അക്ഷയ് കുമാറിനൊപ്പം വീണ്ടും ബോളിവുഡ് അരങ്ങേറ്റത്തിനൊരുങ്ങി പൃഥിരാജ്; പ്രധാന കഥാപാത്രമായി തപ്സി പന്നുവും
ബോളിവുഡും കീഴടക്കുക എന്ന ലക്ഷ്യം ഏതൊരു നടന്റേയും സ്വപ്നമാണ്. പൃഥിക്കും ആ മോഹം ഇല്ലാതില്ല. അക്ഷയ് കുമാറിനൊപ്പം വീണ്ടും ബോളിവുഡ് അരങ്ങേറ്റത്തിനൊരുങ്ങുകയാണ് പൃഥിരാജ്.അക്ഷയ് കുമാര് അതിഥി താരമായി എത്തുന്ന ബേബി എന്ന ചിത്രത്തിന്റെ രണ്ടാം ഭാഗത്തില് ആണ് തപ്സി പന്നുവിനും അക്ഷയ് കുമാറിനും ഒപ്പം പൃഥിരാജും എത്തുന്നത്. ശിവം നായര് സംവിധാനം ചെയ്യുന്ന ചിത്രത്തിന്റെ പേര് മീര എന്നാണ്. പൃഥ്വിരാജും മനോജ് വാജ്പേയും ചിത്രത്തില് മറ്റ് രണ്ട് പ്രധാന കഥാപാത്രങ്ങളെ അവതരിപ്പിക്കും.ചിത്രത്തില് ടൈറ്റില് കഥാപാത്രമായാണ് താന് അഭിനയിക്കുന്നതെന്നും ആക്ഷന് ത്രില്ലറായ ചിത്രത്തിനായി ആയോധന കലകള് അഭ്യസിക്കുകയുമാണെന്ന് തപ്സി വ്യക്തമാക്കി. നിരൂപകപ്രശംസ നേടുകയും നൂറ് കോടി ക്ലബ്ബില് പ്രവേശിക്കുകയും ചെയ്ത ബേബി എന്ന സിനിമയുടെ ആദ്യ പതിപ്പാണ് ഇത്.അക്ഷയ്കുമാറിനെ നായകനാക്കി നീരജ് പാണ്ഡേ സംവിധാനം ചെയ്ത സിനിമയില് തപസി പാന്നു അവതരിപ്പിച്ച പ്രിയ സൂര്യവംശിയെ കേന്ദ്രീകരിച്ചാണ് ബേബിയുടെ മുന്ഭാഗമായി ചിത്രം ഒരുങ്ങുന്നത്. അക്ഷയ്കുമാര് അജയ് സിങ്
രാജ്പുത് എന്ന കഥാപാത്രമായി അതിഥിതാരമായാണ് എത്തുന്നത്. അടുത്തമാസം അവസാനത്തോടെ മുംബൈയില് ചിത്രീകരണമാരംഭിക്കുന്ന ചിത്രം ആക്ഷന് ത്രില്ലര് സ്വഭാവത്തിലാണ്. നീരജ് പാണ്ഡേയ്ക്ക് പകരം ശിവം നായരാണ് ബേബി പ്രീക്വല് ഒരുക്കുന്നത്. ബോളിവുഡ് ഹംഗാമയാണ് മനോജ് വാജ്പേയിയും പൃഥ്വിരാജും ബേബി പ്രീക്വലില് അഭിനയിക്കുന്ന കാര്യം പുറത്തുവിട്ടത്. അക്ഷയ്കുമാര് അതിഥിതാരമാണെങ്കിലും സുപ്രധാന മുഹൂര്ത്തങ്ങളില് ഈ കഥാപാത്രത്തിന്റെ സാന്നിധ്യമുണ്ടാകും.2012ല് പുറത്തിറങ്ങിയ അയ്യ, 2013ല് ഔറംഗസേബ് എന്നീ സിനിമകളാണ് പൃഥ്വിരാജ് ബോളിവുഡില് ചെയ്തിരുന്നത്.
https://www.facebook.com/Malayalivartha