മാജിക്ക് മൂൺ പ്രൊഡക്ഷൻസിന്റെ ബാനറിൽ രാജീവ് ഗോവിന്ദൻ നിർമ്മിച്ച് ജിതിൻ.കെ.ജോസ് സംവിധാനം ചെയ്യുന്ന മായൻ എന്ന ചിത്രത്തിന്റെ മ്യൂസിക്ക് റൈറ്റ് ആഗോള മ്യൂസിക്ക് കമ്പനിയായ യൂണിവേഴ്സൽ മ്യൂസിക്ക് ഗ്രൂപ്പ് കരസ്ഥമാക്കിയിരിക്കുന്നു. ആഗോളതലത്തിൽത്തന്നെ ഏറ്റവും ശ്രദ്ധേയമായ ഒരു മ്യൂസിക്ക് കമ്പനിയാണ് യുണിവേഴ്സൽ ഗ്രൂപ്പ്.

2013 ന് ശേഷം യുണിവേഴ്സൽ മ്യൂസിക്ക് ഗ്രൂപ്പ് വീണ്ടും ഈ രംഗത്തേക്ക് കടന്നുവരുന്നത് മായൻ എന്ന ചിത്രത്തിലൂടെയാണ്. 13 വർഷത്തെ ഇടവേളക്ക് ശേഷമാണ് യുണിവേഴ്സൽ മ്യൂസിക്ക് ഗ്രൂപ്പ് വീണ്ടും ഈ മേഖലയിൽ എത്തുന്നത്. അത് മായൻ എന്ന ചിത്രത്തിലൂടെയായത് മലയാള സിനിമക്ക് ഏറെ അഭിമാനകരമാണ്.

നിരവധി പ്രത്യേകതകളോടെ ഒരുങ്ങുന്ന ഈ ചിത്രം ഡിസംബർ 3-ന് പ്രദർശനത്തിനെത്തുന്നു. ജയസൂര്യ നായകനാകുന്ന ഈ ചിത്രത്തിന്റെ നിർമ്മാണ പ്രവർത്തനങ്ങൾ പൂർത്തിയായി വരുന്നു. പി ആർ - വാഴൂർ ജോസ്.