ഞാന് ഭര്ത്താവിനെ ഇതുവരെ വഞ്ചിട്ടില്ല; അദ്ദേഹം എന്റെ കണ്കണ്ടദൈവം
സണ്ണിലിയോണ് ഇന്ത്യന് വംശജയും ക്യാനഡക്കാരിയുമാണ്. ക്യാനഡയില് നീലച്ചിത്ര നിര്മ്മാണം അംഗീകരിച്ചിട്ടുള്ള തൊഴിലാണ്. ആര്ക്കു വേണമെങ്കിലും നിര്മ്മിക്കാം, ആര്ക്കു വേണമെങ്കിലും അഭിനയിക്കാം, ആര്ക്കു വേണമെങ്കിലും വില്പന നടത്താം.
അവരുടെ സംസ്കാരത്തില് സെക്സ് എന്നത് സാധാരണമാണ്. പണത്തിന് ബുദ്ധിമുട്ടുണ്ടെങ്കില്, സുന്ദരിയായ ഒരു പെണ്ണിന് ചില നിര്ദ്ദിഷ്ട സ്ഥാപനങ്ങളിലെത്തി നീലപ്പടത്തില് അഭിനയിക്കാം. കൈ നിറയെ പണവും വാങ്ങി അവള് സ്ഥലംവിടും. ഈ നീലപ്പടങ്ങള് ആ രാജ്യത്ത് കൂടുതലായി വിറ്റഴിക്കുന്നില്ല. വിദേശങ്ങളില് ഇതിന് വന് വിപണികളുണ്ട്.
അക്കാലത്ത് സണ്ണി യൗവനം പൂത്തുലയുന്ന ഒരു വസന്തമായിരുന്നു. ദൈവം അവര്ക്ക് സ്പെഷ്യലായി സൗന്ദര്യം വാരിക്കോരി കൊടുത്തിരുന്നു. ഈ ശരീരവും സൗന്ദര്യവും വേണ്ട രീതിയില് പ്രയോജനപ്പെടുത്തിയാല് പുരുഷവര്ഗത്തെ തന്റെ കാല്ക്കീഴില് നിര്ത്താമെന്ന് സണ്ണി ആഗ്രഹിച്ചു.
കൊച്ചുകൊച്ചു കടകളിലും ബേക്കറികളിലും അവരുടെ യൗവനവും ശരീരവും തടവറയായപ്പോള് സണ്ണി മറിച്ചൊന്നും ചിന്തിച്ചില്ല. അവള്ക്ക് അപ്പോള് പണമായിരുന്നു വേണ്ടിയിരുന്നത്. അങ്ങനെയാണ് സണ്ണി നീലച്ചിത്രങ്ങളിലെ നായികയായത്.
അവളുടെ ജ്വലിക്കുന്ന നഗ്നത ക്യാഡനയിലെ പുരുഷന്മാര്ക്ക് സ്വര്ഗ്ഗീയ ദൃശ്യവിരുന്നായിരുന്നു. മാത്രമല്ല, വിദേശത്തുനിന്നും എത്തുന്ന ഇത്തരം നടിമാരെ അന്നാട്ടിലെ ഭരണകക്ഷികള് പ്രണയിക്കുകയും അവരുമായി ശാരീരികബന്ധം പുലര്ത്തുകയും ചെയ്യുന്നത് സര്വസാധാരണമായിരുന്നു.
തന്ത്രശാലിയായ സണ്ണി ഈ വകയിലും സമ്പാദിച്ചുകൂട്ടുകയുണ്ടായി. മാത്രമല്ല, സ്വന്തമായി നാല്പതോളം നീലപ്പടങ്ങള് സണ്ണിലിയോണ് നിര്മ്മിച്ച് സംവിധാനം ചെയ്തു!പക്ഷേ...
ക്യാനഡയില് സണ്ണി ചെയ്തതുപോലെ ഇന്ത്യയില് ചെയ്താല് തീര്ച്ചയായും തീഹാര് ജയിലില് കഴിയുമെന്നത് ഉറപ്പാണ്. നമ്മുടെ സംസ്കാരം മഹത്തായ ഒന്നാണല്ലോ(!)ഒടുവില് ഇന്ത്യന് സിനിമാലോകത്ത് ദിഗ്വിജയം ചെയ്ത സണ്ണി, ഇവിടെവന്ന് നീലപ്പടങ്ങളിലൊന്നും അഭിനയിക്കുകയുണ്ടായില്ല.
