സങ്കടക്കാഴ്ചയായി... ദോഫാര്‍ ഗവര്‍ണറേറ്റില്‍ നിന്ന് മടങ്ങുന്നതിനിടെയുണ്ടായ വാഹനാപകടത്തില്‍ അധ്യാപികയും മൂന്ന് മക്കളും മരിച്ചു. തെക്കന്‍ ശര്‍ഖിയ ഗവര്‍ണറേറ്റില്‍ നിന്നുള്ളവരാണ് അപകടത്തില്‍പെട്ടത്. അധ്യാപികയും അവരുടെ രണ്ട് പെണ്‍മക്കളും ഒരു ആണ്‍കുട്ടിയുമാണ് മരിച്ചത്.

അപകടത്തില്‍ പരുക്കേറ്റ മറ്റ് രണ്ട് പേരെ റോയല്‍ ഒമാന്‍ പൊലീസിന്റെ എയര്‍ വിങ് ഹെലികോപ്റ്റര്‍ വഴി സലാലയിലെ സുല്‍ത്താന്‍ ഖാബൂസ് ആശുപത്രിയിൽ പ്രവേശിപ്പിക്കുകയും ചെയ്തു.

ജഅലാന്‍ ബനി ബൂ അലിയിലെ ദൗഹത് അല്‍ ഇല്‍ഹം സ്‌കൂളിൽ ഇരുപത് വര്‍ഷത്തിലേറെയായി അധ്യാപനരംഗത്ത് സമര്‍പ്പണത്തോടെ സേവനമനുഷ്ഠിച്ച സഹപ്രവര്‍ത്തകയ്ക്ക് ഭരണസമിതിയും അധ്യാപകരും ആദരാഞ്ജലി അര്‍പ്പിക്കുകയും ചെയ്തു.