സിനിമ കാണാന്‍ ടിക്കറ്റ് ഉറപ്പിച്ചോളൂ. ഒപ്പം ഞെട്ടാനും അതിഗംഭീരമാണ് രണ്ടാം ഭാഗമെന്നാണ് റിപ്പോര്‍ട്ടുകള്‍. ബാഹുബലി രണ്ടാം ഭാഗത്തിന്റെ ചിത്രീകരണത്തിന്റെ 360ഡിഗ്രി കാഴ്ച പുറത്തുവിട്ടു
ആരാധകര്‍ ഏറെ ആകാംക്ഷയോടെ കാത്തിരിക്കുന്ന ബാഹുബലി രണ്ടാം ഭാഗത്തിന്റെ ചിത്രീകരണത്തിന്റെ 360ഡിഗ്രി കാഴ്ച പുറത്തുവിട്ടു. ബാഹുബലി 2 ന്റെ സെറ്റിലൂടെ സംവിധായകന്‍ രാജ മൗലി തന്നെയാണ് പ്രേക്ഷകരെ ഈ അനുഭവത്തിലേക്ക് കൂട്ടികൊണ്ടു പോകുന്നത്.
അതേസമയം രണ്ടാം ഭാഗം ഒരുങ്ങുമ്പോള്‍, കട്ടപ്പ എന്തിന് ബാഹുബലിയെ കൊന്നു എന്നതിലുപരി സാങ്കേതിക തികവൊത്ത ദൃശ്യ വിരുന്നാണ് ആരാധകര്‍ പ്രതീക്ഷിക്കുന്നത്. ബാഹുബലിയേക്കാള്‍ അതിശയിപ്പിക്കുന്ന ക്ലൈമാക്‌സ് രംഗങ്ങള്‍ ബാഹുബലി ദ കണ്‍ക്ലൂഷനില്‍ പ്രതീക്ഷിക്കാം. അത് ഏറ്റവും മികച്ചതാക്കുന്നതിനുള്ള ശ്രമത്തിലാണ് അണിയറപ്രവര്‍ത്തകര്‍. 
കട്ടപ്പ എന്തിന് ബാഹുബലിയെ കൊന്നുവെന്ന് വിശദീകരിക്കുന്ന ഭാഗം ചിത്രീകരിച്ചു കഴിഞ്ഞു. ചിത്രീകരണ സമയത്ത് ഒരു ഭാഗവും ചോരാതിരിക്കാന്‍ അണയറപ്രവര്‍ത്തര്‍ മൊബൈല്‍ ഫോണുകള്‍ കൊണ്ടുവരുന്നത് പോലും വിലക്കിയിരുന്നു.
130 കോടി രൂപയുടെ ബജറ്റിലാണ് സിനിമ നിര്‍മ്മിക്കുന്നത്. ആദ്യ ഭാഗം ബോക്‌സ് ഓഫീസില്‍ നേടിയത് 600 കോടി രൂപയായിരുന്നു. അടുത്ത വര്‍ഷം ഏപ്രില്‍ 28ന് ചിത്രം പ്രദര്‍ശനത്തിന് എത്തുമെന്നാണ് പ്രഖ്യാപനം.