സംസ്ഥാനത്ത് സ്വർണവിലയിൽ വീണ്ടും കുറവ്.... പവന് 1,880 രൂപയുടെ കുറവ്

സംസ്ഥാനത്ത് സ്വർണവിലയിൽ വീണ്ടും കുറവ് രേഖപ്പെടുത്തി. ഇന്ന് 22 കാരറ്റ് സ്വർണത്തിന് ഗ്രാമിന് 235 രൂപ കുറഞ്ഞ് 11,980 രൂപയും പവന് 1,880 രൂപ കുറഞ്ഞ് 95,840 രൂപയുമായി. തുടർച്ചയായ രണ്ട് ദിവസത്തിനുള്ളിൽ പവന് 4,000-ത്തോളം രൂപയാണ് കുറഞ്ഞത്. 22 കാരറ്റിന് സമാനമായി മറ്റ് കാരറ്റ് നിരക്കുകളിലും വ്യാഴാഴ്ച ഇടിവ് രേഖപ്പെടുത്തി.
18 കാരറ്റ് സ്വർണത്തിന് ഗ്രാമിന് 195 രൂപ കുറഞ്ഞ് 9,805 രൂപയും പവന് 1,560 രൂപ കുറഞ്ഞ് 78,440 രൂപയുമാണ് വ്യാഴാഴ്ചത്തെ നിരക്ക്. 14, 9 കാരറ്റുകളുടെ നിരക്കിലും ഈ ഇടിവ് പ്രകടമാണ്. 14 കാരറ്റ് സ്വർണത്തിന് ഗ്രാമിന് 150 രൂപ കുറഞ്ഞ് 7,675 രൂപയും പവന് 1,200 രൂപ കുറഞ്ഞ് 61,400 രൂപയുമായി. 9 കാരറ്റിന് ഗ്രാമിന് 95 രൂപ കുറഞ്ഞ് 4,950 രൂപയും പവന് 760 രൂപ കുറഞ്ഞ് 39,600 രൂപയിലുമാണ് വിപണിയിൽ വ്യാപാരം നടക്കുന്നത്.
അന്താരാഷ്ട്ര വിപണിയിലെ വിൽപ്പന സമ്മർദവും യുഎസ് ഡോളർ കരുത്താർജിച്ചതുമാണ് ആഭ്യന്തര വിപണിയിൽ സ്വർണവില തുടർച്ചയായി താഴേക്ക് പോകാനായി ഇടയാക്കിയതെന്നാണ് വിലയിരുത്തലുകളുള്ളത്.
https://www.facebook.com/Malayalivartha
























