താനും രാധികാ ആപ്തേയും ഉള്പ്പെടുന്ന രംഗം എങ്ങനെ രാധികാ ആപ്തേ സെക്സ് സീന് എന്നാകും: ആദില് ഹുസൈന്
രാജ്യാന്തര തലത്തില് ശ്രദ്ധ നേടിയ 'പാര്ച്ച്ഡ്' ചിത്രത്തില് രാധിക ആപ്തെയും ആദില് ഹുസൈനും തമ്മിലുള്ള സെക്സ് രംഗങ്ങള് ഓണ്ലൈനില് ലീക്കായി. സിനിമയില് രാധികാ ആപ്തേയുടെ കഥാപാത്രമായ ലജ്ജോ തന്റെ ദുരിതജീവിതം വിവരിക്കുന്നതിനിടെ സ്വയം നഗ്നയാകുന്നതും, ആദില് ഹുസൈന് അവതരിപ്പിക്കുന്ന കഥാപാത്രവുമായി രതിയിലേര്പ്പെടുന്നതും ഉള്പ്പെടുന്ന രംഗങ്ങളാണ് ഓണ്ലൈനില് ലീക്ക് ആയിരിക്കുന്നത്.
ചിത്രത്തിലെ നിര്ണായക രംഗങ്ങള് നഗ്നവീഡിയോ എന്ന നിലയില് പ്രചരിപ്പിക്കുന്നതില് നായകന് ആദില്ഹുസൈന് അമര്ഷം പ്രകടിപ്പിച്ചു. താനും രാധികാ ആപ്തേയും ഉള്പ്പെടുന്ന രംഗം രാധികാ ആപ്തേ സെക്സ് സീന് എന്ന തലക്കെട്ടിലാണ് യൂട്യൂബില് ഉള്പ്പെടെ പ്രചരിപ്പിക്കുന്നത്. എന്ത് കൊണ്ട് ആദില് ഹുസൈന് സെക്സ് സീന് എന്ന് പറയുന്നില്ല. സ്ത്രീ ഏര്പ്പെടുമ്പോള് അതൊരു വലിയ കാര്യവും പുരുഷന്റെ ലൈംഗികത സാധാരണവുമായി കാണുന്ന പൊതുബോധമാണ് ഈ പ്രചരണത്തിന് പിന്നിലെന്ന് ആദില് ആരോപിക്കുന്നു.
ആണ്കോയ്മയുടെ ലോകത്താണ് നമ്മള് ഇപ്പോഴും ജീവിക്കുന്നതെന്നും ആദില് ഹുസൈന് പറയുന്നു. ഈ വീഡിയോ ലീക്ക് ചെയ്ത് പ്രചരിക്കുന്നതിന് പിന്നില് ഒരു പുരുഷനാണെന്ന കാര്യത്തില് സംശയമില്ല. ഒരു സ്ത്രീ ഒരിക്കലും ഇത് ചെയ്യില്ല. അത് ഒരു ഇന്ത്യക്കാരന് തന്നെയാവും ചെയ്തതെന്ന് നടന് ഉറപ്പിച്ച് പറയുന്നു.
ലീനാ യാദവ് സംവിധാനം ചെയ്ത ചിത്രം ദുരിതപൂര്ണമായ ദാമ്പത്യം ജീവിതം കശക്കിയെറിഞ്ഞ നാല് സ്ത്രീകളുടെ കഥയാണ്. ഉത്തരേന്ത്യയിലെ ശൈശവ വിവാഹം, ഭര്ത്താവിനാല് ബലാല്സംഗത്തിന് ഇരയായവര്, മദ്യപാനികളായ ഭര്ത്താവിനാല് ശാരീരികമായും മാനസികമായി പീഡിപ്പിക്കപ്പെടുന്നവര് ഇങ്ങനെ ഇന്ത്യന് സിനിമ കൂടുതലൊന്നും കടന്നുചെല്ലാത്ത സാമൂഹ്യപശ്ചാത്തലമാണ് ഈ ചിത്രത്തിന്റേത്. ഈ ബോളിവുഡ് താരം അജയ് ദേവ്ഗണും അസിം ബജാജും ചേര്ന്നാണ് ചിത്രം നിര്മ്മിച്ചിരിക്കുന്നത്. വിദേശത്ത് മാത്രം റിലീസ് ചെയ്ത ചിത്രത്തിലെ പ്രധാന രംഗങ്ങള് പ്രചരിക്കുന്നതില് നിര്മ്മാതാവ് അസിം ബജാജ് അതൃപ്തി അറിയിച്ചു.
യുഎസിലും ഫ്രാന്സിലും മാത്രമാണ് സിനിമ റിലീസ് ചെയ്തത്. ഇന്ത്യയില് നിന്നാണ് ഈ രംഗങ്ങള് ലീക്ക് ആയതെന്ന് വിശ്വസിക്കാനാകില്ല. സെക്സ് എന്നത് ഇന്ത്യയില് ഇപ്പോഴും ഒരു ടാബൂ ആയി നിലനില്ക്കുന്നതിനാല് ഈ രംഗങ്ങള് മറച്ചാണ് പ്രദര്ശിപ്പിക്കാന് ആലോചിക്കുന്നത്.
രാധികാ ആപ്തേ തനിക്ക് സഹോദരിയെ പോലെയാണ്. ജീവിതത്തിലുടനീളം മാനസികമായും ശാരീരികമായും പീഡനം ഏല്ക്കേണ്ടി വന്ന കുടുംബിനിയെയാണ് രാധിക ഈ സിനിമയില് അവതരിപ്പിച്ചത്. രാധിക ഈ ചിത്രത്തോട് കാണിച്ച ആത്മാര്ത്ഥയെ കച്ചവടച്ചരക്കാക്കാന് ഒരിക്കലും തങ്ങള് ഉദ്ദേശിക്കുന്നില്ലെന്ന് അസിം ബജാജ് പറഞ്ഞു. സൈബര് സെല്ലിനെയും മുംബൈ പോലീസിനെയും സമീപിക്കാനാണ് അസിം ബജാജിന്റെ തീരുമാനം.
https://www.facebook.com/Malayalivartha
