സുശാന്ത് കൊല്ലപ്പെട്ടതാണെന്ന് സംശയിക്കുന്നതായി നേരത്തേ പറഞ്ഞ ഫൊറന്സിക് മേധാവി നിലപാട് മാറ്റിയെന്ന് ആരോപണം
ഡല്ഹി എയിംസ് ഫൊറന്സിക് സംഘം മേധാവി ഡോ. സുധീര് ഗുപ്ത മുന്നിലപാടില് മലക്കം മറിഞ്ഞെന്ന് ആരോപണം. സുശാന്ത് കൊല്ലപ്പെട്ടതാണെന്നു സംശയിക്കുന്നതായി ഓഗസ്റ്റ് 22-ന് സ്വകാര്യ ചാനലിനോടു സംസാരിക്കവെ അദ്ദേഹം പറഞ്ഞിരുന്നു.
പിന്നീട് സുശാന്ത് സിങ്ങിന്റെ മരണം ആത്മഹത്യയാണെന്ന് സ്ഥിരീകരിച്ചത് അദ്ദേഹമാണ്.
ഡോ. ഗുപ്ത സംഭവം ആത്മഹത്യയാണെന്നു വരുത്തിത്തീര്ക്കാന് ശ്രമിക്കുന്നതായി അന്നത്തെ സംഭാഷണത്തിന്റെ ഓഡിയോ ടേപ് ഇന്നലെ പുറത്തുവിട്ട ചാനല് ആരോപിച്ചു. എന്നാല്, വിശദീകരണവുമായി എത്തിയ സുധീര് ഗുപ്ത മരണകാരണം ആത്മഹത്യ തന്നെയാണെന്ന് ആവര്ത്തിച്ചു.
ആദ്യഘട്ടത്തില് പുറത്തുവന്ന, സുശാന്ത് മരിച്ചുകിടക്കുന്നതിന്റെ ചിത്രങ്ങള് കണ്ടപ്പോഴാണ് ദുരൂഹത സംബന്ധിച്ച് താന് സംശയം പ്രകടിപ്പിച്ചത്. എന്നാല്, ഇപ്പോള് താനടക്കം എയിംസിലെ 7 ഡോക്ടര്മാരുടെ ഫൊറന്സിക് സംഘം വിശദമായി നടത്തിയ പരിശോധനയ്ക്കു ശേഷമാണ് ആത്മഹത്യയാണെന്നു സ്ഥിരീകരിക്കുന്നത്.
സാഹചര്യത്തെളിവുകളും പോസ്റ്റ്മോര്ട്ടത്തിന്റെയും ആന്തരികാവയവ പരിശോധനയുടെയും റിപ്പോര്ട്ടും പുനഃപരിശോധിച്ച ശേഷമാണ് സംഭവം കൊലപാതകമല്ലെന്ന കണ്ടെത്തലില് എത്തിയതെന്നും ഡോ. ഗുപ്ത പറയുന്നു.
https://www.facebook.com/Malayalivartha
