പട്ടിക ജാതി, പട്ടിക വര്‍ഗ്ഗ, പിന്നാക്ക വിഭാഗങ്ങളില്‍പെട്ട വിദ്യാര്‍ഥികള്‍ക്കുള്ള ഫീസിളവ് റദ്ദാക്കിയതിന് എതിരെ ടാറ്റ ഇന്‍സ്റ്റിറ്റിയൂട്ട് ഓഫ് സോഷ്യല്‍ സയന്‍സിലെ (ടിസ്സ്) വിദ്യാര്‍ഥി സമരം മുറുകുന്നു. കഴിഞ്ഞ ബുധനാഴ്ച തുടങ്ങിയ സമരം അധികൃതരുടെ താക്കീത് അവഗണിച്ച് ചൊവ്വാഴ്ചയും തുടര്‍ന്നു. ടിസ്സിലെ വിദ്യാര്‍ഥികള്‍ക്ക് ഐക്യദാര്‍ഡ്യം പ്രഖ്യാപിച്ച് വിവിധ വിദ്യാഭ്യാസ സ്ഥാനപനങ്ങളിലെ വിദ്യാര്‍ഥികളും രംഗത്തത്തെി.
തിങ്കളാഴ്ച ഡല്‍ഹി മനുഷ്യ വിഭവ ശേഷി വികസന വകുപ്പ് കാര്യാലയത്തിന് മുമ്പില്‍ ജെ.എന്‍.യു വിദ്യാര്‍ഥികളും പ്രതിഷേധ പ്രകടനം നടത്തി.മുഖ്യകവാടത്തില്‍ വഴിമുടക്കി സമരം ചെയ്യുന്നതിന് എതിരെ അധികൃതര്‍ രേഖാമൂലം നല്‍കിയ താക്കീത് കത്തിച്ചാണ് വിദ്യാര്‍ഥികള്‍ പ്രതികരിച്ചത്.

സര്‍ക്കാര്‍ സ്‌കോളര്‍ഷിപ്പ് നേടിയ പട്ടിക ജാതി, പട്ടി വര്‍ഗത്തിലും ഒ.ബി.സിയിലുംപെട്ട വിദ്യാര്‍ഥികള്‍ക്കുള്ള ഫീസ് ഇളവ് കഴിഞ്ഞ അധ്യയന വര്‍ഷം മുതലാണ് ടിസ്സ് നിറുത്തലാക്കിയത്. ടിസ്സിനുള്ള ഫീസ് മുഴുവനായി നല്‍കിയ ശേഷം സര്‍ക്കാരില്‍ നിന്ന് പണം നേരിട്ട് കൈപ്പറ്റാനാണ് വിദ്യാര്‍ഥികള്‍ക്കുള്ള നിര്‍ദേശം. 20162018, 20172019 ബാച്ചുകളിലെ വിദ്യാര്‍ഥികള്‍ക്ക് ഫീസിളവ് തുടരണമെന്നാണ് വിദ്യാര്‍ഥി യൂണിയന്റെ ആവശ്യം.

ടിസ്സിന്റെ പുതിയ നയം പിന്നാക്ക വിദ്യാര്‍ഥികളുടെ ഉന്നത വിദ്യാഭ്യാസത്തെ സാരമായി ബാധിക്കുമെന്നും സ്വകാര്യ വത്കരണത്തിന്റെ തുടക്കമാണിതെന്നും വിദ്യാര്‍ഥികള്‍ പറയുന്നു. അധികൃതരുമായി രണ്ടുവട്ട ചര്‍ച്ച നടന്നെങ്കിലും പരാജയമാണ് ഫലം. ഫീസിളവ് മൂലമുണ്ടായ 20 കോടി രൂപയുടെ അധിക ബാധ്യതയാണ് ടിസ്സ് അധികൃതര്‍ ചൂണ്ടിക്കാട്ടുന്നത്. പുതിയ നയത്തോടെ ടിസ്സിലത്തെുന്ന പിന്നാക്ക വിദ്യാര്‍ഥികളുടെ എണ്ണം ഗണ്യമായി കുറഞ്ഞതായാണ് കണക്കുകള്‍. 2013 ല്‍ 28 ശതമാനമായിരുന്നത് 2017 ആയപ്പോഴേക്കും 18 ശതമാനമായി ചുരുങ്ങി.