കാലടി ശ്രീ ശങ്കരാചാര്യ സംസ്‌കൃത സര്‍വകലാശാല ഹയര്‍ സെക്കന്‍ഡറി തലത്തില്‍ സംസ്‌കൃതം രണ്ടാം ഭാഷയായിട്ടെങ്കിലും പഠിക്കുന്ന വിദ്യാര്‍ത്ഥികളില്‍ നിന്ന് സ്‌കോളര്‍ഷിപ്പിനുള്ള അപേക്ഷകള്‍ സ്വീകരിക്കുന്നു. 11, 12 ക്ലാസുകളില്‍ പഠിക്കുന്ന വിദ്യാര്‍ത്ഥികളില്‍ നിന്ന് 10 ാം ക്ലാസിലും 11ാം ക്ലാസിലും 2016-17 അദ്ധ്യയന വര്‍ഷത്തെ വാര്‍ഷിക പരീക്ഷയില്‍ ആകെ ലഭിച്ച മാര്‍ക്ക് , സംസ്‌കൃതം പരീക്ഷയ്ക്ക് ലഭിച്ച മാര്‍ക്ക് എന്നിവയെ അടിസ്ഥാനപ്പെടുത്തിയാണ് സ്‌കോളര്‍ഷിപ്പ് നിശ്ചയിക്കുക.

തുല്യ മാര്‍ക്ക് വരുകയാണെങ്കില്‍ സംസ്‌കൃത കലോത്സവത്തില്‍ സമ്മാനം നേടിയ വിദ്യാര്‍ത്ഥികള്‍ക്ക് മുന്‍ഗണന നല്‍കും. അപേക്ഷകര്‍ നിര്‍ദ്ദിഷ്ട അപേക്ഷ ഫോറത്തില്‍ അതത് സ്‌കൂളിലെ പ്രധാന അദ്ധ്യാപകന്‍ സാക്ഷ്യപ്പെടുത്തിയ കത്ത്, സര്‍ട്ടിഫിക്കറ്റിന്റെ അറ്റസ്റ്റ് ചെയ്ത കോപ്പി എന്നിവ സഹിതം 28 നു മുമ്പായി നോഡല്‍ ഓഫീസര്‍, സംസ്‌കൃത പ്രചാരണവിഭാഗം, ശ്രീ ശങ്കരാചാര്യ സംസ്‌കൃത സര്‍വകലാശാല, കാലടി 683 574. എന്ന വിലാസത്തില്‍ ലഭിക്കണം. ഫോണ്‍ 0484 263380.