കങ്കണയെക്കുറിച്ചുള്ള സത്യം പുറത്തായാല്‍ പലരും ഞെട്ടും, ദുഷ്പ്രചാരണങ്ങളെ അതുപോലെ തന്നെ നേരിടുന്ന ആളല്ല ഹൃതിക് റോഷന്‍
അടുത്തിടെ ബോളിവുഡില്‍ ഏറ്റവുമധികം ചര്‍ച്ചകളില്‍ ഇടംനേടിയ വാര്‍ത്തയാണ് ഹൃതിക്-കങ്കണ പോര്. കങ്കണയാണ് ഈ വിഷയത്തില്‍ ആദ്യം ഹൃതിക്കിനെതിരെ രംഗത്തെത്തുന്നത്. തനിക്കെതിരെയുള്ള ആരോപണങ്ങളെ തുടര്‍ന്ന് പിന്നീട് കങ്കണയ്‌ക്കെതിരെ പൊലീസ് കേസുമായി ഹൃതിക്കും എത്തി.തന്റെ സ്വകാര്യചിത്രങ്ങള്‍ ഹൃതിക് പ്രദര്‍ശിപ്പിച്ചുവെന്നും തന്നെ ചതിച്ചെന്നും പരാതി പെട്ടതോടെ ചൂടോടെയാണ് സിനിമാലോകം വാര്‍ത്തകളെ സ്വീകരിച്ചത്.
സംഭവം വിവാദമായതോെട ഹൃതിക്കിനെതിരെ കങ്കണ നടത്തിയ വെളിപ്പെടുത്തലുകള്‍ സിനിമാലോകത്തെ തന്നെ നടുക്കിയിരുന്നു. എന്നാലും സംഭവം വിവാദമായപ്പോഴും ഹൃതിക് മൗനംപാലിക്കുകയും ചെയ്തു. എന്നാല്‍ ഹൃതിക്കിന്റെ അച്ഛനും സംവിധായകനുമായ രാകേഷ് റോഷന്‍ സംഭവത്തില്‍ പുതിയ വെളിപ്പെടുത്തലുമായി എത്തി, കങ്കണയുമായുള്ള വിഷയത്തില്‍ ഹൃതിക് സത്യം തുറന്നുപറഞ്ഞാല്‍ അത് എല്ലാവരെയും ഞെട്ടിക്കുന്ന ഒന്നായിരിക്കും എന്ന് രാകേഷ് പറയുന്നു. ഹൃതിക് വ്യത്യസ്തനാണ്. കങ്കണ പോലൊരു സ്ത്രീ ഹൃതിക്കിനെതിരെ നുണപ്രചരണം നടത്തുകയാണ്. ഹൃതിക് ഈ വിഷയത്തില്‍ ശാന്തനായി ഇരിക്കാനാണ് ഇഷ്ടപ്പെടുന്നത്. അല്ലാതെ ഇതിലെ വാസ്തവം വെളിപ്പെടുത്തിയാല്‍ അത് നിങ്ങളെ ഒട്ടാകെ ഞെട്ടിക്കും.' രാകേഷ് വ്യക്തമാക്കി.
https://www.facebook.com/Malayalivartha
