'ഏ ദില് ഹേ മുഷ്കില്' പ്രദര്ശിപ്പിക്കില്ലെന്ന് തീയറ്റര് ഉടമകള്
പാകിസ്താന് താരങ്ങള് അഭിനയിച്ച സിനിമകള്ക്ക് റിലീസിന് തീയറ്ററുകള് നല്കേണ്ടതില്ലെന്ന് തീയറ്റര് ഉടമകളുടെ സംഘടന. മുംബൈ ആസ്ഥാനമാക്കി പ്രവര്ത്തിക്കുന്ന 'സിനിമ ഓണേഴ്സ് എക്സിബിറ്റേഴ്സ് അസോസിയേഷന് ഓഫ് ഇന്ത്യ'യുടേതാണ് തീരുമാനം. പാക് താരം ഫവാദ് ഖാന് അഭിനയിച്ച കരണ് ജോഹറിന്റെ പുതിയ ചിത്രം 'ഏ ദില് ഹേ മുഷ്കിലി'നെയാവും തീരുമാനം നേരിട്ട് ബാധിക്കുക. മഹാരാഷ്ട്ര, ഗുജറാത്ത്, ഗോവ എന്നിവിടങ്ങളിലും കര്ണാടകയിലുമാണ് തീരുമാനം നടപ്പില് വരുക. ഒറ്റസ്ക്രീന് തീയറ്ററുകളിലാവും സിനിമയ്ക്ക് നിരോധനം.
ഉറി ഭീകരാക്രമണത്തെ തുടര്ന്ന് മഹാരാഷ്ട്ര നവനിര്മാണ് സേനയും (എംഎന്എസ്) ബിജെപിയുമാണ് പാക് താരങ്ങള് ബോളിവുഡ് ചിത്രങ്ങളുമായി സഹകരിക്കുന്നതില് പ്രതിഷേധിച്ച് രംഗത്തെത്തിയത്. പാക് താരങ്ങള് അഭിനയിച്ച രംഗങ്ങള് മുറിച്ചുനീക്കണമെന്നും അല്ലാത്തപക്ഷം റിലീസിന് അനുവദിക്കില്ലെന്നുമായിരുന്നു സംഘടനകളുടെ ഭീഷണി. തുടര്ന്ന് പാക് താരമായ മഹിറാ ഖാനെ ഷാരൂഖ് ചിത്രമായ റയീസില് നിന്ന് നിര്മ്മാതാക്കള് പുറത്താക്കിയിരുന്നു. മഹിറയായിരുന്നു റയീസില് ഷാരൂഖിന്റെ നായിക.
https://www.facebook.com/Malayalivartha
