പ്രതിഫല തര്‍ക്കത്തെ തുടര്‍ന്ന് വിജയ് ചിത്രമായ ഭൈരവയില്‍ നിന്ന് ബോളിവുഡ് സുന്ദരി സണ്ണി ലിയോണ്‍ പിന്‍മാറിയതോടെ വിജയ് ചിത്രം ഭൈരവി പ്രതിസന്ധിയില്‍. ചിത്രത്തില്‍ നായകനായി അഭിനയിക്കുന്ന വിജയെക്കാളും പ്രതിഫലം സണ്ണി ലിയോണ്‍ ആവശ്യപ്പെട്ടതോടെയാണ് സണ്ണിലിയോണിനെ മാറ്റാന്‍ തീരുമാനിച്ചത്. എന്നാല്‍ ചിത്രത്തില്‍ ഒരു പ്രധാനവേഷമാണ് സണ്ണിക്കുള്ളത്. സണ്ണിലിയോണില്ലെങ്കില്‍ ചിത്രം മുടങ്ങുമെന്ന് സംവിധായകന്‍ നിര്‍മാതാവിനെ അറിയിച്ചിട്ടും വഴങ്ങിയില്ലെന്നാണ് റിപ്പാര്‍ട്ട്.
ഭൈരവയില്‍ ഐറ്റം ഡാന്‍സിനു വേണ്ടിയാണ് ചിത്രത്തിന്റെ അണിയറ പ്രവര്‍ത്തകര്‍ സണ്ണി ലിയോണിനെ കണ്ടത്.മൂന്ന് കോടി രൂപയാണ് ഇതിനായി സണ്ണി ലിയോണ്‍ ആവശ്യപ്പെട്ടത്.തുക ഭൈരവ ടീം സമ്മതിക്കുകയും ചെയ്തു.എന്നാല്‍ പിന്നീട് പ്രതിഫലത്തിന് പുറമേ തന്റെ ടീമിന്റെ യാത്രാ ചെലവും മറ്റും നിര്‍മ്മാതാവ് വഹിക്കണം എന്ന് പറഞ്ഞതോടെയാണ് നടിയെ ഒഴിവാക്കിയതെന്നാണ് റിപ്പോര്‍ട്ട്.
സണ്ണി ലിയോണിനൊപ്പം പത്തു പേരടങ്ങുന്ന ടീമാണ് ഉണ്ടാവുക. പത്ത് പേരെ മുംബൈയില്‍ നിന്ന് ചെന്നൈയിലെത്തിക്കുന്ന ചെലവ് ഓര്‍ത്തതോടെയാണ് സണ്ണി വേണ്ടെന്ന് അണിയറ പ്രവര്‍ത്തകര്‍ തീരുമാനിച്ചത്.വിജയ പ്രൊഡക്ഷന്‍സിന്റെ ബാനറില്‍ ഭരതന്‍ സംവിധാനം ചെയ്യുന്ന ചിത്രത്തില്‍ കീര്‍ത്തി സുരേഷാണ് നായിക. ഇവരെ കൂടാതെ സതീഷ്, അപര്‍ണ വിനോദ്, ഡാനിയല്‍ ബാലാജി, മൊട്ട രാജേന്ദ്രന്‍, ഹാരിഷ് ഉത്തമന്‍, ജഗപതി ബാബു തുടങ്ങിയവരും ചിത്രത്തിലുണ്ട്. വടകറി എന്ന തമിഴ് ചിത്രത്തിലാണ് സണ്ണി ഇതിനുമുമ്പ് അഭിനയിച്ചത്.