ട്ടിഫിക്കറ്റ് നല്‍കുന്നതിനായി സര്‍ക്കാറിനോട് ആവശ്യപ്പെടാനും പി.എസ്.സി യോഗം തീരുമാനിച്ചു.