അവര് അഭിനയിക്കുന്ന പടങ്ങള്ക്ക് കുറഞ്ഞ പക്ഷം 'എ' സര്ട്ടിഫിക്കറ്റ് നല്കാറുണ്ടെങ്കിലും നമ്മുടെ രാജ്യത്തെ നിയമങ്ങളും മറ്റും അവര് ലംഘിക്കുകയുണ്ടായില്ല.
'ബിഗ് ബാസ്', സ്പ്ലിറ്റ് വില്ല' എന്നീ പ്രസിദ്ധമായ രണ്ടു റിയാലിറ്റി ഷോകളില് ഇവര് അതിപ്രശസ്തയാണ്. ഒരുപാട് ആല്ബങ്ങള്ക്കായി സണ്ണി പാടിയിട്ടുണ്ടെന്നു കേള്ക്കുമ്പോള് നമുക്ക് അവിശ്വസനീയമായി തോന്നാം. അവരുടെ സ്വരവും മനോഹരമാണ്. നൃത്തകലയില് നൈപുണ്യം. അതിലുപരി അവര് ഒരു എഴുത്തുകാരിയും കൂടിയാണ്. സമീപകാലത്തായി ഇവര് രചിച്ച ഗ്രന്ഥം താമസംവിനാ പ്രസിദ്ധീകരിക്കും. ഇങ്ങനെ നിരവധി കഴിവുകളുള്ള മറ്റേതൊരു നടി ഇന്ത്യയിലുണ്ട്? അതാണ് ചോദ്യം.
ക്യാനഡയില് അവര് ഏതു പടത്തിലോ അഭിനയിക്കട്ടെ. പക്ഷേ അവരുടെ അപാരമായ കഴിവുകള് നാം അംഗീകരിച്ചു കൊടുത്തല്ലേ പറ്റൂ. അല്ലെങ്കില് കണ്ണുകള് ഉണ്ടെങ്കിലും കാഴ്ചയില്ലെന്ന് പറഞ്ഞിരിക്കുന്നതിന് തുല്യമാവില്ലേ?
കഴിഞ്ഞ കാലത്തെ തന്റെ ഇമേജിനെക്കുറിച്ച് സണ്ണിക്ക് യാതൊരു സങ്കടവും ഇല്ല. ബോളിവുഡ്ഡില് എത്തി, താനൊരു മുന്നിര നായികമാരില് ഒരാളെന്ന സ്ഥാനം നിലനിര്ത്തിക്കൊണ്ടിരിക്കുന്നത് അവരുടെ പ്രത്യേക സാമര്ത്ഥ്യംതന്നെയാണ്.ഈ നിലയില് അവര് അഭിസാരികയാണെന്നും വേശ്യയാണെന്നും ചിത്രീകരിക്കപ്പെടുന്നവരുണ്ട്. യഥാര്ത്ഥ ജീവിതത്തില് സണ്ണിയുടെ കുടുംബജീവിതം മറ്റു നടിമാര്ക്ക് ഒരു മാതൃകയാണ്. ഭര്ത്താവിനെ അത്രകണ്ട് സ്നേഹിക്കുകയും പരിചരിക്കുകയും ചെയ്യുന്ന നടിമാര് വളരെ അപൂര്വമാണ്. ഒരു നീലപ്പട നായികയുടെ ദാമ്പത്യം, യാതൊരുവിധ അസ്വാരസ്യവും കൂടാതെ ഇത്രയും കാലയളവില് അവിഘ്നം ഒഴുകുക എന്നതും ഒരത്ഭുതമാണ്.
അത്രകണ്ട് ഐക്യത പുലര്ത്തുന്ന കുടുംബമാണ് സണ്ണിയുടേത്. സണ്ണി ഇന്ത്യയിലേക്ക് വരുന്നതായി അറിഞ്ഞ ഒരുവിഭാഗം ഇവിടെ ചന്ദ്രഹാസവുമായി നിന്നവരോട് തന്റെ കുടുംബം കണ്ടുപഠിക്കാന് സണ്ണി ഉപദേശിക്കുകയുണ്ടായി. ഇന്നവര് സമൂഹസേവനവുമായി മുന്നിട്ടിറങ്ങിയിരിക്കുകയാണ്. നാളെ ഒരുപക്ഷേ സണ്ണി ഏതെങ്കിലുംരാഷ്ട്രീയ പാര്ട്ടിയില് ചേര്ന്നെന്നു വരാം. മന്ത്രിയായെന്നും വരാം. എന്തുകൊണ്ടും സണ്ണിയാണ് താരം. കുറേ മഞ്ഞപ്പിക്കണ്ണുകാരാണ് വിമര്ശിച്ച് അവരെ വലിയ താരം ആക്കിയത്.
https://www.facebook.com/Malayalivartha